San Marcos 13:12 - Li Santil hu

¹² Eb li cui̱nk teꞌxkꞌaxtesi chi camsi̱c li ras ri̱tzꞌin. Ut li yucuaꞌbej tixkꞌaxtesi li ralal. Ut li alalbej cꞌajolbej teꞌxqꞌue chi camsi̱c li naꞌbej yucuaꞌbej.

Q'eqchi Bible

¹² Li asb'ej tixq'axtesi chi kamsiik li riitz'in; li yuwa'b'ej a' li ralal; eb' li alalb'ej te'waklije'q chi xkamsinkil xna' xyuwa'eb'.

San Marcos 13:12 ပူးပေါင်းရင်းမြစ်များ

San Mateo 10:21

Saꞌ eb li cutan aꞌan, cuan li asbej tixkꞌaxtesi li i̱tzꞌinbej re ta̱camsi̱k ut cuan li i̱tzꞌinbej tixkꞌaxtesi li asbej. Ut cuan li yucuaꞌbej tixkꞌaxtesi li alalbej. Ut cuan li alalbej xicꞌ teꞌrileb lix naꞌ xyucuaꞌ ut teꞌxqꞌueheb chi camsi̱c.

San Lucas 21:16

Texkꞌaxtesi̱k saꞌ rukꞌeb li xicꞌ nequeꞌiloc e̱re xbaneb le̱ naꞌ e̱yucuaꞌ ut xbaneb le̱ ras ut le̱ ri̱tzꞌin ut eb le̱ rechꞌalal joꞌ eb ajcuiꞌ le̱ rami̱g. Ut cuan li cuanqueb saꞌ e̱ya̱nk li teꞌcamsi̱k.

San Mateo 24:10

Ut saꞌ eb li cutan aꞌan nabaleb teꞌxcanab lix pa̱ba̱leb. Ut aꞌanakeb chic li teꞌqꞌuehok reheb laj pa̱banel saꞌ raylal. Ut xicꞌ chic teꞌril ribeb.

Ezequiel 38:21

Ut la̱in tinqꞌue chi camsi̱c laj Gog rochbeneb lix soldado saꞌ eb li tzu̱l li cuanqueb saꞌ lin tenamit Israel. Ut eb lix soldado teꞌxcamsi ribeb chi ribileb rib.

San Marcos 13:11

Ut nak texchapekꞌ ut texkꞌaxtesi̱k chiruheb li acuabej, mexcꞌoxlac chirix li cꞌaꞌru te̱ye. Li cꞌaꞌru te̱ye saꞌ li ho̱nal aꞌan ma̱cuaꞌ cꞌoxlanbil a̱tin li te̱ye. Aban li tixye e̱re li Santil Musikꞌej, aꞌan li te̱ye.

San Marcos 13:13

Ut xicꞌ tex-ilekꞌ xbaneb chixjunileb saꞌ incꞌabaꞌ la̱in. Ut li tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ xban li Dios.