San Marcos 14:34 - Li Santil hu

³⁴ Quixye reheb lix tzolom: —Cuan jun raylal saꞌ inchꞌo̱l yo̱ chinyotꞌbal. La̱in nacuecꞌa nak incꞌaꞌ chic tincuy. Cana̱kex arin ut yoꞌlenkex.—

Q'eqchi Bible

³⁴ Kixye reheb': —K'ajo' xrahil li waanm, ka'aj chik maa ninkamk! Kanaaqex arin ut yo'lenqex.

San Marcos 14:34 ပူးပေါင်းရင်းမြစ်များ

San Juan 12:27

Li Jesús quixye ajcuiꞌ: —Anakcuan kꞌaxal ra saꞌ inchꞌo̱l. ¿Ma ta̱ru̱k ta biꞌ tinye re li Dios, “At inYucuaꞌ, china̱col chiru li raylal aꞌin”? La̱in incꞌaꞌ tinye chi joꞌcan xban nak aꞌan aj e nak xinchal saꞌ ruchichꞌochꞌ.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

Lamentaciones 1:12

Nequeꞌxye reheb li nequeꞌnumeꞌ aran: —¿Ma incꞌaꞌ nayotꞌeꞌ e̱chꞌo̱l chirilbal li raylal li yo̱co chixcꞌulbal? ¿Ma cuanqueb ta biꞌ queꞌcꞌuluc li raylal li yo̱co chixcꞌulbal la̱o? Li Ka̱cuaꞌ xoxqꞌue chixcꞌulbal li raylal aꞌin xban nak yo̱ xjoskꞌil saꞌ kabe̱n.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

San Mateo 26:38

Ut quixye reheb: —Cuan jun raylal saꞌ inchꞌo̱l ut yo̱ chinyotꞌbal. Incꞌaꞌ chic nincuy nak nacuecꞌa. Cana̱kex arin ut yoꞌlenkex cuochben, chan.