San Marcos 13:6 - Li Santil hu

⁶ Nabal teꞌcha̱lk chi balakꞌi̱nc ut toleꞌxye, “La̱in li Cristo”, chaꞌkeb. Ut nabal teꞌbalakꞌi̱k xbaneb.

Q'eqchi Bible

⁶ Naab'aleb' te'chalq ut te'roksi link'ab'a': «Laa'inin», cha'qeb'; ut naab'aleb' te'b'alaq'iiq.

San Marcos 13:6 ပူးပေါင်းရင်းမြစ်များ

San Marcos 13:22

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb li profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xbalakꞌinquileb li sicꞌbileb ru xban li Dios.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

San Juan 8:24

Joꞌcan nak xinye e̱re nak texca̱mk saꞌ le̱ ma̱c. La̱ex texca̱mk saꞌ le̱ ma̱c cui incꞌaꞌ nequepa̱b nak la̱in ac cuanquin ajcuiꞌ chak saꞌ xticlajic joꞌ xinye e̱re, chan li Jesús.

San Juan 5:43

La̱in xinchal saꞌ xcꞌabaꞌ lin Yucuaꞌ. Abanan incꞌaꞌ xeraj incꞌulbal. Cui ut ani ta chic junak ta̱cha̱lk yal naxtakla chak rib xjunes, la̱ex te̱cꞌul raj aꞌan.

San Mateo 24:11

Ut nabaleb li profeta aj balakꞌ teꞌcha̱lk ut nabaleb teꞌbalakꞌi̱k xbaneb.

San Mateo 24:5

Nabal teꞌcha̱lk chi balakꞌi̱nc, ut teꞌxye nak saꞌ incꞌabaꞌ xeꞌchal, abanan moco ya̱l ta. Toleꞌxye, “La̱in li Cristo”, chaꞌkeb. Ut nabal teꞌbalakꞌi̱k xbaneb.

Jeremías 14:14

Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

San Marcos 13:5

Li Jesús quichakꞌoc ut quixye: —Cheqꞌue retal re nak ma̱ ani ta̱balakꞌi̱nk e̱re.

San Marcos 13:7

Nak te̱rabi nak yo̱ li ple̱t ut nak te̱rabi resil nak ticla̱c re li ple̱t yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan.

San Juan 8:28

Ut quixye ajcuiꞌ li Jesús reheb: —Nak acak xine̱taksi chiru li cruz re incamsinquil toj aran te̱qꞌue retal nak la̱in li taklanbilin chak xban li Dios. Ut te̱nau nak ma̱cꞌaꞌ ninba̱nu injunes. Li cꞌaꞌru ninye la̱in, aꞌan li quixcꞌutbesi chicuu lin Yucuaꞌ.