San Lucas 9:41 - Li Santil hu

⁴¹ Quichakꞌoc li Jesús ut quixye reheb: —La̱ex tenamit li cuanquex anakcuan, chi ti̱c incꞌaꞌ nequexpa̱ban ut incꞌaꞌ us e̱naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús.

Q'eqchi Bible

⁴¹ Kichaq'ok li Jesus ut kixye: —Ex tenamit tik maak'a' eepaab'aal ut sachenaqex sa' li maak, jo' najtil chik tinwanq eerik'in? Jo' najtil chik texinkuy? K'am chaq laawalal arin.

San Lucas 9:41 ပူးပေါင်းရင်းမြစ်များ

Deuteronomio 32:5

La̱ex lix tenamit li Ka̱cuaꞌ queba̱nu li ma̱usilal. Quecꞌut e̱xuta̱n. Moco e̱cꞌulub ta nak la̱ex li ralal xcꞌajol. Nequexma̱cob ut incꞌaꞌ us le̱ naꞌleb.

San Juan 20:27

Tojoꞌnak quixye re laj Tomás: —Il chi us li cuukꞌ. Chꞌic li ruꞌuj la̱ cuukꞌ arin saꞌ xnaꞌaj li claux. Ut chꞌic la̱ cuukꞌ saꞌ xcꞌatk lin saꞌ. Chatpa̱ba̱nk. ¿Cꞌaꞌut nak incꞌaꞌ xapa̱b nak xincuacli cuiꞌchic chi yoꞌyo?—

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

San Marcos 9:19

Nak li Jesús quichakꞌoc, quixye reheb: —Ti̱c incꞌaꞌ nequexpa̱ban. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús.

San Mateo 17:17

Li Jesús quixye: —Ex tenamit, ti̱c incꞌaꞌ nequexpa̱ban ut incꞌaꞌ us le̱ naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús nak quichakꞌoc.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Hebreos 4:11

Chikaqꞌuehak kachꞌo̱l chixpa̱banquil li Dios re nak to-oc chi hila̱nc riqꞌuin. Ma̱ ani taxak ke incꞌaꞌ ta̱oc xban xkꞌetba a̱tin joꞌ queꞌxba̱nu chak junxil nak incꞌaꞌ queꞌpa̱ban.

Hebreos 4:2

La̱o xkabi resil li colba-ib joꞌ nak queꞌrabi resil najter. Abanan ma̱cꞌaꞌ qui-oc cuiꞌ reheb nak queꞌrabi xban nak incꞌaꞌ queꞌpa̱ban.

Hebreos 3:19

Ut relic chi ya̱l xbaneb lix kꞌetba a̱tin, incꞌaꞌ queꞌoc chi hila̱nc saꞌ li cha̱bil naꞌajej.

Romanos 2:4

¿Ma ta̱tzꞌekta̱na lix nimal ruxta̱n li Dios? ¿Ma ta̱tzꞌekta̱na lix cuyum ut lix kꞌunil xchꞌo̱l? ¿Ma incꞌaꞌ nacaqꞌue retal nak xban lix nimal rusilal li Dios naraj nak ta̱yotꞌ a̱chꞌo̱l ta̱jal a̱cꞌaꞌux?

Hechos 13:18

Caꞌcꞌa̱l chihab quixcuy chak rilbaleb nak yo̱queb chak chi numecꞌ saꞌ li chaki chꞌochꞌ.

Hechos 2:40

Ma̱cuaꞌ caꞌaj cuiꞌ aꞌan li quixye laj Pedro reheb. Quixchꞌolob ban ajcuiꞌ xya̱lal chiruheb riqꞌuin nabal chi a̱tin ut quixqꞌue xnaꞌlebeb. Quixye reheb: —Chenauhak xcolbal e̱rib chiru li tojba ma̱c li ta̱cha̱lk saꞌ xbe̱neb li incꞌaꞌ useb xnaꞌleb, chan.

San Lucas 8:25

Ut li Jesús quixye reheb: —¿Cꞌaꞌru xecꞌul? ¿Ma ma̱cꞌaꞌ chic e̱pa̱ba̱l? chan. Cꞌajoꞌ nak qui-oc xcꞌaꞌuxeb ut queꞌxsach xchꞌo̱l. Queꞌxye chi ribileb rib, —¿Chanru nak nequeꞌabin li ikꞌ ut li palau chiru li cui̱nk aꞌin? Ut, ¿chanru nak cuan xcuanquil chixkꞌusbaleb? chanqueb.

