San Marcos 13:7 - Li Santil hu

⁷ Nak te̱rabi nak yo̱ li ple̱t ut nak te̱rabi resil nak ticla̱c re li ple̱t yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan.

Q'eqchi Bible

⁷ “Naq teerab'ihatq naq yooq li kamsij ib' malaj ut yal resil li yalok, mexxiwak: tento taak'ulmanq a'in; ab'an toj maji'aq li roso'jik.

San Marcos 13:7 ပူးပေါင်းရင်းမြစ်များ

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

Hechos 17:3

Yo̱ chixchꞌolobanquil chiruheb nak li Cristo quixcꞌul nabal li raylal joꞌ tenebanbil saꞌ xbe̱n ut quicuacli cuiꞌchic chi yoꞌyo saꞌ xya̱nkeb li camenak. Quixye reheb: —Li Jesús li yo̱quin chixyebal e̱re, aꞌan li Cristo laj Colonel, chan.

San Mateo 18:7

Tokꞌob ruheb li cuanqueb saꞌ ruchichꞌochꞌ xban nak cuan cꞌaꞌ re ru napoꞌoc re lix chꞌo̱leb. Ac chꞌolchꞌo nak cuan li cꞌaꞌru napoꞌoc chꞌo̱lej. Abanan raylal cha̱lel saꞌ xbe̱n li ani ta̱yoꞌoba̱nk re li cꞌaꞌ re ru ta̱poꞌok chꞌo̱lej.

Jeremías 51:46

Michꞌinan le̱ chꞌo̱l chi moco texxucuak nak te̱rabi li cꞌaꞌru yo̱keb chixyebal. Rajlal chihab jalan esilal ta̱abima̱nk. Ta̱abi̱k resil li raylal ut li rahobtesi̱nc. Ut ta̱abi̱k resil nak eb li rey yo̱keb chixpletinquil ribeb.

Isaías 8:12

—Ma̱junaji a̱cuib riqꞌuin li cꞌaꞌru nequeꞌxcꞌu̱b ru eb li tenamit, chi moco ta̱xucua li cꞌaꞌru nequeꞌxxucua eb aꞌan.

Proverbios 3:25

Incꞌaꞌ texxucuak xban li raylal ta̱cha̱lk saꞌ e̱be̱n chi ma̱cꞌaꞌ saꞌ e̱chꞌo̱l. Chi moco texxucuak xban li raylal li nachal saꞌ xbe̱neb li incꞌaꞌ useb xnaꞌleb.

Salmos 112:7

Incꞌaꞌ naxucuac chirabinquil junak esilal incꞌaꞌ us xban nak cꞌojcꞌo xchꞌo̱l ut cau xchꞌo̱l riqꞌuin li Ka̱cuaꞌ.

Salmos 27:3

Usta tineꞌxsut jun tu̱bak chi soldado, la̱in incꞌaꞌ tinxucuak. Usta teꞌoc chi pletic cuiqꞌuin, la̱in cauhak inchꞌo̱l riqꞌuin li Dios.

2 Samuel 14:14

Chikajunilo toca̱mk. Chanchano li haꞌ hoybil saꞌ chꞌochꞌ. Incꞌaꞌ chic naru xxocbal. Li Ka̱cuaꞌ Dios ma̱ ani narisi xyuꞌam. Naxsicꞌ ban xya̱lal chanru nak ta̱sukꞌi̱k cuiꞌchic riqꞌuin li najt cuan riqꞌuin.

San Juan 14:1

Misach e̱chꞌo̱l chi cꞌoxlac. Chepa̱b li Dios ut chine̱pa̱b ajcuiꞌ la̱in.

San Mateo 2:3

Ut nak quirabi aꞌan, li rey Herodes quisach xchꞌo̱l ut qui-oc xcꞌaꞌux joꞌ ajcuiꞌ chixjunileb li cuanqueb Jerusalén.

San Marcos 13:6

Nabal teꞌcha̱lk chi balakꞌi̱nc ut toleꞌxye, “La̱in li Cristo”, chaꞌkeb. Ut nabal teꞌbalakꞌi̱k xbaneb.

San Marcos 13:8

Nabal li tenamit teꞌpletik riqꞌuin jalan chic tenamit. Ut eb li acuabej teꞌxpleti ribeb. Talajcua̱nk hi̱c saꞌ nabal chi naꞌajej ut ta̱cua̱nk cueꞌej. Abanan aꞌan yal xticlajic li raylal ta̱cha̱lk.