San Marcos 13:19 - Li Santil hu

¹⁹ Saꞌ eb li cutan aꞌan ma̱ caꞌchꞌin li raylal ta̱cua̱nk. Ma̱ jun cua quicꞌulman chi joꞌcan chalen chak saꞌ xticlajic nak li Dios quixyi̱b li ruchichꞌochꞌ, chi moco ta̱cꞌulma̱nk chi joꞌcan mokon.

Q'eqchi Bible

¹⁹ Xb'aan naq k'ajo'aq xnimal li xrahilaleb' li kutan a'an: maajun wa wanjenaq jo' a'an, chalen chaq sa' xtiklajik li ruuchich'och' li kiyiib'aak xb'aan li Yos, toj anaqwan; chi moko taak'ulmanq chik.

San Marcos 13:19 ပူးပေါင်းရင်းမြစ်များ

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

Joel 2:2

Nak teꞌcha̱lk laj sa̱cꞌ, ta̱kꞌojyi̱nokꞌ ru li cutan xban xqꞌuialeb. Chanchanakeb li kꞌeki chok. Chanchanakeb li jun tu̱b chi soldado nak yo̱keb chi cha̱lc chi pletic kiqꞌuin. Teꞌcha̱lk joꞌ nak nacꞌutun chak li cutan saꞌ xbe̱neb li tzu̱l. Ma̱ jun sut quicꞌulman chi joꞌcan ut ma̱ jun sut chic ta̱cꞌulma̱nk mokon chi joꞌcan.

San Mateo 24:21

Saꞌ eb li cutan aꞌan ma̱ caꞌchꞌin li raylal ta̱cꞌulma̱nk. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ, chi moco ta̱cꞌulma̱nk junak chic joꞌcan mokon.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

San Marcos 10:6

Abanan ma̱cuaꞌ joꞌcan saꞌ xticlajic li ruchichꞌochꞌ. Nak quixyi̱b li ruchichꞌochꞌ li Dios, quixyoꞌobtesi li cui̱nk ut quixyoꞌobtesi li ixk.

Daniel 9:12

La̱at xaba̱nu joꞌ caye chak chikix ut chirixeb li nequeꞌtaklan saꞌ kabe̱n. Xoa̱qꞌue chixtojbal li kama̱c ut xaqꞌueheb ajcuiꞌ chixtojbal lix ma̱queb li nequeꞌtaklan saꞌ kabe̱n. Numtajenak li raylal xkacꞌul. Ma̱ jun sut quicꞌulman saꞌ ruchichꞌochꞌ joꞌ xcꞌul li tenamit Jerusalén.

Lamentaciones 2:13

¿Cꞌaꞌ ta cuiꞌ ru tinye che̱rix la̱ex li cuanquex Jerusalén? ¿Cꞌaꞌru texinjuntakꞌe̱ta cuiꞌ? ¿Chan ta cuiꞌ ru nak tincꞌojob e̱chꞌo̱l, la̱ex li cuanquex Sión? Kꞌaxal nim li raylal cuanquex cuiꞌ. Chanchan xnimal li palau. ¿Ani ta̱ru̱k ta̱colok e̱re?

Deuteronomio 28:59

li Ka̱cuaꞌ le̱ Dios tixqꞌue xtzꞌakob li raylal saꞌ e̱be̱n. Tixqꞌue li caki yajel saꞌ e̱be̱n ut incꞌaꞌ chic ta̱e̱lk. Kꞌaxal yibru li yajel li tixqꞌue saꞌ e̱be̱n ut saꞌ xbe̱neb ajcuiꞌ le̱ ralal e̱cꞌajol.

Deuteronomio 4:32

Chetzol rix chi us li cꞌaꞌru quicꞌulman nak toj ma̱jiꞌ nequexyoꞌla chak. Chetzol rix chi us chalen nak quixyoꞌobtesi chak li cui̱nk li Dios ut chalen anakcuan. Te̱siqꞌui saꞌ chixjunil li ruchichꞌochꞌ. ¿Ma ac quicꞌulman ta biꞌ jun sutak chi joꞌcaꞌin junxil? ¿Ma e̱rabiom ta biꞌ aꞌin jun sutak junxil?

Lamentaciones 4:6

Kꞌaxal cuiꞌchic xnumta lix ma̱usilal lin tenamit chiru li ma̱usilal li queꞌxba̱nu eb laj Sodoma, li queꞌsacheꞌ ruheb saꞌ junpa̱t chi ma̱ ani quipletic riqꞌuineb.

Lamentaciones 1:12

Nequeꞌxye reheb li nequeꞌnumeꞌ aran: —¿Ma incꞌaꞌ nayotꞌeꞌ e̱chꞌo̱l chirilbal li raylal li yo̱co chixcꞌulbal? ¿Ma cuanqueb ta biꞌ queꞌcꞌuluc li raylal li yo̱co chixcꞌulbal la̱o? Li Ka̱cuaꞌ xoxqꞌue chixcꞌulbal li raylal aꞌin xban nak yo̱ xjoskꞌil saꞌ kabe̱n.

San Marcos 13:18

Chextijok ut chetzꞌa̱ma chiru li Dios re nak incꞌaꞌ ta̱cꞌulma̱nk a raylal aꞌin saꞌ habalkꞌe.

San Marcos 13:20

Cui ta ma̱cꞌaꞌ saꞌ xchꞌo̱l li Ka̱cuaꞌ xrakbaleb li cutan aꞌan ma̱ ani raj ta̱colekꞌ. Abanan nim xrahom li Ka̱cuaꞌ saꞌ xbe̱neb li sicꞌbileb ru xban. Joꞌcan nak cuan saꞌ xchꞌo̱l li Ka̱cuaꞌ xrakbal eb li cutan aꞌan re nak teꞌcolekꞌ.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.