San Lucas 9:44 - Li Santil hu

⁴⁴ —Cherabihak chi us li tinye e̱re. Tento nak la̱in li Cꞌajolbej tinkꞌaxtesi̱k saꞌ rukꞌeb li cui̱nk li xicꞌ nequeꞌiloc cue, chan li Jesús.

Q'eqchi Bible

⁴⁴ —Chek'ehaq sa' leech'ool laa'ex eb' li aatin a'in: li K'ajolb'ej taaq'axtesiiq sa' ruq'eb' li winq.

San Lucas 9:44 ပူးပေါင်းရင်းမြစ်များ

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

San Lucas 9:22

Ut quixye ajcuiꞌ reheb: —La̱in li Cꞌajolbej. Tento nak tincꞌul nabal li raylal. Tintzꞌekta̱na̱k xbaneb li xakabanbileb chi cꞌanjelac saꞌ li templo, joꞌ ajcuiꞌ xbaneb li xbe̱nil aj tij, ut xbaneb laj tzꞌi̱b. Tincamsi̱k, abanan tincuacli̱k cuiꞌchic chi yoꞌyo saꞌ rox li cutan, chan li Jesús.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

San Lucas 2:19

Ut lix María quixcꞌu̱la saꞌ xchꞌo̱l chixjunil li cꞌaꞌru quicꞌulman ut yo̱ chixcꞌoxlanquil rix.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

San Juan 16:4

Ac xinye e̱re chixjunil li cꞌaꞌak re ru aꞌin re nak ta̱julticokꞌ e̱re li cꞌaꞌru xinye e̱re nak yo̱kex chixcꞌulbal li raylal. La̱in incꞌaꞌ quinye chak e̱re junxil nak quintiquib chak lin cꞌanjel xban nak cuanquin e̱riqꞌuin, chan.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Lucas 18:31

Tojoꞌnak li Jesús quixcꞌameb xjuneseb lix tzolom cablaju ut quixye reheb: —Anakcuan toxic Jerusalén re nak ta̱tzꞌaklok ru chixjunil li tzꞌi̱banbil xbaneb li profeta chicuix la̱in li Cꞌajolbej.

San Lucas 2:51

Li Jesús quisukꞌi Jerusalén rochbeneb lix naꞌ xyucuaꞌ ut na-abin chiruheb. Ut lix naꞌ quixcꞌu̱la saꞌ xchꞌo̱l chixjunil li quicꞌulman.

San Lucas 1:66

Ut chixjunileb li queꞌabin re queꞌxqꞌue saꞌ xchꞌo̱leb ut queꞌxye: —¿Cꞌaꞌru anchal tixcꞌanjela li cꞌulaꞌal aꞌin nak ta̱nima̱nk? Nacꞌutun nak cuan xcuanquil li Dios riqꞌuin, chanqueb.

San Marcos 9:31

Yo̱ chixchꞌolobanquil xya̱lal chiruheb lix tzolom. Quixye reheb: —La̱in li Alalbej, tineꞌxkꞌaxtesi saꞌ rukꞌeb li cui̱nk li teꞌcamsi̱nk cue. Ut nak ac xineꞌxcamsi, tincuacli̱k cuiꞌchic chi yoꞌyo saꞌ xya̱nkeb li camenak saꞌ rox li cutan.—

San Marcos 8:31

Li Jesús quixchꞌolob xya̱lal chiruheb nak aꞌan li Alalbej ut nak nabal li raylal cha̱lc re saꞌ xbe̱n. Quixye reheb nak ta̱tzꞌekta̱na̱k xbaneb li xakabanbileb chi cꞌanjelac saꞌ li templo. Ta̱tzꞌekta̱na̱k ajcuiꞌ xbaneb li xbe̱nil aj tij. Joꞌ ajcuiꞌ xbaneb laj tzꞌi̱b ut quixye ajcuiꞌ reheb nak ta̱camsi̱k ut ta̱cuacli̱k cuiꞌchic chi yoꞌyo saꞌ rox li cutan.

San Mateo 26:2

—La̱ex nequenau nak cuib cutan chic ma̱ nacuulac xkꞌehil li pascua re xninkꞌeinquil chanru nak queꞌcoleꞌ ut queꞌel laj Israel saꞌ li tenamit Egipto. Ut la̱in li Cꞌajolbej tinkꞌaxtesi̱k re nak tinqꞌuehekꞌ chiru cruz.—

San Mateo 16:21

Chalen saꞌ li cutan aꞌan li Jesús quixtiquib xchꞌolobanquil chiruheb lix tzolom nak tento ta̱xic Jerusalén chixcꞌulbal nabal li raylal xbaneb li cui̱nk li xakabanbileb chi cꞌanjelac saꞌ li templo ut xbaneb li xbe̱nil aj tij joꞌ eb ajcuiꞌ laj tzꞌi̱b. Quixye reheb nak ta̱camsi̱k ut nak ta̱cuacli̱k cuiꞌchic chi yoꞌyo saꞌ rox li cutan.

2 Samuel 24:14

Laj David quixye: —Kꞌaxal ra saꞌ inchꞌo̱l ut incꞌaꞌ nintau cꞌaꞌru tinba̱nu. Abanan takacanab kib saꞌ rukꞌ li Dios xban nak nim li rusilal. Incꞌaꞌ nakaj nak totꞌanekꞌ saꞌ rukꞌeb li xicꞌ nequeꞌiloc ke, chan laj David.

San Juan 16:31

Li Jesús quixye reheb: —¿Ma ya̱l nak niquine̱pa̱b anakcuan?