San Marcos 12:10 - Li Santil hu

¹⁰ ¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ li quiqꞌueman chokꞌ xxuc li cab.

Q'eqchi Bible

¹⁰ “Ma ink'a' eerilom sa' li Santil Hu li jun raqal a'in: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l.

San Marcos 12:10 ပူးပေါင်းရင်းမြစ်များ

San Mateo 21:42

Li Jesús quixpatzꞌ reheb: —¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ, li quiqꞌueman chokꞌ xxuc li cab. Li Ka̱cuaꞌ, aꞌan quixqꞌue xlokꞌal li pec. Ut aꞌan xsachba chꞌo̱lej chokꞌ ke la̱o. (Sal. 118:22-23)

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

Romanos 9:33

Tzꞌi̱banbil saꞌ li Santil Hu li quixye li Dios: Qꞌuehomak retal xban nak la̱in tinqꞌue jun li pec aran Sión. Nabaleb li tenamit teꞌxtich rokeb chiru ut teꞌtꞌanekꞌ. Abanan li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

San Marcos 2:25

Li Jesús quichakꞌoc ut quixye reheb: —¿Ma incꞌaꞌ ta biꞌ xeril saꞌ li Santil Hu cꞌaꞌru quixba̱nu laj David nak aꞌan ut li rochben teꞌtzꞌoca̱k?

San Mateo 21:16

Ut queꞌxye re li Jesús: —¿Ma yo̱cat chirabinquil li yo̱queb chixyebal li sa̱j al?— Ut li Jesús quixye reheb: —Yo̱quin chirabinquil. ¿Ma ma̱ jun cua e̱rilom li tzꞌi̱banbil saꞌ li Santil Hu li naxye chi joꞌcaꞌin: Eb li cocꞌal ut li toj nequeꞌtuꞌuc nequeꞌxqꞌue xlokꞌal li Dios chi tzꞌakal?— (Sal. 8:2)

San Mateo 19:4

Quichakꞌoc li Jesús ut quixye reheb: —¿Ma incꞌaꞌ e̱rilom li tzꞌi̱banbil saꞌ li Santil Hu nak li Dios quiyoꞌobtesin chak re li cristian saꞌ xticlajic, cui̱nk ut ixk nak quixyoꞌobtesiheb chak?

San Lucas 6:3

Li Jesús quichakꞌoc ut quixye reheb: —¿Ma ma̱ jun cua e̱rilom saꞌ li Santil Hu li cꞌaꞌru quixba̱nu laj David nak aꞌan ut eb li rochben teꞌtzꞌoca̱k?

San Marcos 13:14

Chetzolak rix chi us li cꞌaꞌru quixye li profeta Daniel re nak te̱tau ru li cꞌaꞌru ta̱cꞌulma̱nk. Aꞌan quixye nak eb laj balakꞌ teꞌcha̱lk ut toleꞌxqꞌue li kꞌaxal yibru ut xucuajel rilbal saꞌ li rochoch li Dios li ma̱cuaꞌ xcꞌulub cuiꞌ cua̱nc. Nak te̱ril nak yo̱queb chixmuxbal ru li rochoch li Dios, la̱ex li cuanquex Judea chex-e̱lelik saꞌ junpa̱t ut texxic toj saꞌ li tzu̱l.

San Mateo 22:31

Ut chirix lix cuaclijiqueb li camenak chi yoꞌyo, ¿ma incꞌaꞌ e̱rilom saꞌ li Santil Hu li quixye li Dios e̱re chirix lix cuaclijiqueb li camenak chi yoꞌyo? Quixye chi joꞌcaꞌin:

San Mateo 12:3

Li Jesús quichakꞌoc ut quixye reheb: —¿Ma incꞌaꞌ ta biꞌ xeril saꞌ li Santil Hu cꞌaꞌru quixba̱nu laj David nak aꞌan ut eb li rochben teꞌtzꞌoca̱k?

San Marcos 12:26

Ut chirix lix cuaclijiqueb li camenak chi yoꞌyo, ¿ma incꞌaꞌ e̱rilom saꞌ lix hu laj Moisés li cꞌaꞌru quiyeheꞌ re xban li Dios nak quia̱tinac chak saꞌ li qꞌuix li yo̱ chi cꞌatc? Quixye chi joꞌcaꞌin, “La̱in lix Dios laj Abraham, lix Dios laj Isaac ut lix Dios laj Jacob”, chan li Dios.

San Marcos 12:9

Ut li Jesús quixye reheb: —¿Cꞌaꞌru tixba̱nu laj e̱chal re li acui̱mk nak nequecꞌoxla la̱ex? Ta̱cha̱lk ut tixcamsiheb laj ilol re li racui̱mk, ut jalan chic aj e tixqꞌue li jun si̱r chi uvas.