San Marcos 13:31 - Li Santil hu

³¹ Li choxa ut li ruchichꞌochꞌ talajeꞌosokꞌ. Abanan li cꞌaꞌru ninye incꞌaꞌ ta̱cana̱k yal chi joꞌcan. Talajcꞌulma̱nk ban chixjunil li cꞌaꞌak re ru xinye.

Q'eqchi Bible

³¹ Li choxa ut li ruuchich'och' te'oso'q, a'ut li waatin ink'a' taanume'q.

San Marcos 13:31 ပူးပေါင်းရင်းမြစ်များ

Isaías 40:8

Li ichaj nequeꞌchakic ut li utzꞌuꞌuj nequeꞌosoꞌ. Abanan li ra̱tin li kaDios incꞌaꞌ na-osoꞌ. Cuan ban chi junelic.—

Isaías 51:6

Ilonkex saꞌ choxa ut ilonkex saꞌ ruchichꞌochꞌ. Li choxa ta̱sachk joꞌ nak nasach li sib. Li ruchichꞌochꞌ ta̱osokꞌ joꞌ nak na-osoꞌ junak li tꞌicr. Ut eb li cristian telajeꞌca̱mk. Abanan li colba-ib li ninqꞌue incꞌaꞌ ta̱osokꞌ. Ta̱cua̱nk ban chi junelic ut lin ti̱quilal incꞌaꞌ ta̱paltok.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

San Lucas 21:33

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk li cꞌaꞌru naxye.

San Mateo 5:18

Relic chi ya̱l tinye e̱re nak ta̱osokꞌ li choxa, ta̱osokꞌ li ruchichꞌochꞌ, ut yal ta jun xle̱tril chi moco junak retalil li chakꞌrab ta̱sachk xcuanquil. Toj retal talajeꞌcꞌulma̱nk chixjunil.

Salmos 19:7

Lix chakꞌrab li Dios tzꞌakal re ru ut nax-acꞌobresi li kayuꞌam. Li ra̱tin li Ka̱cuaꞌ Dios, aꞌan tzꞌakal ya̱l ut naxqꞌue xnaꞌleb li ma̱cꞌaꞌ xnaꞌleb.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

2 Timoteo 2:13

Cuan nak la̱o incꞌaꞌ nakaba̱nu li cꞌaꞌru nakaye, abanan li Dios ti̱c xchꞌo̱l ut junelic naxba̱nu li cꞌaꞌru naxye. Aꞌan incꞌaꞌ nacuiban xchꞌo̱l.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

San Marcos 13:30

Relic chi ya̱l tinye e̱re nak talajeꞌcꞌulma̱nk chixjunil li cꞌaꞌak re ru aꞌin nak toj ma̱jiꞌ nequeꞌosoꞌ li tenamit aꞌin.

San Marcos 13:32

Abanan ma̱ ani nanaꞌoc re jokꞌe ta̱cuulak xkꞌehil li cutan aꞌan chi moco li ho̱nal jokꞌe ta̱cꞌulma̱nk. Eb li ángel saꞌ choxa incꞌaꞌ nequeꞌxnau chi moco la̱in li Cꞌajolbej ninnaꞌoc re. Caꞌaj cuiꞌ li Dios Acuabej nanaꞌoc re jokꞌe ta̱cꞌulma̱nk aꞌin.

2 Reyes 15:12

Joꞌcaꞌin nak quitzꞌakloc ru li quixye li Ka̱cuaꞌ re laj Jehú nak quixye: —Jun reheb la̱ cualal a̱cꞌajol teꞌoc chokꞌ xreyeb laj Israel toj saꞌ li xca̱ tasalil.— Ut joꞌcan quicꞌulman.