San Marcos 15:5 - Li Santil hu

⁵ Aban li Jesús ma̱ jun a̱tin quixye re xcolbal rib ut riqꞌuin aꞌan quisach xchꞌo̱l laj Pilato.

Q'eqchi Bible

⁵ A'ut li Jesus tik ink'a' kichaq'ok: k'ajo' naq kisachk xch'ool laj Pilaat xb'aan.

San Marcos 15:5 ပူးပေါင်းရင်းမြစ်များ

Isaías 53:7

Kꞌaxal ra queꞌxba̱nu re, abanan quixcubsi rib chiruheb ut quixcuy chixjunil. Ma̱ jun a̱tin quixye reheb. Chanchan li chꞌina carner oc re chi camsi̱c. Chanchan li carner oqueb re chirisinquil li rix. Ma̱ jun a̱tin quixye.

Zacarías 3:8

At Josué, la̱at li xbe̱nil laj tij. Chacuabihak la̱at ut cheꞌrabihak ajcuiꞌ eb laj tij li nequeꞌtenkꞌan a̱cue. La̱ex retalil laj cꞌanjel chicuu li tintakla chak, li nequeꞌxye xtux cheꞌ re.

1 Corintios 4:9

Nak nincꞌoxla la̱in li Dios xoxqꞌue la̱o li apóstol chi ma̱cꞌaꞌ kacuanquil. Chanchano junak aj ma̱c li ac xteneba̱c ca̱mc saꞌ xbe̱n ut qꞌuebilo chiruheb li ángel ut chiruheb li cui̱nk re toeꞌril.

San Mateo 27:14

Aban li Jesús ma̱ jun li a̱tin quixye re tixcol rib ut riqꞌuin aꞌan quisach xchꞌo̱l laj Pilato.

Salmos 71:7

Nabaleb li nequeꞌsach xchꞌo̱l chicuilbal chanru nak niquina̱col chiru li qꞌuila raylal li nincꞌul.

San Juan 19:9

Qui-oc cuiꞌchic saꞌ cab rochben li Jesús ut quixye re: —Ye cue bar xatchal chak.— Abanan li Jesús ma̱ jun li a̱tin quixye.

Isaías 8:18

La̱in cuanquin arin cuochbeneb li cualal li quixqꞌue cue li Ka̱cuaꞌ. Cotakla̱c chak xban li nimajcual Dios li nacuan saꞌ li tzu̱l Sión joꞌ jun retalil chokꞌ reheb laj Israel.

San Mateo 27:12

Ut nak yo̱ xjitbal xbaneb lix be̱nil aj tij ut eb li nequeꞌcꞌamoc be chiruheb laj judío, chi ti̱c incꞌaꞌ quichakꞌoc.

San Marcos 15:4

Ut laj Pilato quixpatzꞌ cuiꞌchic re: —¿Ma incꞌaꞌ nacatchakꞌoc? ¿Ma incꞌaꞌ nacacuabi li joꞌ qꞌuial yo̱queb chixyebal cha̱cuix? chan laj Pilato re.

San Lucas 23:9

Nabal li cꞌaꞌak re ru quilajxpatzꞌ re ut li Jesús chi ti̱c incꞌaꞌ quichakꞌoc.