San Marcos 10:17 - Li Santil hu

¹⁷ Nak ac xic re li Jesús saꞌ jalan chic naꞌajej, quichal jun li cui̱nk saꞌ a̱nil, colxcuikꞌib rib chiru ut quixye re: —At cha̱bil tzolonel, ¿cꞌaꞌru ta̱ru̱k tinba̱nu re nak tincue̱chani li yuꞌam chi junelic?—

Q'eqchi Bible

¹⁷ Ak yo chi elk li Jesus, xik raj re, naq kichalk jun li winq sa' aanil, kolxwiq'ib' rib' chiru ut kixpatz' re: —At chaab'il aj Tzolonel, k'aru tinb'aanu re naq tweechani li junelik yu'am?

San Marcos 10:17 ပူးပေါင်းရင်းမြစ်များ

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

San Lucas 10:25

Jun aj tzolol chakꞌrab quixye re li Jesús yal re xyalbal rix: —At tzolonel: ¿Cꞌaꞌru us tinba̱nu re nak tincue̱chani li junelic yuꞌam? chan.

Hechos 16:30

Laj ilol tzꞌalam quirisiheb xjuneseb laj Pablo ut laj Silas ut quixye reheb: —¿Cꞌaꞌru us tinba̱nu re nak tincolekꞌ?

Hechos 2:37

Nak queꞌrabi aꞌan li chꞌutchꞌu̱queb aran, queꞌyotꞌeꞌ xchꞌo̱leb ut queꞌxye re laj Pedro joꞌ ajcuiꞌ reheb li apóstol li jun chꞌol chic: —Ex kas ki̱tzꞌin, ¿cꞌaꞌru takaba̱nu? chanqueb.

Hechos 20:32

Anakcuan ut ex herma̱n, texinkꞌaxtesi saꞌ rukꞌ li Dios ut li ra̱tin li quixqꞌue chak e̱re xban lix rahom chitenkꞌa̱nk e̱re chi qꞌui̱c saꞌ le̱ pa̱ba̱l. Ut aꞌan ajcuiꞌ ta̱qꞌuehok e̱naꞌaj saꞌ xya̱nkeb li sicꞌbileb ru xban li Dios.

Hechos 9:6

Nasicsot xban xxiu laj Saulo nak quixye: —Ka̱cuaꞌ, ¿cꞌaꞌru ta̱cuaj tinba̱nu? chan. Ut li Ka̱cuaꞌ quixye: —Cuaclin ut ayu saꞌ li tenamit, ut aran ta̱yehekꞌ a̱cue cꞌaꞌru us ta̱ba̱nu, chan.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

San Mateo 17:14

Ut queꞌcuulac bar cuanqueb cuiꞌ nabal li tenamit. Ut jun li cui̱nk colxcuikꞌib rib chiru li Jesús ut quixye re:

San Juan 6:40

Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

San Juan 5:39

La̱ex nequeqꞌue e̱chꞌo̱l chixtzolbal xsaꞌ li Santil Hu. La̱ex nequecꞌoxla nak aran te̱tau chanru ta̱cua̱nk le̱ yuꞌam chi junelic. Abanan incꞌaꞌ nequeqꞌue retal nak li Santil Hu aꞌan naxchꞌolob ajcuiꞌ lix ya̱lal chicuix la̱in.

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

San Marcos 12:14

Queꞌcuulac riqꞌuin li Jesús ut queꞌxye re: —At tzolonel, nakanau nak la̱at ya̱l nacat-a̱tinac ut incꞌaꞌ nacaxucua ruheb li tenamit. Yalak ani aj e nacaye lix ya̱lal. Ut nacacꞌut chiruheb li cꞌaꞌru naraj li Dios. Ye ke, ¿ma us xqꞌuebal li toj re li acuabej malaj ut incꞌaꞌ? ¿Ma takaqꞌue malaj ut incꞌaꞌ? chanqueb.

San Marcos 9:25

Nak li Jesús quiril nak saꞌ junpa̱t yo̱queb chi chꞌutla̱c nabal li tenamit, quixchꞌila li ma̱us aj musikꞌej. Quixye re: —At ma̱us aj musikꞌej, la̱at nacatmemobresin. La̱at nacattzꞌapoc xic. La̱in tinye a̱cue, elen riqꞌuin li al aꞌin ut mat-oc chic riqꞌuin, chan.

San Marcos 1:40

Saꞌ jun li cutan jun li cui̱nk saklep rix quicuulac riqꞌuin li Jesús. Quixcuikꞌib rib chiru ut quixtzꞌa̱ma xtenkꞌanquil. Quixye re: —La̱in ninnau nak la̱at naru tina̱qꞌuirtesi, chan.

San Mateo 28:8

Teꞌxucuak li ixk nak queꞌel saꞌ li mukleba̱l. Abanan quisahoꞌ ajcuiꞌ saꞌ xchꞌo̱leb riqꞌuin li cꞌaꞌru queꞌrabi. Ut co̱eb saꞌ a̱nil chixyebal resil reheb lix tzolom li Jesús.

1 Juan 2:25

Li yuꞌam ma̱cꞌaꞌ rosoꞌjic, aꞌan li naxyechiꞌi ke li Jesucristo.

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

San Marcos 10:18

Li Jesús quixye: —¿Cꞌaꞌut nak nacaye cha̱bil cue cui incꞌaꞌ nacanau anihin la̱in? Jun ajcuiꞌ li cha̱bil ut aꞌan li Dios.

Efesios 1:18

Nintzꞌa̱ma chiru li Dios nak tixqꞌue e̱naꞌleb re nak te̱tau ru cꞌaꞌru le̱ lokꞌlaj ma̱tan li yo̱quex chiroybeninquil xban nak sicꞌbil e̱ru xban li Dios. Te̱cꞌul le̱ ma̱tan e̱rochbeneb chixjunileb laj pa̱banel.

Tito 3:7

Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

1 Pedro 1:4

Yo̱co chixyoꞌoninquil li kama̱tan li tixqꞌue ke li Dios. Li ma̱tan aꞌin incꞌaꞌ nalaj incꞌaꞌ na-osoꞌ. Cꞌu̱lanbil saꞌ choxa. Aran ma̱cꞌaꞌ ta̱muxuk ru ut ma̱ jaruj ta̱osokꞌ.