San Marcos 14:6 - Li Santil hu

⁶ Ut li Jesús quixye reheb: —¿Cꞌaꞌut nak yo̱quex chixchꞌiꞌchꞌiꞌinquil li ixk? Canabomak xcuechꞌinquil xban nak us li xba̱nu cue.

Q'eqchi Bible

⁶ A'ut li Jesus kixye reheb': —Kanab'omaq. K'a'ut naq nekech'i'ch'i'i? Chaab'il k'anjel xb'aanu we.

San Marcos 14:6 ပူးပေါင်းရင်းမြစ်များ

Hebreos 13:21

Chicua̱nk taxak li rusilal li Dios e̱riqꞌuin re nak te̱ba̱nu li cꞌaꞌru naraj. Chixba̱nuhak taxak li Dios li cꞌaꞌru naraj e̱riqꞌuin saꞌ xcꞌabaꞌ li Jesucristo. Lokꞌoninbil taxak li Jesucristo chi junelic kꞌe cutan. Joꞌcan taxak.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

Tito 3:14

Eb li kech aj pa̱banelil tento nak teꞌxtzol rib xba̱nunquil li usilal ut teꞌxtzol ajcuiꞌ xtenkꞌanquileb li tenkꞌa̱c teꞌraj re nak incꞌaꞌ ta̱cana̱k chi ma̱cꞌaꞌ rajbal lix pa̱ba̱leb.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

2 Timoteo 2:21

Cui junak aj pa̱banel naraj ta̱qꞌuehekꞌ re jun lix cha̱bil cꞌanjel xban li Dios, tento nak li jun aꞌan tixcanab chi junaj cua chixjunil li ma̱usilal. Cui tixba̱nu chi joꞌcan, li jun aꞌan kꞌaxtesinbilak chic chi cꞌanjelac chiru li Ka̱cuaꞌ ut cauresinbilak chic chixba̱nunquil li cha̱bil cꞌanjel.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Hechos 9:36

Ut quicuan aran Jope jun li ixk aj pa̱banel xTabita xcꞌabaꞌ. Chi jalbil ru naraj naxye Dorcas. Junelic yo̱ chixba̱nunquil usilal reheb li ras ri̱tzꞌin ut naxtenkꞌaheb li nebaꞌ.

San Mateo 26:10

Li Jesús quixnau li cꞌaꞌru yo̱queb chixyebal ut quixye reheb: —¿Cꞌaꞌut nak yo̱quex chixchꞌiꞌchꞌiꞌinquil li ixk aꞌin? Canabomak xcuechꞌinquil xban nak us li xba̱nu cue.

Tito 3:8

Li a̱tin aꞌin li xinye a̱cue, aꞌan li tzꞌakal ya̱l. La̱in nacuaj nak ta̱chꞌolob lix ya̱lal aꞌin chiruheb li ac xeꞌxpa̱b li Dios re nak teꞌxqꞌue xchꞌo̱l chi cꞌanjelac saꞌ cha̱bilal. Li xya̱lal aꞌin kꞌaxal cha̱bil ut ta̱cꞌanjelak chiruheb chixjunileb.

Tito 2:7

Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

2 Timoteo 3:17

Li Santil Hu naxcꞌut chiru li nacꞌanjelac chiru li Dios chanru nak ta̱cua̱nk chi tzꞌakal re ru lix yuꞌam ut naxtenkꞌa aꞌan re nak cauresinbilak chi tzꞌakal re xba̱nunquil chixjunil li cha̱bil cꞌanjel.

1 Timoteo 6:18

Chaye reheb nak cheꞌxba̱nu li us. Chinumta̱k lix cha̱bilaleb. Cheꞌxnauhak sihi̱nc chi nabal ut chi anchaleb xchꞌo̱l.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

2 Ts 2:17

Aꞌan ta ajcuiꞌ chicꞌojoba̱nk e̱chꞌo̱l ut chiqꞌuehok e̱cacuilal re xyebal ut re xba̱nunquil li cꞌaꞌru us.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

2 Corintios 10:18

Cuan li nequeꞌxye ribeb nak cha̱bileb. Abanan ma̱cꞌaꞌ na-oc cuiꞌ li nequeꞌxye. Aꞌ li kꞌaxal lokꞌ, aꞌan nak li Dios tixye nak li jun aꞌan cha̱bil.

2 Corintios 9:8

Nim xcuanquil li Dios. Ut aꞌan tixqꞌue e̱re chixjunil re nak junelic ta̱tzꞌaklok e̱re li cꞌaꞌak re ru nacꞌanjelac e̱re ut re ajcuiꞌ nak ta̱ru̱k textenkꞌa̱nk riqꞌuin chixjunil li cha̱bil cꞌanjel.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

San Marcos 14:5

Xru raj xcꞌayiman chi numenak oxib ciento denarios ut xkajeqꞌui raj reheb li nebaꞌ, chanqueb. Ut queꞌoc chixcuechꞌinquil li ixk.

San Marcos 14:7

Li nebaꞌ junelic cuanqueb saꞌ e̱ya̱nk. Yalak jokꞌe naru te̱tenkꞌaheb. Abanan la̱in moco cua̱nkin ta junelic e̱riqꞌuin.