San Marcos 13:11 - Li Santil hu

¹¹ Ut nak texchapekꞌ ut texkꞌaxtesi̱k chiruheb li acuabej, mexcꞌoxlac chirix li cꞌaꞌru te̱ye. Li cꞌaꞌru te̱ye saꞌ li ho̱nal aꞌan ma̱cuaꞌ cꞌoxlanbil a̱tin li te̱ye. Aban li tixye e̱re li Santil Musikꞌej, aꞌan li te̱ye.

Q'eqchi Bible

¹¹ Naq texk'ame'q chi q'axtesiik, mixik eech'ool chi xk'oxlankil chi rub'elaj k'aru toxeeye, cheyehaq b'an li taak'ehe'q eere sa' li honal a'an: xb'aan naq moko laa'ex ta tex'aatinaq, a' b'an li Santil Musiq'ej.

San Marcos 13:11 ပူးပေါင်းရင်းမြစ်များ

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

1 Corintios 2:13

Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

Efesios 3:5

Junxil ma̱ ani nataꞌoc ru lix ya̱lal li mukmu nak quicuan chak. Abanan anakcuan li Santil Musikꞌej quixcꞌut lix ya̱lal chiruheb li profeta ut chiku ajcuiꞌ la̱o lix apóstol.

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

2 Samuel 23:2

“Lix musikꞌ li Ka̱cuaꞌ Dios naa̱tinac cuiqꞌuin. Joꞌcan nak ninye li ra̱tin.

Hechos 3:13

Li Dios li queꞌxlokꞌoni chak laj Abraham, laj Isaac ut laj Jacob joꞌqueb ajcuiꞌ li kaxeꞌto̱nil yucuaꞌ, aꞌan quiqꞌuehoc xcuanquil li Jesucristo laj cꞌanjel chiru. Ut la̱ex quekꞌaxtesi aꞌan re laj Pilato. Ut nak laj Pilato quiraj raj rachꞌabanquil, la̱ex incꞌaꞌ queraj.

San Juan 3:27

Quichakꞌoc laj Juan ut quixye: —Junak cui̱nk ma̱cꞌaꞌ cꞌaꞌru tixba̱nu chi incꞌaꞌ ta qꞌuebil re xban li Dios.

San Marcos 13:9

Aꞌut la̱ex cheqꞌuehak retal li raylal ta̱cha̱lk saꞌ e̱be̱n. Texkꞌaxtesi̱k chiruheb laj rakol a̱tin ut texsaqꞌuekꞌ saꞌ li cab li nequeꞌxchꞌutub cuiꞌ ribeb laj judío. Texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in ut ta̱ru̱k te̱chꞌolob xya̱lal li cua̱tin chiruheb.

San Mateo 10:17

Cauhak le̱ chꞌo̱l xban nak cuanqueb li teꞌkꞌaxtesi̱nk e̱re saꞌ rukꞌeb laj rakol a̱tin. Ut chi ma̱cꞌaꞌ e̱ma̱c texsaqꞌuekꞌ xbaneb saꞌ li cab li nequeꞌxchꞌutub cuiꞌ ribeb laj judío.

Hechos 7:55

Ut laj Esteban nujenak chi Santil Musikꞌej. Qui-iloc saꞌ choxa ut quiril lix nimajcual lokꞌal li Dios ut quiril li Jesús saꞌ xnim ukꞌ li Dios.

Hechos 6:15

Ut chixjunileb li nequeꞌtaklan saꞌ xbe̱neb laj judío li cꞌojcꞌo̱queb aran queꞌril laj Esteban ut queꞌxqꞌue retal nak nalemtzꞌun li riloba̱l. Chanchan na-iloc jun li ángel.

San Marcos 13:12

Eb li cui̱nk teꞌxkꞌaxtesi chi camsi̱c li ras ri̱tzꞌin. Ut li yucuaꞌbej tixkꞌaxtesi li ralal. Ut li alalbej cꞌajolbej teꞌxqꞌue chi camsi̱c li naꞌbej yucuaꞌbej.

San Lucas 21:12

Abanan nak toj ma̱jiꞌ nacꞌulman chixjunil li cꞌaꞌak re ru aꞌin, texchapekꞌ ut texrahobtesi̱k. Texcꞌamekꞌ saꞌ li cab li nequeꞌxchꞌutub cuiꞌ ribeb laj judío ut texcꞌamekꞌ saꞌ tzꞌalam. Texcꞌamekꞌ chiruheb li rey ut eb laj rakol a̱tin saꞌ incꞌabaꞌ la̱in.