San Marcos 1:24 - Li Santil hu

²⁴ Li cui̱nk aꞌan quixjap re ut quixye: —¿Cꞌaꞌru ta̱cuaj kiqꞌuin, at Jesús aj Nazaret? ¿Ma chikasachbal xatchal? Ninnau anihat la̱at. La̱at lix Santil Alal li Dios, chan.

Q'eqchi Bible

²⁴ —K'aru wank qe aawik'in, at Jesus aj Nazaret? Ma xatchalk chi qajuk'b'al? Ninnaw anihat laa'at: a' li xsantil Alal li Yos, chan.

San Marcos 1:24 ပူးပေါင်းရင်းမြစ်များ

San Mateo 8:29

Ut eb aꞌan queꞌxjap re chixyebal: —¿Cꞌaꞌru ta̱cuaj kiqꞌuin, at Jesús? La̱at ralalat li nimajcual Dios. ¿Ma xatchal arin chikachꞌiꞌchꞌiꞌinquil chi toj ma̱jiꞌ xkꞌehil li rakba a̱tin? chanqueb.

Santiago 2:19

La̱at nacapa̱b nak li Dios jun ajcuiꞌ. Us ajcuiꞌ nak nacapa̱b. Aban joꞌcan ajcuiꞌ eb li ma̱us aj musikꞌej nequeꞌxpa̱b nak jun ajcuiꞌ li Dios cuan ut nequeꞌsicsot xban xxiuheb.

San Lucas 4:34

—Canabo kajunes. ¿Cꞌaꞌru ta̱cuaj kiqꞌuin, at Jesús aj Nazaret? ¿Ma xatchal chikasachbal? La̱in ninnau nak la̱at lix Santil Alal li Dios, chan.

Hechos 3:14

La̱ex incꞌaꞌ queraj xcolbal rix li santil cui̱nk aꞌin, li ti̱c xchꞌo̱l. Aꞌ chic laj camsinel queqꞌue chi achꞌaba̱c.

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Hechos 2:27

La̱in ninnau nak tina̱cuaclesi cuiꞌchic chi yoꞌyo saꞌ xya̱nkeb li camenak. Ut ninnau ajcuiꞌ nak incꞌaꞌ ta̱canab chi kꞌa̱c lix tibel la̱ Santil Alal.

San Lucas 8:28

Nak quiril li Jesús li cui̱nk quixcuikꞌib rib chiru. Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at li Ralal li nimajcual Dios. Nintzꞌa̱ma cha̱cuu nak mina̱chꞌiꞌchꞌiꞌi, chan re.

San Marcos 5:7

Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at Ralalat li nimajcual Dios. Saꞌ xcꞌabaꞌ li Ka̱cuaꞌ Dios, nintzꞌa̱ma cha̱cuu nak mina̱rahobtesi, chan re.

Salmos 16:10

At inDios, la̱in ninnau nak tina̱cuaclesi cuiꞌchic chi yoꞌyo saꞌ xya̱nkeb li camenak. Ut ninnau ajcuiꞌ nak incꞌaꞌ ta̱canab chi osocꞌ chi junaj cua li sicꞌbil ru a̱ban.

San Juan 6:69

La̱o nakapa̱b li cꞌaꞌru nacaye ut nakanau nak la̱at li Cristo, li Ralal li yoꞌyo̱quil Dios, chan.

San Lucas 1:35

Li ángel quixye re: —Riqꞌuin xcuanquil li Santil Musikꞌej tatcana̱k chi yaj aj ixk. Lix cuanquil li nimajcual Dios ta̱cua̱nk a̱cuiqꞌuin. Ut li cꞌulaꞌal li ta̱yoꞌla̱k, aꞌan santo ut tzꞌakal ralal li Dios.

