San Marcos 14:5 - Li Santil hu

⁵ Xru raj xcꞌayiman chi numenak oxib ciento denarios ut xkajeqꞌui raj reheb li nebaꞌ, chanqueb. Ut queꞌoc chixcuechꞌinquil li ixk.

Q'eqchi Bible

⁵ Xru raj xk'ayimank li sununkil b'an a'in chi numenaq o'lajuk'aal tumin plaat ut xk'eemank raj reheb' li neb'a'. Ut ke'xkawil'aatina li ixq.

San Marcos 14:5 ပူးပေါင်းရင်းမြစ်များ

San Juan 13:29

Cuan li queꞌxcꞌoxla nak li Jesús ta̱raj nak laj Judas ta̱xic chixlokꞌbal li cꞌaꞌak re ru re li ninkꞌe. Ut cuan ajcuiꞌ li queꞌxcꞌoxla nak ta̱raj nak laj Judas tixqꞌue caꞌchꞌinak li tumin reheb li nebaꞌ xban nak riqꞌuin laj Judas cuan lix bo̱lsil lix tumineb.

San Judas 1:16

Eb aꞌin aj cuechꞌoneleb. Ma̱cꞌaꞌ nacuulac chiruheb. Caꞌaj cuiꞌ li cꞌaꞌru naxrahi ru li tzꞌejcualej nequeꞌxba̱nu. Nequeꞌa̱tinac re xnimobresinquileb ribeb. Nequeꞌxkꞌunbesi junak riqꞌuin kꞌunil a̱tin yal re li cꞌaꞌru nequeꞌraj riqꞌuin.

Filipenses 2:14

Me̱choki e̱rib ut me̱cuechꞌi e̱rib. Cheba̱nuhak ban chixjunil saꞌ xya̱lal.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

1 Corintios 10:10

Chi moco tocuechꞌok, joꞌ queꞌxba̱nu eb aꞌan. Ut xbaneb lix ma̱usilal queꞌcamsi̱c xban li ángel li quixtakla chak li Dios.

San Juan 6:43

Quixye li Jesús reheb: —Canabomak xcuechꞌinquil e̱rib.

San Juan 6:7

Quixye laj Felipe: —Ka̱cuaꞌ, cuib ciento denario chi caxlan cua incꞌaꞌ ta̱tzꞌaklok re teꞌtzꞌak caꞌchꞌinak chi xju̱nkaleb, chan.

San Lucas 15:2

Eb laj fariseo ut eb laj tzꞌi̱b yo̱queb chi cuechꞌi̱nc ut yo̱queb chixyebal: —Li cui̱nk aꞌin naxcꞌam rib saꞌ usilal riqꞌuineb laj ma̱c ut nacuaꞌac rochbeneb, chanqueb.

San Mateo 20:11

Ut nak ac xeꞌxcꞌul li tumin, queꞌoc chixcuechꞌbal li patrón.

San Mateo 18:28

Ut nak qui-el chak laj cꞌanjel riqꞌuin li rey, quixcꞌul jun li rech aj cꞌanjelil cuan oꞌcꞌa̱l (100) denarios lix cꞌas riqꞌuin li cui̱nk aꞌan. Ut laj cꞌanjel, li quicuyeꞌ xma̱c, quixchap chi xcux li jun li cuan xcꞌas riqꞌuin ut qui-oc chixyatzꞌbal ut quixye re: —Toj la̱ cꞌas, chan.

Salmos 106:25

Nak cuanqueb saꞌ lix muheba̱leb, queꞌxcuechꞌi rix li Ka̱cuaꞌ Dios ut incꞌaꞌ queꞌraj rabinquil li cꞌaꞌru quixye.

Deuteronomio 1:27

Ut la̱ex quex-oc chi cuechꞌi̱nc saꞌ le̱ muheba̱l ut queye, “Xicꞌ nocoril li Ka̱cuaꞌ. Joꞌcan nak corisi chak Egipto re nak toxkꞌaxtesi saꞌ rukꞌeb laj amorreo re nak teꞌxsach ku.

San Marcos 14:4

Cuan li queꞌjoskꞌoꞌ ut queꞌxye chi ribileb rib: —¿Cꞌaꞌut nak xsach li sununquil ban aꞌan chi ma̱cꞌaꞌ rajbal?

San Marcos 14:6

Ut li Jesús quixye reheb: —¿Cꞌaꞌut nak yo̱quex chixchꞌiꞌchꞌiꞌinquil li ixk? Canabomak xcuechꞌinquil xban nak us li xba̱nu cue.

San Mateo 26:9

Xru raj xcꞌayiman chi kꞌaxal terto xtzꞌak ut xkajeqꞌui raj li tumin reheb li nebaꞌ, chanqueb.