San Marcos 13:3 - Li Santil hu

³ Queꞌco̱eb saꞌ li tzu̱l Olivos saꞌ xcaꞌyaba̱l li rochoch li Dios. Li Jesús quicꞌojla aran ut nak cuan xjunes quipatzꞌeꞌ re xbaneb laj Pedro, laj Jacobo, laj Juan ut laj Andrés.

Q'eqchi Bible

³ Chirix a'an, naq ak chunchu sa' xb'een li tzuul Olivos, chi xka'yab'aal li rochoch li Yos, laj Pedro, laj Santiago, laj Jwan ut laj Andrés ke'xpatz' re xjunes:

San Marcos 13:3 ပူးပေါင်းရင်းမြစ်များ

San Marcos 4:34

Ut ma̱cꞌaꞌ cꞌaꞌru quixye li Jesús reheb li tenamit chi ma̱cuaꞌ ta saꞌ jaljo̱quil ru a̱tin. Abanan nak ac xjuneseb chic lix tzolom, quixchꞌolob lix ya̱lal chiruheb.

San Mateo 21:1

Nak ac cuulaqueb re Jerusalén, queꞌcuulac chire li tenamit Betfagé bar cuan cuiꞌ li tzu̱l Olivos. Ut li Jesús quixtaklaheb cuibeb lix tzolom ut quixye reheb:

San Marcos 14:33

Ut quixcꞌam oxib lix tzolom chirix. Aꞌaneb laj Pedro, laj Jacobo ut laj Juan. Ut cꞌajoꞌ nak qui-oc chi yotꞌecꞌ xchꞌo̱l li Jesús.

San Marcos 10:35

Laj Jacobo ut laj Juan, eb li ralal laj Zebedeo, queꞌjiloc chixcꞌatk li Jesús ut queꞌxye re: —Ka̱cuaꞌ, la̱o nakaj nak ta̱ba̱nu li usilal li takatzꞌa̱ma cha̱cuu.—

San Marcos 9:2

Cuakib cutan chic xyebal aꞌan xban li Jesús nak quixcꞌameb laj Pedro, laj Jacobo, ut laj Juan saꞌ xbe̱n jun li nimla tzu̱l. Nak cuanqueb aran xjuneseb, quijalanoꞌ li riloba̱l li Jesús chiruheb.

San Marcos 5:37

Ut incꞌaꞌ quiraj nak li tenamit teꞌxic chirix. Caꞌaj cuiꞌ laj Pedro ut laj Jacobo ut laj Juan, li ri̱tzꞌin laj Jacobo, quixcꞌameb chirix.

San Mateo 24:3

Ut chirix aꞌan, co̱ chiru li tzu̱l Olivos ut nak li Jesús quicꞌojla aran xjunes, lix tzolom queꞌcuulac riqꞌuin ut queꞌxye re: —Ye ke jokꞌe ta̱cꞌulma̱nk li yo̱cat chixyebal. ¿Cꞌaꞌru talajcꞌulma̱nk nak ta̱cuulak xkꞌehil la̱ cꞌulunic? Ut, ¿cꞌaꞌru retalil li rosoꞌjiqueb li cutan aꞌin?—

San Mateo 17:1

Cuakib cutan chic chirix aꞌan, li Jesús quixcꞌameb laj Pedro, laj Jacobo ut laj Juan li ri̱tzꞌin saꞌ xbe̱n jun li nimla tzu̱l xjuneseb.

San Mateo 13:36

Ut nak quixchakꞌrabiheb li tenamit, li Jesús qui-oc saꞌ cab. Ut nak queꞌcuulac eb lix tzolom riqꞌuin, queꞌxye re: —Ka̱cuaꞌ, chꞌolob chiku lix ya̱lal li jaljo̱quil ru a̱tin chirix li yibru pim saꞌ li acui̱mk, chanqueb.

San Mateo 13:10

Mokon chic queꞌcuulac lix tzolom riqꞌuin li Jesús, ut queꞌxye re: —¿Cꞌaꞌut nak nacacua̱tinaheb saꞌ jaljo̱quil ru a̱tin?—

San Marcos 13:4

—Ye ke jokꞌe ta̱cꞌulma̱nk li yo̱cat chixyebal chirix li rochoch li Dios ut ¿cꞌaꞌru retalil ta̱cua̱nk nak talajcꞌulma̱nk li cꞌaꞌak re ru aꞌin?—