San Marcos 16:1 - Li Santil hu

¹ Nak quinumeꞌ li hiloba̱l cutan, lix María aj Magdala ut lix Salomé ut lix María xnaꞌ laj Jacobo queꞌxlokꞌ li sununquil ban re teꞌxic chixqꞌuebal saꞌ xbe̱n li camenak.

Q'eqchi Bible

¹ Naq kinume'k li sábado, lix María aj Magdala, lix María xna' laj Santiago, ut li xSalomé ke'xloq' sununkil b'an re naq toxe'xyul chirix li kamenaq.

San Marcos 16:1 ပူးပေါင်းရင်းမြစ်များ

San Lucas 23:56

Queꞌsukꞌi saꞌ rochocheb ut queꞌxcauresi li sununquil ban re xbanbal li camenak, ut queꞌhilan saꞌ li hiloba̱l cutan joꞌ naxye saꞌ lix chakꞌrabeb.

San Marcos 15:40

Cuanqueb ajcuiꞌ ixk yo̱queb chi iloc chi najt. Saꞌ xya̱nkeb aꞌan cuan lix María aj Magdala, lix Salomé ut lix María xnaꞌeb laj José ut laj Jacobo li i̱tzꞌinbej.

San Juan 19:31

Eb li nequeꞌtaklan saꞌ xya̱nkeb laj judío queꞌxtzꞌa̱ma chiru laj Pilato re nak tixtakla xtokbal xbakel li raꞌeb li queꞌqꞌueheꞌ chiru cruz re nak teꞌca̱mk chi junpa̱t. Queꞌraj nak teꞌisi̱k chiru cruz xban nak cuulac re li hiloba̱l cutan. Yo̱queb chixcauresinquil ribeb re li ninkꞌe Pascua xban nak aꞌan li kꞌaxal lokꞌ chiruheb.

San Juan 19:25

Nachꞌ riqꞌuin li cruz xakxo li xnaꞌ li Jesús rochben lix María li ras. Aꞌan li rixakil laj Cleofas. Ut cuan ajcuiꞌ aran lix María, Magdala xtenamit.

San Marcos 16:8

Ut eb li ixk queꞌel aran ut queꞌco̱eb saꞌ a̱nil ut nequeꞌsicsot xbaneb xxiu. Ut ma̱ ani aj e queꞌxye xban nak teꞌxucuak.

San Marcos 15:47

Ut lix María aj Magdala ut lix María xnaꞌ laj José queꞌril bar quixmuk.

San Marcos 14:8

Li ixk aꞌin xba̱nu li joꞌ qꞌuial xru xba̱nunquil. Ma̱jiꞌ nincam abanan ac xinixban re lin mukbal.

San Marcos 14:3

Li Jesús cuan aran Betania saꞌ rochoch laj Simón li saklep rix. Chunchu saꞌ me̱x nak quichal jun li ixk. Cuan chak jun chꞌina botella sununquil ban riqꞌuin. Lix naꞌaj li ban aꞌan yi̱banbil riqꞌuin cha̱bil pec alabastro xcꞌabaꞌ ut li sununquil ban aꞌan nardo xcꞌabaꞌ ut kꞌaxal terto xtzꞌak. Li ixk quixtok xcux li chꞌina botella ut quixqꞌue li ban saꞌ xjolom li Jesús.

2 Crónicas 16:14

Quimukeꞌ saꞌ lix tenamit laj David saꞌ li naꞌajej li quixcauresi laj Asa. Saꞌ li naꞌajej li queꞌxmuk cuiꞌ queꞌxqꞌue nabal pa̱y ru li sununquil ban yi̱banbil xbaneb li nequeꞌxnau yi̱ba̱nc sununquil ban. Nak ac xeꞌxmuk, queꞌxloch jun nimla xam re xqꞌuebal xlokꞌal.

San Lucas 23:54

Chixjunil aꞌin quicꞌulman saꞌ li cutan nak nequeꞌxcauresi li cꞌaꞌru reheb re li hiloba̱l cutan xban nak ac cuulac re xcutanquil.

San Marcos 15:42

Nak ac oc re li kꞌojyi̱n, ac nachꞌoc chak re li hiloba̱l cutan. Yo̱queb chixcauresinquil ribeb re li hiloba̱l cutan.

Génesis 50:2

Tojoꞌnak quixtakla xbokbaleb lix mo̱s li nequeꞌbanoc camenak re nak incꞌaꞌ ta̱chuhokꞌ. Ut eb aꞌan queꞌxban li camenak re nak incꞌaꞌ ta̱chuhokꞌ.

San Marcos 16:2

Toj ekꞌela queꞌco̱eb saꞌ li xbe̱n li cutan re li xama̱n. Ac x-el chak li sakꞌe nak yo̱queb chi xic saꞌ li mukleba̱l.

San Lucas 24:1

Saꞌ li xbe̱n li cutan re li xama̱n, toj ekꞌela chi us, co̱eb li ixk cuan cuiꞌ li mukleba̱l. Queꞌxcꞌam li sununquil ban li queꞌxyi̱b. Ut cuanqueb jalaneb chic ixk rochbeneb.