San Marcos 16:6 - Li Santil hu

⁶ Ut li cui̱nk quixye reheb: —Mexxucuac. La̱in ninnau nak yo̱quex chixsicꞌbal li Jesús aj Nazaret li queꞌxcamsi chiru cruz. Aꞌan ma̱ ani chic arin. Ac xcuacli cuiꞌchic chi yoꞌyo. Ilomak lix naꞌaj li xcuan cuiꞌ li camenak.

Q'eqchi Bible

⁶ Ut a'an kixye reheb': —Mexxiwak. Li Jesus aj Nazaret nekesik', a' li kik'ehe'k chiru krus. Xwakliik chi yo'yo, maa'ani chik arin. Wahi' li na'ajej b'arwi' xjilib'aak.

San Marcos 16:6 ပူးပေါင်းရင်းမြစ်များ

San Lucas 24:46

Quixye reheb: —Joꞌcaꞌin tzꞌi̱banbil chak retalil saꞌ li Santil Hu chicuix la̱in: tento nak li Cristo tixcꞌul li raylal ut saꞌ rox li cutan ta̱cuacli̱k cuiꞌchic chi yoꞌyo saꞌ xya̱nkeb li camenak.

Hechos 4:10

Takaye lix ya̱lal e̱re re nak te̱nau nak li cui̱nk aꞌin xqꞌuira saꞌ xcꞌabaꞌ li Jesucristo laj Nazaret li queqꞌue la̱ex chi camsi̱c chiru cruz. Ut aꞌan li quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Saꞌ xcꞌabaꞌ aꞌan xqꞌuira li cui̱nk aꞌin li yo̱quex chirilbal arin anakcuan.

Proverbios 8:17

La̱in nequebinra li nequeꞌcuulac chiruheb xba̱nunquil li cha̱bil naꞌleb. Eb li nequeꞌxqꞌue xchꞌo̱l chixsicꞌbal nequeꞌxtau ajcuiꞌ.

San Marcos 1:24

Li cui̱nk aꞌan quixjap re ut quixye: —¿Cꞌaꞌru ta̱cuaj kiqꞌuin, at Jesús aj Nazaret? ¿Ma chikasachbal xatchal? Ninnau anihat la̱at. La̱at lix Santil Alal li Dios, chan.

San Mateo 12:40

Joꞌ nak laj Jonás oxib cutan ut oxib kꞌojyi̱n quicuan chak saꞌ xsaꞌ li nimla car, joꞌcan ajcuiꞌ nak la̱in li Cꞌajolbej tincua̱nk oxib cutan ut oxib kꞌojyi̱n saꞌ li mukleba̱l.

Salmos 71:20

Usta xina̱canab chixcꞌulbal nabal li raylal ut li chꞌaꞌajquilal, abanan la̱at ta̱qꞌue cuiꞌchic incacuilal. Chanchan cuanquin saꞌ li chamal jul nak yo̱quin chixcꞌulbal li raylal. Abanan la̱at tatcolok cue.

San Marcos 10:34

Ut tineꞌxhob, tineꞌxsacꞌ, tineꞌxchu̱ba ut tineꞌxcamsi. Aban saꞌ rox li cutan tincuacli̱k cuiꞌchic chi yoꞌyo saꞌ xya̱nkeb li camenak.—

San Marcos 1:27

Quilajeꞌsach xchꞌo̱l chixjunileb li tenamit ut queꞌxye chiribileb rib: —¿Cꞌaꞌru xya̱lal aꞌin? ¿Cꞌaꞌru li acꞌ tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, nequeꞌxpa̱b.—

San Marcos 9:15

Ut eb li qꞌuila tenamit queꞌsach xchꞌo̱l chirilbal li Jesús, ut queꞌco̱eb saꞌ a̱nil chixcꞌulbal ut queꞌxqꞌue xsahil xchꞌo̱l.

San Marcos 14:33

Ut quixcꞌam oxib lix tzolom chirix. Aꞌaneb laj Pedro, laj Jacobo ut laj Juan. Ut cꞌajoꞌ nak qui-oc chi yotꞌecꞌ xchꞌo̱l li Jesús.

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.