San Marcos 10:52 - Li Santil hu

⁵² Li Jesús quixye re: —Anakcuan naru tatxic. Xatqꞌuira xban nak xapa̱b nak cuan incuanquil cha̱qꞌuirtesinquil, chan re. Ut saꞌ junpa̱t qui-iloc li mutzꞌ ut co̱ chirixeb.

Q'eqchi Bible

⁵² Li Jesus kixye re: —Ayu, laapaab'aal xkolok aawe. Ut chi junpaat ki'ok chi ilok ut kixtikib' xtaaqenkil li Jesus sa' b'e.

San Marcos 10:52 ပူးပေါင်းရင်းမြစ်များ

San Mateo 9:22

Ut li Jesús quixakli ut qui-iloc chirix. Quiril li ixk ut quixye re: —Kanaꞌ, cauhak taxak a̱chꞌo̱l. Xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira, chan. Ut saꞌ ajcuiꞌ li ho̱nal aꞌan, li ixk quiqꞌuira.

San Lucas 7:50

Ut li Jesús quixye cuiꞌchic re li ixk: —Xban nak cuan a̱pa̱ba̱l, xatcoleꞌ. Joꞌcan nak ayu chi sa saꞌ a̱chꞌo̱l, chan re.

San Marcos 8:25

Tojoꞌnak li Jesús quixqꞌue cuiꞌchic li rukꞌ saꞌ li xnakꞌ ru li mutzꞌ ut quiqꞌuira li ru. Nak qui-iloc li cui̱nk, tzꞌakal chic naril chixjunil.

San Marcos 5:34

Li Jesús quixye re: —Kanaꞌ, xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira. Ayu chi sa saꞌ a̱chꞌo̱l ut chi ma̱cꞌaꞌ chic a̱raylal, chan.

San Juan 9:32

Chalen chak saꞌ xticlajic li ruchichꞌochꞌ, ma̱ jun sut qui-abiman nak cuan ta junak cui̱nk tixte ta xnakꞌ ru junak mutzꞌ chalen saꞌ xyoꞌlajic.

San Mateo 15:28

Ut li Jesús quixye re: —Kanaꞌ, la̱at relic chi ya̱l xatau ru lix ya̱lal ut chi anchal a̱chꞌo̱l xatpa̱ban. Chi-uxk li cꞌaꞌru xatzꞌa̱ma, chan. Ut saꞌ ajcuiꞌ li ho̱nal aꞌan quiqꞌuira lix coꞌ.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Marcos 1:31

Tojoꞌnak li Jesús quijiloc riqꞌuin li yaj. Quixchap li rukꞌ ut quixcuaclesi. Saꞌ junpa̱t quinumeꞌ lix tik ut qui-oc chi cꞌanjelac chiruheb.

San Mateo 21:14

Ut queꞌcꞌameꞌ riqꞌuin li Jesús saꞌ rochoch li Dios li mutzꞌ ut eb li ye̱k rok ut li Jesús quilajxqꞌuirtesiheb.

San Mateo 12:22

Ut mokon chic quicꞌameꞌ chak riqꞌuin li Jesús jun li cui̱nk cuan ma̱us aj musikꞌej riqꞌuin. Mutzꞌ ut mem li cui̱nk aꞌan. Ut li Jesús quixqꞌuirtesi, ut li cui̱nk li mutzꞌ ut mem nak quicuan, quia̱tinac ut qui-iloc chic.

San Juan 9:39

Li Jesús quixye re: —La̱in xinchal saꞌ ruchichꞌochꞌ chi rakoc a̱tin. La̱in tincutanobresi xnaꞌlebeb li incꞌaꞌ nequeꞌxtau xya̱lal. Ut tinmuk lix ya̱lal chiruheb li nequeꞌxcꞌoxla nak cuanqueb xnaꞌleb. Chanchan nak tinqꞌueheb chi iloc li incꞌaꞌ nequeꞌiloc. Ut tinqꞌueheb chi mutzꞌocꞌ li nequeꞌiloc, chan li Jesús.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Isaías 35:5

Saꞌ eb li cutan aꞌan eb li mutzꞌ teꞌilok chic ut li tzꞌap xic teꞌabi̱nk chic.

Salmos 146:8

Li Ka̱cuaꞌ naxqꞌueheb chi iloc li mutzꞌ. Ut naxqꞌue xcacuilal xchꞌo̱leb li yo̱queb chi chꞌina̱nc xchꞌo̱l. Li Ka̱cuaꞌ naxraheb li ti̱queb xchꞌo̱l.

Salmos 33:9

Yal riqꞌuin ra̱tin li Dios chixjunil quicana chi yi̱banbil. Riqꞌuin li quixye li Ka̱cuaꞌ quiya̱loꞌ ru chixjunil.

San Lucas 9:48

Ut quixye reheb: —Li ani ta̱cꞌuluk re junak chꞌina al joꞌ aꞌin saꞌ incꞌabaꞌ la̱in, tinixcꞌul ajcuiꞌ la̱in; ut li ani ta̱cꞌuluk cue la̱in, tixcꞌul ajcuiꞌ li ani xtaklan chak cue. Joꞌcan nak li ani cubenak xcuanquil saꞌ e̱ya̱nk anakcuan, aꞌanak chic li nimak xcuanquil.—

San Mateo 8:3

Li Jesús quixyeꞌ li rukꞌ, quixchꞌeꞌ li cui̱nk ut quixye re: —Nacuaj a̱qꞌuirtesinquil. Anakcuan tatinqꞌuirtesi, chan. Ut saꞌ junpa̱t quiqꞌuira li saklep rix.