San Marcos 16:16 - Li Santil hu

¹⁶ Li ani ta̱pa̱ba̱nk ut ta̱cube̱k xhaꞌ, aꞌan ta̱colekꞌ; aꞌut li ani incꞌaꞌ ta̱pa̱ba̱nk, aꞌan ta̱xic saꞌ tojba ma̱c.

Q'eqchi Bible

¹⁶ Ani taapaab'anq ut taakub'eeq xha', a'an taakole'q; a'ut li ink'a' taapaab'anq, taateneb'aaq tojb'amaak sa' xb'een.

San Marcos 16:16 ပူးပေါင်းရင်းမြစ်များ

San Juan 3:36

Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

San Juan 8:24

Joꞌcan nak xinye e̱re nak texca̱mk saꞌ le̱ ma̱c. La̱ex texca̱mk saꞌ le̱ ma̱c cui incꞌaꞌ nequepa̱b nak la̱in ac cuanquin ajcuiꞌ chak saꞌ xticlajic joꞌ xinye e̱re, chan li Jesús.

San Juan 6:29

Li Jesús quixye reheb: —Li cꞌaꞌru naraj li Dios nak te̱ba̱nu, aꞌan aꞌin: nak tine̱pa̱b la̱in xban nak taklanbilin chak xban, chan.

San Juan 3:5

Quichakꞌoc li Jesús ut quixye re: —Relic chi ya̱l ninye a̱cue nak ani incꞌaꞌ ta̱yoꞌla̱k riqꞌuin haꞌ ut riqꞌuin li Santil Musikꞌej moco ta̱ru̱k ta ta̱oc rubel lix nimajcual cuanquilal li Dios.

Hechos 10:43

Aꞌan aꞌin li Jesús li queꞌxye chak resil chixjunileb li profeta junxil. Queꞌxye nak saꞌ xcꞌabaꞌ aꞌan ta̱cuyekꞌ xma̱queb chixjunileb li nequeꞌpa̱ban re.—

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

Apocalipsis 20:15

Ut li ani incꞌaꞌ quitaꞌeꞌ xcꞌabaꞌeb saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, aꞌaneb li queꞌcuteꞌ saꞌ li xam li chanchan palau.

San Juan 6:35

Li Jesús quixye reheb: —La̱in li cua aꞌan. La̱in ninqꞌuehoc junelic yuꞌam. Li ani napa̱ban cue ta̱cꞌojoba̱k xchꞌo̱l. Incꞌaꞌ chic ta̱tzꞌoca̱k ut incꞌaꞌ chic ta̱chakik re. Chanchan nak ac xrakeꞌ chi tzaca̱nc.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

San Marcos 1:15

Li Jesús quixye: —Xcuulac xkꞌehil lix nimajcual xcuanquilal li Dios. Chiyotꞌekꞌ e̱chꞌo̱l chejal e̱cꞌaꞌux ut pa̱bomak li Santil Evangelio, chan li Jesús.

Hechos 22:16

¿Cꞌaꞌut nak nacabay a̱cuib? Cuaclin. Li Dios tixcuy tixsach la̱ ma̱c nak ta̱ya̱ba lix cꞌabaꞌ. Ut cꞌul li cubi haꞌ,” chan cue.

San Juan 6:40

Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.

1 Pedro 1:21

Saꞌ xcꞌabaꞌ li Cristo yo̱quex chixpa̱banquil li Dios, li quicuaclesin cuiꞌchic re li Cristo chi yoꞌyo saꞌ xya̱nkeb li camenak ut quixqꞌue xlokꞌal. Joꞌcan nak xepa̱b ut caꞌaj cuiꞌ riqꞌuin li Dios nequexyoꞌonin.

Hechos 2:41

Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

San Lucas 8:12

Ut li iyaj li quinak chire li be, aꞌan retalileb li nequeꞌabin re li ra̱tin li Dios. Nak ac xeꞌrabi li a̱tin, laj tza incꞌaꞌ naxcanabeb re teꞌxtau ru lix ya̱lal li ra̱tin li Dios re nak incꞌaꞌ teꞌpa̱ba̱nk ut teꞌcolekꞌ.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Hechos 13:39

Incꞌaꞌ quiti̱cobresi̱c xchꞌo̱leb li kaxeꞌto̱nil yucuaꞌ riqꞌuin xba̱nunquil li naxye saꞌ lix chakꞌrab laj Moisés, abanan anakcuan naru chic ta̱ti̱cobresi̱k kachꞌo̱l riqꞌuin xpa̱banquil li Jesús.

Romanos 4:24

Quitzꞌi̱ba̱c aj ban cuiꞌ saꞌ kacꞌabaꞌ la̱o. Li Dios naxye nak ti̱c ajcuiꞌ li kachꞌo̱l la̱o cui takapa̱b chi tzꞌakal li quicuaclesin re li Ka̱cuaꞌ Jesucristo chi yoꞌyo saꞌ xya̱nkeb li camenak.

2 Ts 2:12

Li Dios quixba̱nu chi joꞌcaꞌin riqꞌuineb re nak teꞌxcꞌul xtojbal xma̱queb chixjunileb li incꞌaꞌ queꞌpa̱ban re li ya̱l. Aꞌ ban chic li ma̱usilal quicuulac chiruheb xba̱nunquil.

2 Ts 1:8

Chanchan li rakꞌ xam nak ta̱cha̱lk li Ka̱cuaꞌ Jesucristo riqꞌuin xnimal xlokꞌal chi rakoc a̱tin. Tixqꞌueheb chixtojbal xma̱queb li ani incꞌaꞌ nequeꞌpa̱ban re li Dios joꞌ ajcuiꞌ li ani incꞌaꞌ nequeꞌraj rabinquil resilal li colba-ib li naxqꞌue li Ka̱cuaꞌ Jesucristo.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Romanos 3:6

Relic chi ya̱l nak ti̱c xchꞌo̱l li Dios. Cui ta incꞌaꞌ, ¿chan raj ru nak tixrak a̱tin saꞌ xbe̱neb li cuanqueb saꞌ ruchichꞌochꞌ?