San Marcos 14:2 - Li Santil hu

² Ut queꞌxye chi ribileb rib: —Incꞌaꞌ takachap li Jesús nak yo̱k li ninkꞌe xban nak teꞌpokꞌ li tenamit kiqꞌuin ut teꞌoc chi pletic, chanqueb.

Q'eqchi Bible

² Xb'aan naq neke'xye: —Ink'a' us a'an sa' li ninq'e; mare anchal taawanq mululij ib' sa' li tenamit.

San Marcos 14:2 ပူးပေါင်းရင်းမြစ်များ

San Juan 12:19

Eb laj fariseo queꞌxye chi ribileb rib: —¿Ma xeqꞌue retal nak ma̱cꞌaꞌ aj e li yo̱co chixba̱nunquil? Qꞌuehomak retal. Anakcuan chixjunileb li tenamit yo̱queb chi ta̱ke̱nc re li cui̱nk aꞌan, chanqueb.

San Juan 7:40

Nak queꞌrabi li cꞌaꞌru quixye li Jesús, cuan queꞌyehoc: —Relic chi ya̱l li cui̱nk aꞌin profeta.—

San Lucas 20:6

Ut cui takaye nak cui̱nk xtaklan chak re, chixjunileb li tenamit toeꞌxcamsi chi pec xban nak eb aꞌan nequeꞌxpa̱b nak laj Juan, aꞌan tzꞌakal profeta, chanqueb chi ribileb rib.

San Marcos 11:32

Ut cui takaye nak cui̱nk xtaklan chak re, teꞌpokꞌ li tenamit saꞌ kabe̱n, chanqueb. Eb aꞌan queꞌxxucua ru li tenamit xban nak chixjunileb nequeꞌxnau nak laj Juan, aꞌan tzꞌakal profeta.

San Marcos 11:18

Eb li xbe̱nil aj tij ut eb laj tzꞌi̱b nak queꞌrabi aꞌan queꞌoc chixcꞌu̱banquil chanru nak teꞌxcamsi li Jesús. Cꞌajoꞌ nak queꞌxucuac xban nak queꞌril nak sachso̱queb xchꞌo̱l li qꞌuila tenamit chirabinquil li tijleb li yo̱ chixyebal li Jesús.

San Mateo 26:5

Ut queꞌxye chiribileb rib: —Incꞌaꞌ takachap li Jesús nak yo̱k li ninkꞌe xban nak teꞌpokꞌ li tenamit saꞌ kabe̱n ut teꞌoc chi pletic kiqꞌuin, chanqueb.

Lamentaciones 3:27

Kꞌaxal us nak junak tixcanab rib chi takla̱c xban li Ka̱cuaꞌ chalen saꞌ xsa̱jilal.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

San Mateo 26:2

—La̱ex nequenau nak cuib cutan chic ma̱ nacuulac xkꞌehil li pascua re xninkꞌeinquil chanru nak queꞌcoleꞌ ut queꞌel laj Israel saꞌ li tenamit Egipto. Ut la̱in li Cꞌajolbej tinkꞌaxtesi̱k re nak tinqꞌuehekꞌ chiru cruz.—

San Marcos 14:1

Cuib cutan chic ma̱ nacuulac xkꞌehil li ninkꞌe re xjulticanquil li reliqueb laj Israel saꞌ li tenamit Egipto. Pascua nayeman re li ninkꞌe aꞌan. Aꞌan ajcuiꞌ xkꞌehil li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal. Saꞌ eb li cutan aꞌan eb lix be̱nil aj tij ut eb laj tzꞌi̱b yo̱queb chixsicꞌbal chanru nak teꞌxyoꞌob a̱tin chirix li Jesús re nak teꞌxqꞌue chi camsi̱c.

San Marcos 14:3

Li Jesús cuan aran Betania saꞌ rochoch laj Simón li saklep rix. Chunchu saꞌ me̱x nak quichal jun li ixk. Cuan chak jun chꞌina botella sununquil ban riqꞌuin. Lix naꞌaj li ban aꞌan yi̱banbil riqꞌuin cha̱bil pec alabastro xcꞌabaꞌ ut li sununquil ban aꞌan nardo xcꞌabaꞌ ut kꞌaxal terto xtzꞌak. Li ixk quixtok xcux li chꞌina botella ut quixqꞌue li ban saꞌ xjolom li Jesús.

San Lucas 22:1

Yo̱ chi cuulac xcutanquil li ninkꞌe nak nequeꞌxcuaꞌ li caxlan cua ma̱cꞌaꞌ xchꞌamal. Pascua nayeman re li ninkꞌe aꞌan.