San Lucas 9:47 - Li Santil hu

⁴⁷ Nak li Jesús quixqꞌue retal li cꞌaꞌru yo̱queb chixcꞌoxlanquil, quixcꞌam jun li chꞌina al ut quixxakab chiru.

Q'eqchi Bible

⁴⁷ Ab'an naxnaw li Jesus k'aru yookeb' chi xk'oxlankil sa' xch'ooleb'; jo'kan naq kixchap jun li ch'ina'al, kixk'e chi xk'atq

San Lucas 9:47 ပူးပေါင်းရင်းမြစ်များ

San Juan 16:30

Anakcuan nakaqꞌue retal nak la̱at nacanau chixjunil li cꞌaꞌak re ru. Moco toj ta ta̱yehekꞌ a̱cue. Joꞌcan nak nakapa̱b nak la̱at riqꞌuin li Dios xatchal chak, chanqueb.

Salmos 139:23

At inDios, chacuil taxak chanru lin cꞌaꞌux cha̱cuu. Chayal taxak cuix re nak ta̱nau chanru lin naꞌleb.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

San Lucas 5:22

Quixnau li Jesús cꞌaꞌru yo̱queb chixcꞌoxlanquil. Quichakꞌoc ut quixye reheb: —¿Cꞌaꞌut nak yo̱quex chixcꞌoxlanquil chi joꞌcan?

San Mateo 9:4

Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Salmos 139:2

La̱at nacacuil chixjunil li ninba̱nu. Usta najt cuanquin, la̱at nacanau chixjunil li yo̱quin chixcꞌoxlanquil.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Juan 2:25

Incꞌaꞌ tento nak ta̱chꞌoloba̱k chiru chanru lix cꞌaꞌuxeb xban nak ac naxnau chanru lix naꞌleb li junju̱nk.

San Mateo 12:15

Li Jesús quixnau nak yo̱queb xcꞌu̱banquil chanru nak teꞌxcamsi ut qui-el saꞌ li naꞌajej aꞌan. Ut nabaleb li tenamit queꞌta̱ken re ut naxqꞌuirtesiheb chixjunileb li yaj.