San Marcos 14:12 - Li Santil hu

¹² Saꞌ li xbe̱n cutan re li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal, nequeꞌxmayeja jun li carner. Li ninkꞌe aꞌan re xjulticanquil li reliqueb laj Israel saꞌ li tenamit Egipto. Eb lix tzolom queꞌxye re li Jesús: —¿Bar ta̱cuaj takacauresi chak li naꞌajej re ta̱tzaca cuiꞌ li mayejanbil xul? chanqueb.

Q'eqchi Bible

¹² Sa' li xb'een kutan nawa'e'k wi' li wa ink'a' yuub'il, naq namayejamank li karneer re li Paswa, eb' li xtzolom li Jesus ke'xye re: —B'ar taawaj tooxik chi kawunk re naq toxaatzeka li Paswa?

San Marcos 14:12 ပူးပေါင်းရင်းမြစ်များ

Éxodo 12:18

Saꞌ li ca̱laju xbe li xbe̱n po nak ac namoynac, te̱cuaꞌ li caxlan cua li ma̱cꞌaꞌ xchꞌamal. Joꞌcaꞌin te̱ba̱nu toj saꞌ li jun xcaꞌcꞌa̱l (21) xbe li po.

Éxodo 12:6

Nak ac xesicꞌ aꞌan, te̱xoc. Saꞌ li ca̱laju xbe li po nak ac namoynac, che̱junilex la̱ex aj Israel te̱camsi li chꞌina carner li sicꞌbil ru e̱ban.

Éxodo 12:8

Saꞌ li kꞌojyi̱n aꞌan te̱tiu li tib chi pombil. Te̱cuaꞌ li caxlan cua xcomon li ma̱cꞌaꞌ xchꞌamal ut te̱tiu ajcuiꞌ li ichaj li cꞌa.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Deuteronomio 16:5

Incꞌaꞌ naru te̱mayeja li xul re li ninkꞌe Pascua yalak bar saꞌ eb le̱ tenamit li tixqꞌue e̱re li Ka̱cuaꞌ le̱ Dios.

San Marcos 14:1

Cuib cutan chic ma̱ nacuulac xkꞌehil li ninkꞌe re xjulticanquil li reliqueb laj Israel saꞌ li tenamit Egipto. Pascua nayeman re li ninkꞌe aꞌan. Aꞌan ajcuiꞌ xkꞌehil li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal. Saꞌ eb li cutan aꞌan eb lix be̱nil aj tij ut eb laj tzꞌi̱b yo̱queb chixsicꞌbal chanru nak teꞌxyoꞌob a̱tin chirix li Jesús re nak teꞌxqꞌue chi camsi̱c.

San Marcos 14:11

Ut eb laj tij nak queꞌrabi aꞌan cꞌajoꞌ nak queꞌsahoꞌ saꞌ xchꞌo̱leb ut queꞌxyechiꞌi xtumin. Ut laj Judas quixsicꞌ xya̱lal chanru nak tixkꞌaxtesi li Jesús saꞌ rukꞌeb.

San Marcos 14:13

Li Jesús quixye reheb cuib lix tzolom: —Ayukex saꞌ li tenamit. Aran te̱cꞌul jun li cui̱nk yo̱ chak chixcꞌambal jun cuc xhaꞌ. Te̱ta̱ke aꞌan.