San Marcos 1:10 - Li Santil hu

¹⁰ Ut nak qui-el chak li Jesús saꞌ li haꞌ, quiril nak quiteli li choxa, ut li Santil Musikꞌej quicube chak saꞌ xbe̱n li Jesús. Chanchan jun li paloma nak yo̱ chak chi cubec.

Q'eqchi Bible

¹⁰ Naq yo chi elk li Jesus sa' li ha', kiril li choxa yo chi tehonk ut li Musiq'ej kama' junaq mukuy yo chaq chi kub'eek sa' xb'een.

San Marcos 1:10 ပူးပေါင်းရင်းမြစ်များ

San Lucas 3:22

Li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús ut qui-abi̱c xya̱b xcux li Dios toj saꞌ choxa nak quixye: —La̱at li cualal raro̱cat inban. Nasahoꞌ inchꞌo̱l a̱cuiqꞌuin, chan.

San Mateo 3:16

Ut nak ac xcubsi̱c xhaꞌ li Jesús, qui-el chak saꞌ li haꞌ. Ut saꞌ junpa̱t quiteli li choxa chiru ut quiril li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús.

Isaías 64:1

Us raj cui ta̱te li choxa ut tatcubek chak cuanco cuiꞌ. Us raj cui eb li tzu̱l teꞌecꞌa̱nk saꞌ xnaꞌajeb cha̱cuu.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Ezequiel 1:1

La̱in laj Ezequiel laj tij. La̱in jun saꞌ xya̱nkeb laj Israel li queꞌchapeꞌ ut queꞌcꞌameꞌ saꞌ li naꞌajej Babilonia. Cocꞌameꞌ chire li nimaꞌ Quebar. O̱b cutan chic xticlajic xca̱ li po re li laje̱b xcaꞌcꞌa̱l chihab nak li Dios quixcꞌutbesiheb li visión chicuu. Quiteli li choxa chicuu nak quicuil.

San Marcos 1:9

Saꞌ eb li cutan aꞌan li Jesús qui-el chak Nazaret xcue̱nt Galilea. Quicuulac riqꞌuin laj Juan ut laj Juan quixcubsi xhaꞌ aran saꞌ li nimaꞌ Jordán.

San Marcos 1:11

Ut qui-abi̱c xya̱b xcux li Dios toj saꞌ choxa. Quixye chi joꞌcaꞌin: —La̱at li cualal kꞌaxal raro̱cat inban. Nasahoꞌ inchꞌo̱l a̱cuiqꞌuin, chan li Dios.