San Lucas 9:55 - Li Santil hu

⁵⁵ Quixsukꞌisi rib li Jesús ut quixkꞌuseb. Quixye reheb: —¿Cꞌaꞌru musikꞌejil cuan e̱riqꞌuin la̱ex nak incꞌaꞌ nequetau ru?

Q'eqchi Bible

⁵⁵ Ab'an li Jesus kixsutq'isi rib' ut kixq'useb' chi kaw.

San Lucas 9:55 ပူးပေါင်းရင်းမြစ်များ

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

Li xHu LAJ JOB 26:4

¿Ani yo̱ chi tenkꞌa̱nc a̱cue chixyebal li cꞌaꞌru yo̱cat chixyebal? Ut, ¿cꞌaꞌru chi musikꞌil yo̱ chi yehoc a̱cue nak ta̱ye chi joꞌcan?—

Li xHu LAJ JOB 2:10

Laj Job quixye re li rixakil: —¿Cꞌaꞌut nak nacat-a̱tinac chi joꞌcan? La̱at to̱ntil naꞌleb nacaye. Cui nakacꞌul li us li naxqꞌue ke li Dios, ¿cꞌaꞌut nak incꞌaꞌ takacꞌul li raylal li nachal saꞌ kabe̱n? chan re. Ut riqꞌuin chixjunil li raylal li quixcꞌul ma̱ jun a̱tin quixye re xtzꞌekta̱nanquil li Dios.

San Mateo 26:51

Ut jun reheb li rochben li Jesús quirisi chak lix chꞌi̱chꞌ ut quixchꞌot lix xic lix mo̱s li xbe̱nil aj tij.

San Mateo 26:41

Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k, chan.

San Mateo 26:33

Ut laj Pedro quichakꞌoc ut quixye: —Usta chixjunileb tateꞌxcanab, abanan la̱in incꞌaꞌ tatincanab, chan.

San Mateo 16:23

Ut li Jesús quixsukꞌisi rib chirilbal laj Pedro ut quixye re: —Elen arin saꞌ xnakꞌ cuu. La̱at chanchanat laj tza. Michꞌinan inchꞌo̱l a̱ban chixba̱nunquil li cꞌaꞌru tento tinba̱nu. La̱at incꞌaꞌ yo̱cat chixcꞌoxlanquil joꞌ naxcꞌoxla li Dios. Yo̱cat ban chixcꞌoxlanquil joꞌ naxcꞌoxla li cui̱nk, chan.

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

Proverbios 9:8

Ma̱qꞌue xnaꞌleb li ani naxhob ras ri̱tzꞌin xban xkꞌetkꞌetil xban nak aꞌan xicꞌ chic tatril. Abanan cui ta̱qꞌue xnaꞌleb li naxnau cꞌoxlac, aꞌan tatxra.

Li xHu LAJ JOB 42:6

Anakcuan la̱in xinqꞌue retal nak incꞌaꞌ us xinye. Joꞌcan nak narahoꞌ inchꞌo̱l. Anakcuan tinjal incꞌaꞌux. Tinchunub cuib saꞌ poks ut saꞌ cha xban xrahil inchꞌo̱l, chan laj Job.

2 Samuel 19:22

Ut li rey David quixye: —La̱ex lix yum lix Sarvia, ma̱cuaꞌ la̱ex texyehok cue cꞌaꞌru tinba̱nu. ¿Cꞌaꞌut nak te̱raj nak tine̱takla? La̱in lix reyeb laj Israel. La̱in ninye nak ma̱ ani ta̱camsi̱k saꞌ li cutan aꞌin, chan.

Santiago 3:10

Riqꞌuin lix tzꞌu̱mal ke nakalokꞌoni li Dios ut riqꞌuin ajcuiꞌ lix tzꞌu̱mal ke nocomajecuan. Ex inherma̱n, incꞌaꞌ us cui takaba̱nu chi joꞌcan.

San Juan 16:9

Incꞌaꞌ nequeꞌxtau ru cꞌaꞌru li ma̱c xban nak incꞌaꞌ niquineꞌxpa̱b.

San Lucas 9:54

Nak laj Jacobo ut laj Juan queꞌxqꞌue retal nak incꞌaꞌ quicꞌuleꞌ li Jesús saꞌ li tenamit aꞌan, queꞌxye re: —¿Ma ta̱cuaj nak takatzꞌa̱ma nak ta̱cubek chak xam saꞌ choxa re nak ta̱cꞌatekꞌ li tenamit aꞌan joꞌ quixba̱nu laj Elías? chanqueb.

San Lucas 9:56

La̱in li Cꞌajolbej incꞌaꞌ xinchal chixsachbal ruheb li cristian. Xinchal ban chixcolbaleb, chan li Jesús. Ut chirix aꞌan, queꞌco̱eb saꞌ jalan chic naꞌajej.