San Marcos 10:2 - Li Santil hu

² Ut queꞌcuulac laj fariseo riqꞌuin chi patzꞌoc yal re xyalbal rix ut queꞌxye re: —¿Cꞌaꞌru nacaye la̱at? ¿Ma ta̱ru̱k tixjach rib junak cui̱nk riqꞌuin li rixakil? chanqueb re.

Q'eqchi Bible

² Wankeb' aj Pariseey ke'nach'ok rik'in ut ke'xpatz' re, yal re xyalb'al rix: —Ma truuq naq li winq tixkanab' li rixaqil? chankeb' re.

San Marcos 10:2 ပူးပေါင်းရင်းမြစ်များ

San Juan 8:6

Queꞌxye re li Jesús chi joꞌcan yal re rilbal cꞌaꞌ na ru tixye xban nak yo̱queb chixsicꞌbal cꞌaꞌru teꞌxjit cuiꞌ. Aban li Jesús quixxulub rib ut qui-oc chi tzꞌi̱bac chiru chꞌochꞌ riqꞌuin ruꞌuj rukꞌ.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

1 Corintios 10:9

Mikaqꞌue xjoskꞌil li Ka̱cuaꞌ Dios joꞌ queꞌxba̱nu eb aꞌan nak queꞌxba̱nu li ma̱usilal ut queꞌtiꞌeꞌ xbaneb li cꞌantiꞌ li quixtakla li Ka̱cuaꞌ Dios ut queꞌcam.

San Juan 11:57

Eb li xbe̱nil aj tij ut eb laj fariseo queꞌxye reheb li tenamit nak cui ani ta̱abi̱nk resil bar cuan li Jesús, tento teꞌxye resil, re nak ta̱ru̱k teꞌxtakla xchapbal.

San Juan 11:47

Ut eb laj fariseo rochbeneb li xbe̱nil aj tij queꞌxchꞌutub ribeb riqꞌuineb li nequeꞌtaklan saꞌ xya̱nkeb laj judío ut queꞌxye reheb: —¿Cꞌaꞌru takaba̱nu? Li cui̱nk aꞌin nabal li milagro yo̱ chixba̱nunquil.

San Juan 7:48

¿Ma cuan ta biꞌ junak xcomoneb li nequeꞌtaklan saꞌ kaya̱nk li xpa̱b li cꞌaꞌru naxye aꞌan? Ut, ¿ma cuan ta biꞌ junak kacomon la̱o aj fariseo xpa̱ban re?

San Juan 7:32

Eb laj fariseo queꞌrabi li yo̱queb chixyebal chirix li Jesús. Joꞌcan nak eb aꞌan, rochbeneb li xbe̱nil aj tij, queꞌxtakla li nequeꞌcꞌacꞌalen saꞌ li templo chixchapbal li Jesús re teꞌxqꞌue saꞌ tzꞌalam.

San Lucas 16:14

Nak eb laj fariseo queꞌrabi li quixye li Jesús, queꞌoc chixseꞌenquil xban nak nequeꞌxra lix biomaleb.

San Lucas 11:39

Li Jesús quixye re: —La̱ex aj fariseo nequechꞌaj li rix le̱ secꞌ ut le̱ plato; abanan tzꞌaj lix saꞌ. La̱ex chanchanex li secꞌ li tzꞌaj xsaꞌ xban nak numtajenak le̱ ma̱usilal ut li elkꞌac nequeba̱nu.

San Lucas 7:30

Abanan eb laj fariseo ut eb laj tzolol chakꞌrab queꞌxtzꞌekta̱na li rusilal li Dios li quixcꞌoxla xba̱nunquil reheb. Ut incꞌaꞌ queꞌxcꞌul li cubi haꞌ riqꞌuin laj Juan.

San Lucas 6:7

Cuanqueb cuib oxib aj fariseo ut aj tzolol chakꞌrab aran. Yo̱queb chirilbal ma tixqꞌuirtesi tana li rukꞌ li cui̱nk aꞌin saꞌ li hiloba̱l cutan re nak naru teꞌxjit li Jesús.

San Lucas 5:30

Eb laj fariseo ut eb laj tzolol chakꞌrab queꞌoc chixcuechꞌinquil rixeb lix tzolom li Jesús ut queꞌxye reheb: —¿Cꞌaꞌut nak nequexcuaꞌac ut nequex-ucꞌac rochbeneb laj titzꞌol toj ut rochbeneb laj ma̱c? chanqueb.

San Marcos 8:15

Li Jesús quixye reheb: —Cheba̱nu cue̱nt. Micuan xchꞌamal xcaxlan cuaheb laj fariseo e̱riqꞌuin chi moco xchꞌamal xcaxlan cua laj Herodes.—

San Marcos 8:11

Queꞌcuulac laj fariseo riqꞌuin li Jesús. Queꞌoc chixcuechꞌinquil yal re xyalbal. Queꞌxye re nak tixba̱nu junak milagro chiruheb re rilbal ma ya̱l na nak riqꞌuin li Dios nachal lix cuanquil.

San Mateo 22:35

Ut jun reheb, aj tzolol chakꞌrab, quipatzꞌoc re li Jesús yal re xyalbal rix.

San Mateo 19:3

Cuanqueb laj fariseo queꞌcuulac chi patzꞌoc riqꞌuin yal re xyalbal rix ut queꞌxye re: —¿Cꞌaꞌru nacaye la̱at? ¿Ma ta̱ru̱k tixjach rib li cui̱nk riqꞌuin li rixakil yal riqꞌuin cꞌaꞌak re ru?—

San Mateo 16:1

Queꞌcuulac laj fariseo ut eb laj saduceo riqꞌuin li Jesús. Queꞌraj xyalbal rix ut queꞌoc chixtzꞌa̱manquil chiru nak tixba̱nu junak milagro chiruheb re rilbal ma ya̱l nak riqꞌuin li Dios nachal lix cuanquil.

San Mateo 15:12

Queꞌjiloc lix tzolom riqꞌuin li Jesús ut queꞌxye re: —¿Ma xaqꞌue retal nak eb laj fariseo ra xeꞌrecꞌa nak xeꞌrabi li a̱tin li xaye?—

San Mateo 9:34

Aban eb laj fariseo queꞌxye: —Riqꞌuin xcuanquil laj tza narisiheb li ma̱us aj musikꞌej li cui̱nk aꞌan, chanqueb.

Malaquías 2:16

Li Ka̱cuaꞌ lix Dioseb laj Israel quixye: —La̱in xicꞌ nacuil li ani naxjach rib riqꞌuin li rixakil ut naxmux rib chixba̱nunquil li incꞌaꞌ us, chan li Ka̱cuaꞌ. Joꞌcan nak cherahak le̱ yuꞌam ut me̱mux ru le̱ sumlajic.

San Marcos 10:1

Ut qui-el li Jesús Capernaum. Queꞌco̱eb saꞌ jun li naꞌajej cuan xcue̱nt Judea ut queꞌco̱eb ajcuiꞌ toj jun pacꞌal li nimaꞌ Jordán.

San Marcos 10:3

Ut nak quichakꞌoc li Jesús, quixye reheb: —¿Cꞌaꞌru le̱ chakꞌrabinquil quixcanab e̱re laj Moisés?—