San Marcos 13:1 - Li Santil hu

¹ Nak qui-el chak li Jesús saꞌ rochoch li Dios, jun reheb lix tzolom quixye re: —At tzolonel, il, ma̱ cꞌajoꞌ xchakꞌal ru li cab aꞌin ut ma̱ cꞌajoꞌ xchakꞌal ru li pec yi̱banbil cuiꞌ.—

Q'eqchi Bible

¹ Naq ki'elk li Jesus sa' rochoch li Yos, kiyehe'k re xb'aan jun li xtzolom: —At Tzolonel, il a ch'inqi'usil pek a'in ut li xchaq'alil ru li kab'l!

San Marcos 13:1 ပူးပေါင်းရင်းမြစ်များ

Ezequiel 10:19

Ut quicuil nak eb li querubines queꞌxhel lix xiqꞌueb ut queꞌtakeꞌ ut queꞌco̱eb. Ut eb li ruedas queꞌtakeꞌ rochbeneb. Nak yo̱queb chi xic queꞌxakli saꞌ xbe̱n li oqueba̱l re li templo li cuan saꞌ releb sakꞌe. Ut lix lokꞌal lix Dioseb laj Israel cuan saꞌ xbe̱neb.

Ezequiel 10:4

Lix lokꞌal li Ka̱cuaꞌ qui-el saꞌ xbe̱neb li querubines ut co̱ saꞌ li oqueba̱l re li templo. Ut li templo quinujac riqꞌuin li chok. Ut li neba̱l cꞌajoꞌ nak quilemtzꞌun xban xlokꞌal li Ka̱cuaꞌ.

Ezequiel 8:6

Ut li chanchan cui̱nk quixye cuiꞌchic cue: —At ralal cui̱nk, ¿ma nacaqꞌue retal li cꞌaꞌru yo̱queb chixba̱nunquil eb li ralal xcꞌajol laj Israel? Xban li ma̱usilal li nequeꞌxba̱nu yo̱queb chicuisinquil saꞌ lin templo. Ut toj cuan cuiꞌchic li cꞌaꞌak re ru numtajenak xyibal ru li toj ta̱cuil, chan.

Jeremías 51:61

Quixye re laj Seraías: —Nak tatcuulak Babilonia, ta̱cuil xsaꞌ li hu aꞌin chi cau xya̱b a̱cux.