San Lucas 9:42 - Li Santil hu

⁴² Nak yo̱ chi xic li al riqꞌuin li Jesús, li ma̱us aj musikꞌej quixcut li al saꞌ chꞌochꞌ ut quixchꞌikle chi cau. Abanan li Jesús quixkꞌus li ma̱us aj musikꞌej. Quixqꞌuirtesi li al ut quixkꞌaxtesi re lix yucuaꞌ.

Q'eqchi Bible

⁴² Ut naq yo chi nach'ok li al, kit'ane'k ut kichiq'leek xb'aan laj tza. Li Jesus kixq'us chi kaw li tz'ajn aj musiq'ej, kixk'irtasi li ch'ina'al ut kixq'axtesi re li xyuwa'.

San Lucas 9:42 ပူးပေါင်းရင်းမြစ်များ

San Lucas 7:15

Ut li camenak quicuacli ut quichunla ut qui-oc chi a̱tinac riqꞌuineb. Ut li Jesús quixkꞌaxtesi re lix naꞌ.

Apocalipsis 12:12

Joꞌcan nak chisahokꞌ taxak saꞌ e̱chꞌo̱l la̱ex li cuanquex saꞌ choxa. Abanan li cuanqueb saꞌ ruchichꞌochꞌ ut saꞌ li palau tokꞌobeb ru xban nak laj tza quicuteꞌ saꞌ ruchichꞌochꞌ chi cua̱nc riqꞌuineb. Cꞌajoꞌ lix joskꞌil xban nak naxnau nak cuulac re xkꞌehil nak ta̱sachekꞌ ru, chan.

San Lucas 9:39

Cuan ma̱us aj musikꞌej riqꞌuin. Nak naniman xyajel naxjap re ut nachꞌikchꞌiki̱c chi cau xban li ma̱us aj musikꞌej ut na-el xcuokx saꞌ re. Ut incꞌaꞌ naraj xcanabanquil li cualal.

San Marcos 9:20

Queꞌxcꞌam li al riqꞌuin ut li ma̱us aj musikꞌej nak quiril li Jesús quixchꞌikle li al, quixcut saꞌ chꞌochꞌ ut quixtolcꞌosi ut qui-oc chi e̱lc cuokx saꞌ re.

2 Reyes 4:36

Laj Eliseo quixbok laj Giezi ut quixye re nak tixbok lix naꞌ li chꞌina al. Ut laj Giezi quixbok li ixk. Nak qui-oc li ixk, laj Eliseo quixye re: —Cueꞌ la̱ chꞌina yum, chan.

Hechos 9:41

Laj Pedro quixchap chi rukꞌ ut quixcuaclesi. Quixbokeb li xma̱lcaꞌan joꞌ ajcuiꞌ chixjunileb laj pa̱banel ut quixxakab chiruheb chi yoꞌyo chic.

1 Reyes 17:23

Laj Elías quixkꞌalu cuiꞌchic li chꞌina al ut quixcꞌam cuiꞌchic takꞌa saꞌ li naꞌajej li cuan cuiꞌ lix naꞌ. Quixkꞌaxtesi re li naꞌbej ut quixye re: —Cueꞌ la̱ chꞌina yum yoꞌyo chic, chan.

San Lucas 9:41

Quichakꞌoc li Jesús ut quixye reheb: —La̱ex tenamit li cuanquex anakcuan, chi ti̱c incꞌaꞌ nequexpa̱ban ut incꞌaꞌ us e̱naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús.

San Lucas 9:43

Ut chixjunileb li cuanqueb aran sachso̱queb xchꞌo̱l chirilbal nak kꞌaxal nim xcuanquil li Dios. Nak toj sachso̱queb xchꞌo̱l li tenamit chi cꞌoxlac chirix li quicꞌulman, li Jesús quixye reheb lix tzolom:

San Juan 6:19

Cuan na xcab legua ac xeꞌbe̱c chiru li haꞌ saꞌ li jucub nak queꞌril nak yo̱ chak chi cha̱lc li Jesús. Yo̱ chi be̱c chiru li haꞌ. Yo̱ chak chi nachꞌoc chixcꞌatk li jucub. Cꞌajoꞌ nak queꞌxucuac xban nak incꞌaꞌ queꞌxnau ru.