San Marcos 1:13 - Li Santil hu

¹³ Caꞌcꞌa̱l cutan quicuan chak xjunes saꞌ li naꞌajej aꞌan saꞌ xya̱nkeb li joskꞌ aj xul. Ut chiru li caꞌcꞌa̱l cutan aꞌan, li Jesús quiyaleꞌ ra̱lenquil xban laj tza, aban incꞌaꞌ quixqꞌue rib chi a̱le̱c. Ut eb lix ángel li Dios queꞌcuulac chi cꞌanjelac chiru.

Q'eqchi Bible

¹³ Ut chiru ka'k'aal kutan kiwank chaq sa' li chaqich'och', yo chaq raalenkil xb'aan laj tza. Wan chaq sa' xyanqeb' li josq' aj xul, ut eb' li ánjel neke'k'anjelak chiru.

San Marcos 1:13 ပူးပေါင်းရင်းမြစ်များ

Hebreos 4:15

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

San Mateo 26:53

¿Ma incꞌaꞌ nacanau nak naru tintzꞌa̱ma chiru lin Yucuaꞌ ut aꞌan tixtakla raj chak anakcuan anakcuan qꞌuila okꞌob chi ángel chincolbal?

Deuteronomio 9:25

Joꞌcan nak la̱in quincut cuib saꞌ chꞌochꞌ chi tijoc chiru li Ka̱cuaꞌ chiru caꞌcꞌa̱l cutan ut caꞌcꞌa̱l kꞌojyi̱n xban nak li Ka̱cuaꞌ quixye nak tixsach e̱ru.

Deuteronomio 9:18

Ut quincut cuib saꞌ chꞌochꞌ chiru li Ka̱cuaꞌ joꞌ quinba̱nu junxil. Ut chiru caꞌcꞌa̱l cutan ut caꞌcꞌa̱l kꞌojyi̱n incꞌaꞌ quincuaꞌac chi moco quin-ucꞌac xban chixjunil li ma̱c li queba̱nu. Queba̱nu li ma̱usilal chiru li Ka̱cuaꞌ ut quechikꞌ xjoskꞌil.

Deuteronomio 9:11

Nak ac xnumeꞌ li caꞌcꞌa̱l cutan ut li caꞌcꞌa̱l kꞌojyi̱n li Ka̱cuaꞌ quixqꞌue cue li perpo̱quil pec li tzꞌi̱banbil cuiꞌ li contrato li quixba̱nu e̱riqꞌuin.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Éxodo 24:18

Tojoꞌnak laj Moisés mas cuiꞌchic quitakeꞌ chiru li tzu̱l ut qui-oc saꞌ li chok. Ut caꞌcꞌa̱l (40) cutan ut caꞌcꞌa̱l kꞌojyi̱n quicuan aran.

San Mateo 4:1

Tojoꞌnak li Jesús quicꞌameꞌ xban li Santil Musikꞌej saꞌ li chaki chꞌochꞌ re ta̱yalekꞌ ra̱lenquil xban laj tza.

San Lucas 4:1

Li Jesús nujenak chi Santil Musikꞌej nak qui-el saꞌ li naꞌajej cuan cuiꞌ li nimaꞌ Jordán. Li Santil Musikꞌej quixcꞌut chiru nak tento ta̱xic saꞌ li chaki chꞌochꞌ bar ma̱cꞌaꞌ cuiꞌ cristian.