San Marcos 14:41 - Li Santil hu

⁴¹ Ut quisukꞌi cuiꞌchic saꞌ rox sut, coxtauheb cuiꞌchic chi cua̱rc ut quixye reheb: —¿Ma toj yo̱quex ajcuiꞌ chi cua̱rc? Tzꞌakalak li hila̱nc xeba̱nu. Ac xtau xkꞌehil nak la̱in li Cꞌajolbej tinkꞌaxtesi̱k saꞌ rukꞌeb laj ma̱c.

Q'eqchi Bible

⁴¹ Kichalk wi' chik rox sut ut kixye reheb': —Warinqex ut hilanqex wan. Ak xtz'aqlok ru, xwulak xhonal: anaqwan li K'ajolb'ej taaq'axtesiiq sa' ruq'eb' laj maak.

San Marcos 14:41 ပူးပေါင်းရင်းမြစ်များ

San Marcos 14:35

Ut li Jesús quibe̱c chic caꞌchꞌin ut quixcuikꞌib rib saꞌ chꞌochꞌ ut qui-oc chi tijoc ut quixtzꞌa̱ma re li Ka̱cuaꞌ Dios ut quixye: —Cui ta tixqꞌue rib, incꞌaꞌ raj tincꞌul li raylal aꞌin.—

San Marcos 9:31

Yo̱ chixchꞌolobanquil xya̱lal chiruheb lix tzolom. Quixye reheb: —La̱in li Alalbej, tineꞌxkꞌaxtesi saꞌ rukꞌeb li cui̱nk li teꞌcamsi̱nk cue. Ut nak ac xineꞌxcamsi, tincuacli̱k cuiꞌchic chi yoꞌyo saꞌ xya̱nkeb li camenak saꞌ rox li cutan.—

San Juan 17:1

Nak quirakeꞌ xyebal li a̱tin aꞌin, li Jesús quixtaksi li riloba̱l ut qui-oc chi tijoc. Quixye: —At inYucuaꞌ, xcuulac xkꞌehil nak tincamsi̱k. Ta̱qꞌue taxak inlokꞌal la̱in li Cꞌajolbej re nak la̱in tinqꞌue ajcuiꞌ a̱lokꞌal la̱at.

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

San Juan 12:27

Li Jesús quixye ajcuiꞌ: —Anakcuan kꞌaxal ra saꞌ inchꞌo̱l. ¿Ma ta̱ru̱k ta biꞌ tinye re li Dios, “At inYucuaꞌ, china̱col chiru li raylal aꞌin”? La̱in incꞌaꞌ tinye chi joꞌcan xban nak aꞌan aj e nak xinchal saꞌ ruchichꞌochꞌ.

San Juan 12:23

Li Jesús quixye reheb: —Xcuulac x-o̱ril nak ta̱qꞌuehekꞌ inlokꞌal la̱in li Cꞌajolbej.

San Juan 8:20

Chixjunil aꞌin quixye li Jesús reheb nak yo̱ chixchꞌolobanquil lix ya̱lal chiruheb li cuanqueb saꞌ li templo saꞌ li naꞌajej bar nequeꞌxqꞌue cuiꞌ lix mayejeb. Ut ma̱ ani quichapoc re xban nak toj ma̱jiꞌ nacuulac xkꞌehil.

San Juan 7:30

Ut queꞌraj raj xchapbal re nak teꞌxqꞌue saꞌ tzꞌalam. Abanan incꞌaꞌ ajcuiꞌ queꞌxchap xban nak toj ma̱jiꞌ nacuulac xkꞌehil nak ta̱chapekꞌ.

San Marcos 14:18

Nak ac yo̱queb chi cuaꞌac saꞌ li me̱x, li Jesús quixye reheb lix tzolom, —Relic chi ya̱l tinye e̱re nak jun e̱re la̱ex ta̱kꞌaxtesi̱nk cue saꞌ rukꞌeb li xicꞌ nequeꞌiloc cue, chan.

