San Marcos 10:32 - Li Santil hu

³² Nak yo̱queb chi xic Jerusalén cꞌamol be li Jesús chiruheb. Nak cuanqueb chiru be sachso̱queb xchꞌo̱l lix tzolom ut li yo̱queb chi ta̱ke̱nc reheb teꞌxucuak ajcuiꞌ. Tojoꞌnak li Jesús quixcꞌameb cuiꞌchic lix cablaju chi tzolom xjuneseb ut qui-oc chixyebal reheb li cꞌaꞌru tixcꞌul.

Q'eqchi Bible

³² Yookeb' chi taqe'k, sa' li b'e naxik Jerusalén, k'amol b'e li Jesus chiruheb'; eb' a'an sachsookeb' xch'ool ut eb' li yookeb' chi taaqenk re yo xxiweb'. Li Jesus kixb'oqeb' wi' chik li Kab'laju ut kixtikib' xyeeb'al reheb' li k'aru tixk'ul:

San Marcos 10:32 ပူးပေါင်းရင်းမြစ်များ

San Lucas 9:51

Nak ac cuulac re xkꞌehil nak li Jesús ta̱cꞌamekꞌ cuiꞌchic xban li Dios saꞌ choxa, quixcacuubresi xchꞌo̱l chi xic Jerusalén.

San Juan 11:16

Laj Tomás, li nequeꞌxye lut re, quixye reheb li rech aj tzolonelil: —Yoꞌkeb ajcuiꞌ la̱o usta tocamsi̱k kochben laj tzolonel, chan.

San Juan 11:8

Lix tzolom queꞌchakꞌoc ut queꞌxye: —At tzolonel, nak cuanco aran, eb laj judío li cuanqueb aran queꞌraj raj a̱camsinquil chi pec. ¿Ma toxic cuiꞌchic aran? chanqueb.

San Lucas 10:23

Quixsukꞌisi rib riqꞌuineb lix tzolom ut quixye reheb xjuneseb: —Us xak e̱re la̱ex xban nak riqꞌuin xnakꞌ e̱ru yo̱quex chirilbal li cꞌaꞌru yo̱ chi cꞌulma̱nc.

San Marcos 4:34

Ut ma̱cꞌaꞌ cꞌaꞌru quixye li Jesús reheb li tenamit chi ma̱cuaꞌ ta saꞌ jaljo̱quil ru a̱tin. Abanan nak ac xjuneseb chic lix tzolom, quixchꞌolob lix ya̱lal chiruheb.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

Zacarías 3:8

At Josué, la̱at li xbe̱nil laj tij. Chacuabihak la̱at ut cheꞌrabihak ajcuiꞌ eb laj tij li nequeꞌtenkꞌan a̱cue. La̱ex retalil laj cꞌanjel chicuu li tintakla chak, li nequeꞌxye xtux cheꞌ re.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

San Marcos 1:27

Quilajeꞌsach xchꞌo̱l chixjunileb li tenamit ut queꞌxye chiribileb rib: —¿Cꞌaꞌru xya̱lal aꞌin? ¿Cꞌaꞌru li acꞌ tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, nequeꞌxpa̱b.—

San Lucas 19:28

Nak ac xye li jaljo̱quil ru a̱tin aꞌin, li Jesús qui-oc cuiꞌchic chi xic Jerusalén.