Malaquías 4:3 - Li Santil hu

³ Saꞌ li cutan aꞌan, la̱in tinqꞌueheb li incꞌaꞌ useb xnaꞌleb rubel le̱ cuanquil la̱ex. Chanchanakeb chic li poks li nequeyekꞌi saꞌ e̱rok.

Q'eqchi Bible

³ Teeyeq'i sa' leeroq eb' li ink'a' useb' xna'leb', ut jo'kaqeb' li cha sa' leeroq naq taawulaq li Kutan yookin xkawresinkil.

Malaquías 4:3 ပူးပေါင်းရင်းမြစ်များ

Li xHu LAJ JOB 40:12

Cꞌut xxuta̱neb li nequeꞌxnimobresi ribeb ut sach ruheb li incꞌaꞌ useb xnaꞌleb toj bar cuanqueb cuiꞌ.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

Malaquías 3:17

Li nimajcual Dios quixye: —Saꞌ li cutan nak tinchꞌutub ruheb lin tenamit, kꞌaxal lokꞌakeb chicuu. Joꞌ jun yucuaꞌbej naril xtokꞌoba̱l ru li ralal li nacꞌanjelac chiru, joꞌcan ajcuiꞌ nak tincuil xtokꞌoba̱l ruheb lin tenamit la̱in.

Zacarías 10:5

Cauhakeb rib laj Israel chi pletic joꞌ li soldado li nequeꞌxyekꞌi li xicꞌ nequeꞌiloc reheb saꞌ li sulul li cuan saꞌ be. Teꞌnumta̱k saꞌ xbe̱neb li xicꞌ nequeꞌiloc reheb xban nak la̱in li Ka̱cuaꞌ tincua̱nk riqꞌuineb. Teꞌxcꞌut xxuta̱neb li nequeꞌchal chirix cacua̱y chi pletic riqꞌuineb.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Isaías 26:6

Eb li queꞌrahobtesi̱c junxil ut eb li nebaꞌ, aꞌan eb chic li nequeꞌoc saꞌ li tenamit ut nequeꞌxyekꞌi saꞌ rok.

Apocalipsis 14:20

Ut queꞌxyatzꞌ li ru li uvas saꞌ li yatzꞌleba̱l li cuan chirix li tenamit. Ut nabal li xyaꞌal. Chanchan nimaꞌ nak qui-el saꞌ li yatzꞌleb. Quicuulac toj saꞌ reheb li cacua̱y ut quibe̱c rok lix yaꞌal ut oxib ciento kilómetro rok quicuulac. (Lix yaꞌal li ru li uvas aꞌan retalil xquiqꞌueleb li cristian li teꞌcamsi̱k nak ta̱rakekꞌ a̱tin saꞌ xbe̱neb).

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Daniel 7:27

Ut chixjunil li cuanquilal ta̱qꞌuehekꞌ reheb li ralal xcꞌajol li Dios ut aꞌanakeb chic cua̱nkeb xcuanquil chi junelic saꞌ xbe̱neb chixjunileb li cuanqueb xcuanquil jun sut rubel choxa. Ut li cuanqueb xcuanquil saꞌ ruchichꞌochꞌ teꞌcꞌanjelak ut teꞌpa̱ba̱nk chiruheb, chan cue.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Ezequiel 28:18

Xban nak kꞌaxal quinumta li ma̱usilal caba̱nu ut xban nak incꞌaꞌ catyacoc saꞌ xya̱lal, camux ruheb li naꞌajej li nequeꞌlokꞌonin cuiꞌ. Joꞌcan nak la̱in quinloch xxamlel la̱ tenamit re nak ta̱sachekꞌ ru chiruheb chixjunileb li tenamit. Junes cha chic quicana.

Isaías 25:10

Li cuanqueb saꞌ li tzu̱l Sión li Ka̱cuaꞌ ta̱colok reheb. Abanan eb li tenamit Moab teꞌsachekꞌ ruheb joꞌ nak nayekꞌi̱c li qꞌuim saꞌ li mul.

Salmos 91:13

La̱at ta̱yekꞌ saꞌ la̱ cuok li cakcoj joꞌ ajcuiꞌ li cꞌantiꞌ li nacamsin. Ta̱yekꞌ saꞌ la̱ cuok li ral li cakcoj joꞌ ajcuiꞌ li dragón.

2 Samuel 22:43

Chanchaneb li poks li nacꞌameꞌ xban ikꞌ nak xinsach ruheb. Chanchan yekꞌinbileb joꞌ li sulul saꞌ be xinba̱nu reheb.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

2 Samuel 22:39

La̱in xinchoy xcamsinquileb re nak incꞌaꞌ chic teꞌcuacli̱k. Xeꞌtꞌaneꞌ ban chi cuok.

Salmos 49:14

Li ca̱mc aꞌan tenebanbil saꞌ xbe̱neb chixjunileb. Chanchaneb li carner re camsi̱c. Ut lix tibeleb ta̱kꞌa̱k saꞌ li mukleba̱l. Ut li mukleba̱l aꞌanak chic li rochocheb. Ut saꞌ jun cutan li ti̱queb xchꞌo̱l, aꞌan eb chic li teꞌqꞌuehekꞌ xlokꞌal.

Lamentaciones 1:15

Li Ka̱cuaꞌ quirisi xmetzꞌe̱uheb li kasolda̱d li cauheb raj rib chikacolbal. Ut quixtaklaheb jun chꞌu̱tal lix soldado li xicꞌ nequeꞌiloc ke chixsachbal ruheb li sa̱j cui̱nk saꞌ kaya̱nk. Xban nak kꞌaxal yo̱ xjoskꞌil, joꞌcan nak quixtakla raylal saꞌ kabe̱n. Chanchan nak nayatzꞌeꞌ li ru li uvas re risinquil li xyaꞌal.

Salmos 147:6

Li Ka̱cuaꞌ naxqꞌue xlokꞌal li ma̱cꞌaꞌeb xlokꞌal ut narisi chi junaj cua lix cuanquileb li incꞌaꞌ useb xnaꞌleb.