San Lucas 9:56 - Li Santil hu

⁵⁶ La̱in li Cꞌajolbej incꞌaꞌ xinchal chixsachbal ruheb li cristian. Xinchal ban chixcolbaleb, chan li Jesús. Ut chirix aꞌan, queꞌco̱eb saꞌ jalan chic naꞌajej.

Q'eqchi Bible

⁵⁶ Chirix chik a'an koheb' sa' jalan chik k'aleb'aal.

San Lucas 9:56 ပူးပေါင်းရင်းမြစ်များ

Romanos 12:21

Me̱chꞌinan e̱chꞌo̱l riqꞌuin li incꞌaꞌ us li nequeꞌxba̱nu e̱re. Qꞌuehomak ban e̱chꞌo̱l chixba̱nunquil li us. Chi joꞌcan te̱co̱loni xnumsinquil li incꞌaꞌ us.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

San Juan 3:17

Li Dios incꞌaꞌ quixtakla chak li Ralal saꞌ ruchichꞌochꞌ chixtenebanquil li tojba ma̱c saꞌ xbe̱neb li cuanqueb saꞌ ruchichꞌochꞌ. Quixtakla ban chak re nak saꞌ xcꞌabaꞌ aꞌan teꞌcolekꞌ.

San Juan 10:10

Laj e̱lkꞌ nachal chi elkꞌac ut chi camsi̱nc ut chi sachoc. La̱in xinchal re nak ta̱cua̱nk e̱yuꞌam chi tzꞌakal. Ta̱cua̱nk e̱yuꞌam chi junelic.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

San Juan 12:47

La̱in incꞌaꞌ xinchal saꞌ ruchichꞌochꞌ chixqꞌuebaleb chixtojbal rix lix ma̱queb li ani nequeꞌabin re li cꞌaꞌru ninye ut incꞌaꞌ nequeꞌxba̱nu. Ma̱cuaꞌ re xqꞌuebaleb chixtojbal lix ma̱queb nak xinchal. Xinchal ban chixcolbaleb.

San Lucas 23:34

Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

San Lucas 22:51

Li Jesús quixye: —Canabomak xba̱nunquil aꞌan, chan. Ut quixchꞌeꞌ riqꞌuin rukꞌ lix xic li cui̱nk ut quixqꞌuirtesi.

San Mateo 5:39

Abanan la̱in tinye e̱re: Me̱sume ma̱usilal riqꞌuin ma̱usilal. Cui junak tixqꞌue junak rukꞌ saꞌ a̱cuu, qꞌue cuiꞌchic chixsacꞌ li jun pacꞌal.

San Lucas 9:55

Quixsukꞌisi rib li Jesús ut quixkꞌuseb. Quixye reheb: —¿Cꞌaꞌru musikꞌejil cuan e̱riqꞌuin la̱ex nak incꞌaꞌ nequetau ru?

San Lucas 9:57

Nak yo̱queb chi xic li Jesús, jun li cui̱nk quicuulac riqꞌuin ut quixye re: —At tzolonel, tincuaj a̱ta̱kenquil yalak bar tatxic, chan re.

San Mateo 18:11

La̱in li Cꞌajolbej quincꞌulun arin saꞌ ruchichꞌochꞌ chixcolbaleb li sachenakeb saꞌ li ma̱c.