San Marcos 10:4 - Li Santil hu

⁴ Eb aꞌan queꞌxye: —Laj Moisés quixye nak junak li cui̱nk ta̱ru̱k tixyi̱b lix hu re jachoc ib ut riqꞌuin aꞌan naru tixjach rib riqꞌuin li rixakil.—

Q'eqchi Bible

⁴ Eb' a'an ke'xye: —Laj Moisés kixye naq naru taatz'iib'aaq xhuhil li jachok ib' ut taakanab'aaq li ixq.

San Marcos 10:4 ပူးပေါင်းရင်းမြစ်များ

San Mateo 19:7

Ut queꞌxye cuiꞌchic re li Jesús: —¿Cꞌaꞌut nak quixye laj Moisés nak ta̱ru̱k xyi̱banquil junak li hu re nak tixjach rib li cui̱nk riqꞌuin li rixakil?—

San Mateo 1:19

Ut xban nak ti̱c xchꞌo̱l laj José, li ac xtzꞌa̱man re, incꞌaꞌ quiraj xcꞌutbal xxuta̱n lix María. Xraj raj xcanabanquil chi mukmu.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

San Marcos 10:3

Ut nak quichakꞌoc li Jesús, quixye reheb: —¿Cꞌaꞌru le̱ chakꞌrabinquil quixcanab e̱re laj Moisés?—