San Marcos 11:22 - Li Santil hu

²² Ut li Jesús quixye reheb: —Chepa̱b nak nim xcuanquil li Dios.

Q'eqchi Bible

²² Kichaq'ok li Jesus ut kixye reheb': —Chepaab' li Yos.

San Marcos 11:22 ပူးပေါင်းရင်းမြစ်များ

Salmos 62:8

Ex intenamit, cauhak taxak e̱chꞌo̱l riqꞌuin li Dios chi junelic. Ut chextijok chi anchal e̱chꞌo̱l chiru li Dios ut te̱ye re chixjunil le̱ raylal xban nak caꞌaj cuiꞌ riqꞌuin aꞌan naru nakacol kib.

San Juan 14:1

Misach e̱chꞌo̱l chi cꞌoxlac. Chepa̱b li Dios ut chine̱pa̱b ajcuiꞌ la̱in.

San Marcos 9:23

Li Jesús quixye: —¿Cꞌaꞌut nak nacaye “cui naru”? ¿Ma incꞌaꞌ nacanau nak cui nacatpa̱ban chixjunil naru xba̱nunquil? chan.

Isaías 7:9

Li tenamit Samaria, aꞌan lix nimal ru tenamit saꞌ xnaꞌajeb li ralal xcꞌajol laj Efraín. Ut laj Peka li ralal laj Remalías, aꞌan lix reyeb. Cui incꞌaꞌ cau e̱chꞌo̱l saꞌ le̱ pa̱ba̱l joꞌcan ajcuiꞌ te̱cꞌul joꞌ li teꞌxcꞌul li ralal xcꞌajol laj Efraín.—

2 Crónicas 20:20

Cuulajak chic nak toj ekꞌela queꞌcuacli ut queꞌco̱eb saꞌ li chaki chꞌochꞌ Tecoa. Nak ac e̱lqueb re, laj Josafat quixakli chiruheb ut quixye reheb: —Cherabihak la̱ex aj Judá ut la̱ex aj Jerusalén. Chepa̱b li Ka̱cuaꞌ le̱ Dios re nak aꞌan ta̱tenkꞌa̱nk e̱re. Ut cꞌojobomak e̱chꞌo̱l riqꞌuineb lix profetas re nak us tex-e̱lk, chan.

Tito 1:1

La̱in laj Pablo. Yo̱quin chi tzꞌi̱bac a̱cuiqꞌuin, at Tito. Nincꞌanjelac chiru li Dios ut la̱in x-apóstol li Jesucristo. Xakabanbilin xban li Jesucristo re xtenkꞌanquileb li sicꞌbileb ru xban li Dios re nak tzꞌakalak re ru lix pa̱ba̱leb. Ut xakabanbilin re xtenkꞌanquileb re nak teꞌxtau ru chi tzꞌakal lix ya̱lal li colba-ib ut ta̱ti̱cobresi̱k lix chꞌo̱leb.

Colosenses 2:12

Nak xecꞌul li cubi haꞌ chanchan nak quexmukeꞌ e̱rochben li Cristo ut quexcuacli cuiꞌchic chi yoꞌyo xban nak acꞌ chic le̱ yuꞌam nak xepa̱b li nimajcual Dios li quicuaclesin cuiꞌchic re li Jesucristo chi yoꞌyo saꞌ xya̱nkeb li camenak.

San Mateo 17:20

Ut li Jesús quixye reheb: —Incꞌaꞌ xexru xban nak incꞌaꞌ nequexpa̱ban chi tzꞌakal. Relic chi ya̱l tinye e̱re nak cuan taxak caꞌchꞌinak le̱ pa̱ba̱l chanchan xnimal ru jun chꞌina riyajil mostaza, te̱ye raj re li tzu̱l aꞌin, “Elen arin, kꞌaxon leꞌ” ut ta̱kꞌaxo̱nk raj. Ut ma̱cꞌaꞌ raj cꞌaꞌru incꞌaꞌ ta̱ru̱k te̱ba̱nu.

San Mateo 21:21

Quichakꞌoc li Jesús ut quixye: —Relic chi ya̱l tinye e̱re nak cui te̱pa̱b chi tzꞌakal nak li Dios tixba̱nu, ut incꞌaꞌ ta̱cuiba̱nk e̱chꞌo̱l, ta̱ru̱k ajcuiꞌ te̱ba̱nu joꞌ xinba̱nu la̱in re li cheꞌ. Ut moco caꞌaj cuiꞌ ta raj aꞌan te̱ba̱nu. Ta̱ru̱k ajcuiꞌ te̱ye re li tzu̱l aꞌin, “Elen ut cut a̱cuib saꞌ li palau” ut ta̱uxk ajcuiꞌ che̱ru.

San Mateo 14:29

Li Jesús quixye re: —Quim.— Ut laj Pedro qui-el chak saꞌ li jucub ut qui-oc chi be̱c chiru li haꞌ re ta̱xic riqꞌuin li Jesús.