San Marcos 14:10

Ut laj Judas Iscariote, xcomoneb li cablaju, co̱ riqꞌuineb lix be̱nil aj tij chixyebal reheb nak tixkꞌaxtesi li Jesús saꞌ rukꞌeb.

San Marcos 7:9

Li Jesús quixye ajcuiꞌ reheb: —La̱ex nequetzꞌekta̱na lix chakꞌrab li Dios re nak te̱ba̱nu li najter naꞌleb canabanbil e̱re xbaneb le̱ xeꞌto̱nil yucuaꞌ.

San Mateo 26:2

—La̱ex nequenau nak cuib cutan chic ma̱ nacuulac xkꞌehil li pascua re xninkꞌeinquil chanru nak queꞌcoleꞌ ut queꞌel laj Israel saꞌ li tenamit Egipto. Ut la̱in li Cꞌajolbej tinkꞌaxtesi̱k re nak tinqꞌuehekꞌ chiru cruz.—

Ezequiel 20:39

Li Ka̱cuaꞌ li nimajcual Dios naxye chi joꞌcaꞌin e̱re la̱ex aj Israel: Ayukex che̱junilex ut cꞌanjelankex chiruheb le̱ jalanil dios. Abanan ta̱cuulak xkꞌehil nak la̱ex te̱ba̱nu li cꞌaꞌru tinye e̱re ut incꞌaꞌ chic te̱mux ru lin santil cꞌabaꞌ riqꞌuin le̱ mayej li nequeqꞌue chiruheb li jalanil dios.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

2 Reyes 3:13

Abanan laj Eliseo quixye re lix reyeb laj Israel: —¿Cꞌaꞌ aj e nak texintenkꞌa la̱in? Ayukex. Patzꞌomak e̱naꞌleb riqꞌuineb li profeta li queꞌcꞌanjelac chiru le̱ naꞌ e̱yucuaꞌ, chan. Li rey Joram quixye re: —Incꞌaꞌ naru toxic riqꞌuineb aꞌan. Aꞌ li Ka̱cuaꞌ Dios, aꞌan xchꞌutuban ku la̱o li oxib chi rey re toxkꞌaxtesi saꞌ rukꞌeb laj Moab, chan.

1 Reyes 22:15

Chirix aꞌan laj Micaías co̱ ut quixakli chiru li rey, ut li rey quixye re: —At Micaías, ¿ma us cui topletik riqꞌuineb laj Ramot li cuan xcue̱nt Galaad malaj ut incꞌaꞌ toxic? chan. Ut laj Micaías quixye re: —Texxic chi pletic. Te̱re̱chani li ple̱t xban nak li Ka̱cuaꞌ tixkꞌaxtesi saꞌ e̱rukꞌ, chan.

1 Reyes 18:27

Nak ac xcuulac cuaꞌleb laj Elías qui-oc chixseꞌenquileb ut quixye reheb: —Japomak e̱re chi cau. ¿Ma ma̱cuaꞌ ta biꞌ aꞌan le̱ dios? Ma̱re yo̱ chi cꞌoxlac malaj ut yo̱ chi cꞌanjelac. Ma̱re xco̱ chi be̱c malaj ut yo̱ chi cua̱rc. Ma̱re tento nak te̱rajsi, chan reheb.

Jueces 10:14

Ayukex ut ya̱bahomak xcꞌabaꞌeb li jalanil dios li xesicꞌ ruheb. Ma̱re eb aꞌan chic teꞌcolok e̱re chiru li raylal li cuanquex cuiꞌ anakcuan, chan li Dios.

San Marcos 14:40

Ut nak quisukꞌi cuiꞌchic li Jesús quixtauheb cuiꞌchic chi cua̱rc lix tzolom xban nak ma̱ caꞌchꞌin lix cuaraheb. Ut eb aꞌan incꞌaꞌ chic nequeꞌxtau cꞌaꞌru teꞌxye.

San Marcos 14:42

Cuaclinkex anakcuan, ut yoꞌkeb chixcꞌulbal li yo̱ chi cha̱lc chi kꞌaxtesi̱nc cue, chan.