San Marcos 11:23 - Li Santil hu

²³ Relic chi ya̱l tinye e̱re li ani tixye re junak tzu̱l, “Elen arin ut cut a̱cuib saꞌ li palau”, ut cui incꞌaꞌ tixcuiba xchꞌo̱l, ut cui tixpa̱b chi tzꞌakal nak ta̱uxk li tixye, ta̱uxma̱nk li cꞌaꞌru tixye.

Q'eqchi Bible

²³ Relik chi yaal ninye eere: wi wank junaq taayehoq re li tzuul a'in: «Elen ut kut aawib' sa' palaw», chi ink'a' taawiib'anq xch'ool, tixpaab' b'an naq taa'uxq li yo xyeeb'al, taak'eemanq re.

San Marcos 11:23 ပူးပေါင်းရင်းမြစ်များ

San Mateo 17:20

Ut li Jesús quixye reheb: —Incꞌaꞌ xexru xban nak incꞌaꞌ nequexpa̱ban chi tzꞌakal. Relic chi ya̱l tinye e̱re nak cuan taxak caꞌchꞌinak le̱ pa̱ba̱l chanchan xnimal ru jun chꞌina riyajil mostaza, te̱ye raj re li tzu̱l aꞌin, “Elen arin, kꞌaxon leꞌ” ut ta̱kꞌaxo̱nk raj. Ut ma̱cꞌaꞌ raj cꞌaꞌru incꞌaꞌ ta̱ru̱k te̱ba̱nu.

San Juan 15:7

Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

San Mateo 21:21

Quichakꞌoc li Jesús ut quixye: —Relic chi ya̱l tinye e̱re nak cui te̱pa̱b chi tzꞌakal nak li Dios tixba̱nu, ut incꞌaꞌ ta̱cuiba̱nk e̱chꞌo̱l, ta̱ru̱k ajcuiꞌ te̱ba̱nu joꞌ xinba̱nu la̱in re li cheꞌ. Ut moco caꞌaj cuiꞌ ta raj aꞌan te̱ba̱nu. Ta̱ru̱k ajcuiꞌ te̱ye re li tzu̱l aꞌin, “Elen ut cut a̱cuib saꞌ li palau” ut ta̱uxk ajcuiꞌ che̱ru.

Salmos 37:4

Chisahokꞌ taxak e̱chꞌo̱l riqꞌuin li Ka̱cuaꞌ ut aꞌan tixqꞌue e̱re cꞌaꞌru te̱raj.

San Juan 14:13

Chixjunil li te̱tzꞌa̱ma saꞌ incꞌabaꞌ, la̱in tinqꞌue e̱re re nak ta̱nima̱k xlokꞌal li Yucuaꞌbej saꞌ incꞌabaꞌ la̱in.

San Lucas 17:6

Ut li Ka̱cuaꞌ quixye reheb: —Usta caꞌchꞌin ajcuiꞌ le̱ pa̱ba̱l cuan joꞌ li riyajil li mostaza, ta̱ru̱k raj te̱ye re li cheꞌ aꞌin, “Michꞌ a̱cuib ut au a̱cuib saꞌ li palau” ut li cheꞌ tixba̱nu raj joꞌ te̱ye re, chan.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

San Mateo 14:13

Nak quirabi resil li quicꞌulman, li Jesús qui-el aran. Qui-oc saꞌ jun li jucub ut co̱ saꞌ jun naꞌajej cuan xjunes. Ut nak queꞌxqꞌue retal li tenamit nak co̱, queꞌel chak saꞌ lix tenamiteb ut queꞌco̱eb chi rokeb saꞌ a̱nil bar co̱ cuiꞌ li Jesús.