San Lucas 9:60 - Li Santil hu

⁶⁰ Li Jesús quixye re: —Canabeb li toj camenakeb saꞌ li ma̱c xmukakeb cuan lix camenak. Ut la̱at, ayu. Ye chak resil lix nimajcual cuanquilal li Dios, chan.

Q'eqchi Bible

⁶⁰ Ut li Jesus kixye re: —Kanab'eb' li kamenaq chi xmuqb'aleb' li xkamenaq. A'ut laa'at ayu chi xyeeb'al resil li xnimajwal awab'ejihom li Yos.

San Lucas 9:60 ပူးပေါင်းရင်းမြစ်များ

1 Timoteo 5:6

Abanan li xma̱lcaꞌan li naxsicꞌ xsahil xchꞌo̱l junes riqꞌuin li naxrahi ru, li jun aꞌan chanchan ac camenak xban lix ma̱c usta toj yoꞌyo.

Apocalipsis 3:1

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Sardis ut ta̱ye re: Li cuan li Santil Musikꞌej riqꞌuin ut li cuan li cuukub chi chahim saꞌ rukꞌ naxye e̱re chi joꞌcaꞌin: La̱in ninnau chanru nak cuanquex. Eb li tenamit nequeꞌxye nak la̱ex tzꞌakal aj pa̱banelex. Abanan moco ya̱l ta. La̱in ninnau nak incꞌaꞌ nequexpa̱ban chi tzꞌakal. Chanchan camenakex.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

Efesios 2:5

Nak toj camenako chak saꞌ li kama̱c, riqꞌuin lix cuaclijic cuiꞌchic chi yoꞌyo li Cristo, li Dios quixqꞌue ke jun acꞌ yuꞌam. Yal xban rusilal li Dios nak colbilo.

Efesios 2:1

Junxil la̱ex li ma̱cuaꞌex aj judío chanchan camenakex xban li ma̱usilal ut li ma̱c li xeba̱nu chak.

1 Corintios 9:16

La̱in incꞌaꞌ ninnimobresi cuib xban nak ninchꞌolob xya̱lal li colba-ib. Taklanbilin chi cꞌanjelac xban li Dios. Kꞌaxal ra raj chokꞌ cue cui ta incꞌaꞌ ninjultica resil.

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

San Mateo 8:22

Ut li Jesús quixye re: —Ta̱kehin, canabeb li toj camenakeb saꞌ li ma̱c xmukakeb cuan lix camenak, chan re.

San Lucas 15:24

xban nak li cualal aꞌin chanchan camenak nak xcuan chak. Aꞌut anakcuan xsukꞌi cuiꞌchic chi yoꞌyo. Sachenak nak xcuan ut xtauman cuiꞌchic, chan. Ut queꞌoc chi ninkꞌei̱c.