San Marcos 11:18 - Li Santil hu

¹⁸ Eb li xbe̱nil aj tij ut eb laj tzꞌi̱b nak queꞌrabi aꞌan queꞌoc chixcꞌu̱banquil chanru nak teꞌxcamsi li Jesús. Cꞌajoꞌ nak queꞌxucuac xban nak queꞌril nak sachso̱queb xchꞌo̱l li qꞌuila tenamit chirabinquil li tijleb li yo̱ chixyebal li Jesús.

Q'eqchi Bible

¹⁸ Naq ke'rab'i a'in eb' li xb'eenil aj tij jo'wi' eb' laj tz'iib', ke'ok chi xsik'b'al chanru naq te'xkamsi, xb'aan naq neke'xxiwa ru: a' neke'ril naq chixjunil li tenamit sachsookeb' xch'ool xb'aan li naxtzoleb' wi'.

San Marcos 11:18 ပူးပေါင်းရင်းမြစ်များ

San Mateo 7:28

Ut nak quirakeꞌ li Jesús chixyebal li a̱tin aꞌin, sachso̱queb xchꞌo̱l queꞌcana li qꞌuila tenamit chirabinquil li cꞌaꞌru yo̱ chixyebal.

San Marcos 12:12

Eb laj tij ut eb laj tzꞌi̱b ut eb li xakabanbileb chi cꞌanjelac saꞌ rochoch li Dios queꞌxcꞌoxla raj xchapbal li Jesús re teꞌxqꞌue saꞌ tzꞌalam xban nak queꞌxtau ru nak chirixeb aꞌan yo̱ chi a̱tinac nak quixye li jaljo̱quil ru a̱tin aꞌan. Abanan queꞌxucuac xbaneb li tenamit. Joꞌcan nak queꞌxcanab ut queꞌel saꞌ li naꞌajej aꞌan.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

San Juan 7:46

Eb li nequeꞌcꞌacꞌalen saꞌ li templo queꞌchakꞌoc ut queꞌxye: —¡Ma̱ jun cua kabiom junak cui̱nk chi a̱tinac joꞌ naa̱tinac li cui̱nk aꞌan! ¡Chꞌinaꞌus li cꞌaꞌru naxye! chanqueb.

San Lucas 20:19

Eb laj tzꞌi̱b ut eb li xbe̱nil aj tij queꞌxtau ru nak reheb aꞌan quixye li jaljo̱quil ru a̱tin aꞌin ut queꞌraj raj xchapbal saꞌ li ho̱nal aꞌan. Abanan incꞌaꞌ queꞌru xban nak queꞌxucuac chiruheb li tenamit.

San Lucas 19:47

Ut rajlal cutan yo̱ chixchꞌolobanquil xya̱lal saꞌ li templo. Eb li xbe̱nil aj tij, ut eb laj tzꞌi̱b ut eb li nequeꞌtaklan saꞌ xya̱nkeb laj judío yo̱queb chixcꞌu̱banquil chanru nak teꞌxcamsi.

San Lucas 4:22

Chixjunileb li cuanqueb aran cha̱bil yo̱queb chixyebal chirix li Jesús ut sachso̱queb xchꞌo̱l chirabinquil li cha̱bil a̱tin li yo̱ chixyebal. Ut queꞌxye: —¿Ma ma̱cuaꞌ ta biꞌ aꞌin li ralal laj José? chanqueb.

San Marcos 11:32

Ut cui takaye nak cui̱nk xtaklan chak re, teꞌpokꞌ li tenamit saꞌ kabe̱n, chanqueb. Eb aꞌan queꞌxxucua ru li tenamit xban nak chixjunileb nequeꞌxnau nak laj Juan, aꞌan tzꞌakal profeta.

San Marcos 6:20

Laj Herodes naxnau nak laj Juan ti̱c xchꞌo̱l ut santil cui̱nk. Joꞌcan nak naxucuac ut incꞌaꞌ naraj nak ta̱camsi̱k. Quicuulac chiru rabinquil li quixye laj Juan usta cꞌajoꞌ nak naqꞌueheꞌ chi cꞌoxlac xban li a̱tin nayeheꞌ re.

San Marcos 3:6

Tojoꞌnak eb laj fariseo queꞌel riqꞌuin li Jesús. Queꞌco̱eb riqꞌuineb li nequeꞌoquen chirix laj Herodes. Ut queꞌoc xcꞌu̱banquil chanru nak teꞌxcamsi li Jesús.

San Marcos 1:22

Nequeꞌsach xchꞌo̱leb li tenamit chirabinquil li cꞌaꞌru naxye li Jesús xban nak quixcꞌut xya̱lal chiruheb chi cuan xcuanquil ut moco joꞌ ta queꞌxba̱nu laj tzꞌi̱b li nequeꞌcꞌutuc lix chakꞌrab li Dios.

San Mateo 21:15

Ut eb lix be̱nil aj tij ut eb laj tzꞌi̱b queꞌril li sachba chꞌo̱lej li yo̱ chixba̱nunquil. Ut queꞌril nak eb li sa̱j al japjo̱queb re chixyebal saꞌ li rochoch li Dios: —Lokꞌoninbil taxak laj Colol ke, li ralal xcꞌajol li rey David, chanqueb. Ut cꞌajoꞌ nak queꞌpoꞌ laj tij ut eb laj tzꞌi̱b.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

1 Reyes 22:18

Ut li rey Acab quixye re laj Josafat: —¿Ma incꞌaꞌ ta biꞌ xinye a̱cue nak li cui̱nk aꞌin junes ma̱usilal naxye cue? Ma̱ jun sut naxye li us chicuix, chan.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

San Lucas 2:47

Ut chixjunileb li yo̱queb chi abi̱nc re sachso̱queb xchꞌo̱l nequeꞌcana xban nak cuan xnaꞌleb ut naxnau xsumenquil li cꞌaꞌru nequeꞌxpatzꞌ re.

San Juan 7:1

Chirix chic aꞌan, li Jesús yo̱ chixbeninquileb li naꞌajej li cuanqueb Galilea. Incꞌaꞌ quiraj xic Judea xban nak eb li nequeꞌtaklan saꞌ xya̱nkeb laj judío teꞌraj xcamsinquil.

San Juan 7:19

¿Ma incꞌaꞌ ta biꞌ quixqꞌue e̱re li chakꞌrab laj Moisés? ¿Cꞌaꞌut nak ma̱ jun saꞌ e̱ya̱nk naxba̱nu chi tzꞌakal li cꞌaꞌru naxye li chakꞌrab? Ut, ¿cꞌaꞌut nak te̱raj incamsinquil? chan li Jesús.