San Marcos 12:32 - Li Santil hu

³² Laj tzꞌi̱b quichakꞌoc ut quixye re: —Us li xaye at tzolonel. Ya̱l li xaye nak jun ajcuiꞌ li Dios cuan ut ma̱cꞌaꞌ chic junak chirix aꞌan.

Q'eqchi Bible

³² Ut laj tz'iib' kixye re: —Us, at Tzolonel. Yaal xaye naq li Qaawa' jun ajwi' chirib'il ut maak'a' chik junaq chirix A'an,

San Marcos 12:32 ပူးပေါင်းရင်းမြစ်များ

Deuteronomio 4:39

Joꞌcan nak junelic cua̱nk saꞌ e̱chꞌo̱l nak li Ka̱cuaꞌ, aꞌan li nimajcual Dios, joꞌ saꞌ choxa joꞌ saꞌ ruchichꞌochꞌ. Ma̱ jun chic Dios cuan. Caꞌaj cuiꞌ aꞌan.

San Marcos 12:29

Li Jesús quichakꞌoc ut quixye re: —Li xbe̱n chakꞌrab, li kꞌaxal nim xcuanquil, aꞌan aꞌin: Abihomak la̱ex aj Israel, li Ka̱cuaꞌ li kaDios jun ajcuiꞌ.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

Deuteronomio 6:4

Abihomak, la̱ex aj Israel, li Ka̱cuaꞌ li kaDios, aꞌan jun ajcuiꞌ.

Deuteronomio 4:35

Li Ka̱cuaꞌ quixba̱nu chixjunil aꞌin re xcꞌutbal che̱ru nak aꞌan li tzꞌakal Dios. Ut ma̱cꞌaꞌ chic junak Dios. Caꞌaj cuiꞌ aꞌan.

Deuteronomio 5:7

Incꞌaꞌ naru nacuan jalanil dios e̱riqꞌuin chicuu la̱in.

San Marcos 12:33

Tento nak takara li Dios chi anchal li kachꞌo̱l, chi anchal li kacꞌaꞌux, chi anchal li ka̱m ut chi anchal li kametzꞌe̱u. Ut takara li kas ki̱tzꞌin joꞌ nak nakara kib la̱o. Aꞌan kꞌaxal nim xcuanquil chiruheb chixjunil li cꞌatbil mayej ut li mayejanbil xul, chan.