San Marcos 1:15 - Li Santil hu

¹⁵ Li Jesús quixye: —Xcuulac xkꞌehil lix nimajcual xcuanquilal li Dios. Chiyotꞌekꞌ e̱chꞌo̱l chejal e̱cꞌaꞌux ut pa̱bomak li Santil Evangelio, chan li Jesús.

Q'eqchi Bible

¹⁵ “Xtz'aqlok xkutankil, li xnimajwal awab'ejihom li Yos ak nach' wank -chan-. Yot'omaq eech'ool jalomaq eek'a'uxl, ut paab'omaq li Chaab'il Esilal”.

San Marcos 1:15 ပူးပေါင်းရင်းမြစ်များ

San Mateo 3:2

—Chiyotꞌekꞌ e̱chꞌo̱l ut chejal e̱cꞌaꞌux xban nak yo̱ chak chi cha̱lc li ta̱qꞌuehekꞌ saꞌ xcuanquil xban li Dios. Ut aꞌan chic ta̱cua̱nk xcuanquil saꞌ xbe̱neb li ralal xcꞌajol.—

San Mateo 4:17

Chalen nak quicuulac aran, li Jesús yo̱ chixchꞌolobanquil lix ya̱lal ut quixye: —Chiyotꞌekꞌ e̱chꞌo̱l ut jalomak e̱cꞌaꞌux xban nak cuulac re xkꞌehil nak tinqꞌuehekꞌ saꞌ incuanquil xban li Dios. Ut la̱in chic cua̱nk incuanquil saꞌ xbe̱neb li cualal incꞌajol.—

Efesios 1:10

Ta̱cuulak xkꞌehil nak ta̱tzꞌaklok ru chixjunil joꞌ naraj li Dios. Tixjunaji chixjunil li cꞌaꞌru cuan joꞌ saꞌ choxa joꞌ saꞌ ruchichꞌochꞌ. Ut aꞌ chic li Cristo ta̱jolomi̱nk re chixjunil.

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

San Lucas 10:9

Te̱qꞌuirtesiheb li yaj li cuanqueb saꞌ li tenamit aꞌan ut te̱ye ajcuiꞌ reheb nak yo̱ chak chi nachꞌoc lix nimajcual cuanquilal li Dios.

San Mateo 10:7

Ut nak yo̱kex chi xic, yo̱kex chixchꞌolobanquil lix ya̱lal ut chixyebal, “cuulac re xkꞌehil nak ta̱qꞌuehekꞌ saꞌ xcuanquil xban li Dios li ta̱cua̱nk xcuanquil saꞌ xbe̱neb li ralal xcꞌajol,” chaꞌkex.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

San Lucas 10:11

“Lix poksil le̱ tenamit li xletz chi kok takachikꞌchikꞌi chokꞌ retalil nak ta̱cha̱lk raylal saꞌ e̱be̱n. Julticak e̱re nak lix nimajcual cuanquilal li Dios xcꞌulun e̱riqꞌuin, abanan incꞌaꞌ xecꞌul”, chaꞌkex reheb.

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.

Romanos 16:26

Anakcuan xcutanoꞌ xya̱lal chiku xban li Santil Hu li tzꞌi̱banbil chak junxil xbaneb li profeta. Queꞌxtzꞌi̱ba chak li a̱tin joꞌ quiyeheꞌ reheb xban li Dios, li ma̱cꞌaꞌ rosoꞌjic. Ut aꞌin yo̱ xchꞌolobanquil xya̱lal yalak bar saꞌ chixjunil li ruchichꞌochꞌ re nak chixjunileb li tenamit teꞌrabi ut teꞌpa̱ba̱nk.

1 Timoteo 2:6

Ut aꞌan ajcuiꞌ li quixqꞌue rib chi ca̱mc saꞌ kacꞌabaꞌ la̱o re nak ta̱ru̱k tocolekꞌ chikajunilo. Ut nak quicuulac xkꞌehil, li Cristo quixcꞌutbesi chiku lix ya̱lal aꞌin nak quicam chiru li cruz.

Tito 1:3

Nak quicuulac xkꞌehil li Dios laj Colol ke quixcꞌutbesi lix ya̱lal li colba-ib chiku. Tenebanbil saꞌ inbe̱n xban li Dios xchꞌolobanquil xya̱lal li colba-ib yalak bar.