Hechos 24:5

La̱o xkaqꞌue retal nak li cui̱nk aꞌin kꞌaxal yibru xnaꞌleb. Naxtiquib ra xi̱cꞌ saꞌ xya̱nkeb chixjunileb laj judío saꞌ chixjunil li ruchichꞌochꞌ. Ut aꞌan najolomin re li jun chꞌu̱tal aj Nazareno nequeꞌxye re.

Hechos 4:27

At Ka̱cuaꞌ, ya̱l ajcuiꞌ nak queꞌxchꞌutub ribeb saꞌ li tenamit aꞌin laj Herodes ut laj Poncio Pilato rochbeneb li tenamit aj Israel joꞌqueb ajcuiꞌ li ma̱cuaꞌeb aj Israel ut queꞌxcꞌu̱b ru chanru nak teꞌxba̱nu raylal re li Jesús la̱ Santil Alal li sicꞌbil ru a̱ban xban nak xicꞌ queꞌril.

San Lucas 24:19

Ut li Jesús quixye reheb: —¿Cꞌaꞌru anchal aꞌan? chan. Eb aꞌan queꞌxye re: —Chirix li Jesús aj Nazaret. Aꞌan profeta nak quicuan. Nim xcuanquil. Cha̱bil quixba̱nu ut cha̱bil quixye chiru li Dios ut chiruheb li tenamit.

San Mateo 2:23

Queꞌchal ut queꞌcuan saꞌ jun li tenamit Nazaret xcꞌabaꞌ xcue̱nt Galilea. Aꞌin quicꞌulman joꞌ queꞌxye li profeta nak queꞌxye nak aj Nazaret tixcꞌabaꞌin.

San Lucas 8:37

Cꞌajoꞌ nak queꞌxucuac chixjunileb li tenamit li cuanqueb saꞌ eb li naꞌajej li cuanqueb saꞌ xcue̱nt Gadara. Ut queꞌxtzꞌa̱ma chiru li Jesús nak ta̱e̱lk saꞌ lix naꞌajeb. Joꞌcan nak li Jesús qui-oc cuiꞌchic saꞌ li jucub ut qui-el saꞌ li naꞌajej aꞌan.

Éxodo 14:12

Nak toj cuanco aran xkaye a̱cue nak toa̱canab chi trabajic riqꞌuineb laj Egipto. Us raj chokꞌ ke li trabajic riqꞌuineb chiru nak toeꞌxcamsi arin saꞌ li chaki chꞌochꞌ, chanqueb.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

San Marcos 1:23

Saꞌ li cab chꞌutchꞌu̱queb cuiꞌ cuan jun li cui̱nk cuan ma̱us aj musikꞌej riqꞌuin.

San Marcos 1:25

Li Jesús quixkꞌus li ma̱us aj musikꞌej ut quixye re: —Matchokin. Elen riqꞌuin li cui̱nk aꞌin, chan.

San Marcos 10:47

Nak quirabi li mutzꞌ nak yo̱ chi cha̱lc li Jesús aj Nazaret, quixjap re chixyebal: —¡At Jesús, ralalat xcꞌajol laj David, chacuuxta̱na taxak cuu! chan.

San Marcos 14:67

Ut li ixk aꞌan quiril laj Pedro nak yo̱ chi kꞌixi̱nc chire li xam. Quixcaꞌya ut quixye re: —La̱at xat-ochbenin re li Jesús aj Nazaret, chan re laj Pedro.

San Marcos 16:6

Ut li cui̱nk quixye reheb: —Mexxucuac. La̱in ninnau nak yo̱quex chixsicꞌbal li Jesús aj Nazaret li queꞌxcamsi chiru cruz. Aꞌan ma̱ ani chic arin. Ac xcuacli cuiꞌchic chi yoꞌyo. Ilomak lix naꞌaj li xcuan cuiꞌ li camenak.

1 Juan 2:20

Ut la̱ex ac santobresinbilex xban li Santil Musikꞌej li qꞌuebil e̱re xban li Jesucristo, ut nequenau chic lix ya̱lal.