San Mateo 16:4

La̱ex jun te̱p chi tenamit incꞌaꞌ us le̱ naꞌleb. Nequetzꞌekta̱na li Dios ut nequeraj nak ta̱cꞌutbesi̱k che̱ru junak milagro. Abanan incꞌaꞌ ta̱cꞌutbesi̱k che̱ru, caꞌaj cuiꞌ li milagro li qui-ux re laj Jonás, chan li Jesús. Tojoꞌnak quixcanabeb ut co̱.

San Mateo 12:39

Ut li Jesús quichakꞌoc ut quixye reheb: —Li incꞌaꞌ useb xnaꞌleb nequeꞌraj nak ta̱cꞌutbesi̱k junak milagro chiruheb, aban ma̱ jun milagro ta̱cꞌutbesi̱k chiruheb. Caꞌaj cuiꞌ li milagro li qui-ux re laj Jonás, li quicꞌutbesi̱c chiruheb junxil, aꞌan li ta̱cꞌutbesima̱nk chiruheb.

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Salmos 78:8

Teꞌxserakꞌi reheb li ralal xcꞌajol re nak incꞌaꞌ teꞌxba̱nu joꞌ queꞌxba̱nu li kaxeꞌto̱nil yucuaꞌ. Eb aꞌan queꞌxba̱nu li cꞌaꞌru queꞌraj xjuneseb ut incꞌaꞌ queꞌabin chiru li Dios. Moco cauheb ta xchꞌo̱l riqꞌuin li Dios. Joꞌcan nak queꞌxkꞌet li ra̱tin.

2 Reyes 5:8

Laj Eliseo, lix profeta li Dios, quirabi resil nak li rey quixpej li rakꞌ xban li hu li quitakla̱c riqꞌuin. Joꞌcan nak quixtakla xyebal re li rey: —¿Cꞌaꞌut nak xapej la̱ cuakꞌ? Takla laj Naamán cuiqꞌuin. Aꞌan tixqꞌue retal nak cuan jun xprofeta li Dios arin Israel, chan.

Números 14:27

—¿Joꞌ najtil chic tincuy nak yo̱keb chincuechꞌinquil eb laj Israel, li incꞌaꞌ useb xnaꞌleb? La̱in nacuabi nak nequeꞌxcuechꞌi cuix.

Números 14:11

Ut li Ka̱cuaꞌ quixye re laj Moisés: —¿Joꞌ najtil chic tincuy nak yo̱keb chincuechꞌinquil li tenamit aꞌin? Ut, ¿joꞌ najtil chic yo̱keb chintzꞌekta̱nanquil ut incꞌaꞌ tineꞌxpa̱b, usta nabal li sachba chꞌo̱lej xincꞌut chiruheb?

Éxodo 16:28

Li Ka̱cuaꞌ Dios quixye re laj Moisés: —¿Cꞌaꞌut nak incꞌaꞌ nequeꞌabin chicuu?

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

San Marcos 10:49

Nak quirabi aꞌan li Jesús quixakli ut quixtakla xbokbal li mutzꞌ. Queꞌco̱eb chixcꞌambal ut queꞌxye re: —Ma̱chꞌina a̱chꞌo̱l. Quim. Yo̱ cha̱bokbal li Ka̱cuaꞌ.—

San Marcos 10:14

Nak li Jesús quixqꞌue retal li yo̱queb chixba̱nunquil, cꞌajoꞌ nak quipoꞌ ut quixye reheb lix tzolom: —Canabomakeb li cocꞌal chi cha̱lc cuiqꞌuin. Me̱ram chiruheb xban nak lix nimajcual cuanquilal li Dios, aꞌan reheb li nequeꞌpa̱ban joꞌ nak nequeꞌpa̱ban li cocꞌal.

San Mateo 23:36

Relic chi ya̱l tinye e̱re nak chixjunil li camsi̱nc queꞌxba̱nu chak junxil, joꞌ ajcuiꞌ li yo̱quex chixba̱nunquil anakcuan, ta̱tꞌanekꞌ ajcuiꞌ saꞌ e̱be̱n la̱ex li cuanquex anakcuan xban nak yo̱quex chixba̱nunquil joꞌ queꞌxba̱nu eb aꞌan.

San Mateo 12:45

Ut li ma̱us aj musikꞌej naxsicꞌ cuukub chic chi ma̱us aj musikꞌej kꞌaxal cuiꞌchic numtajenak xma̱usilaleb chiru aꞌan. Nequeꞌoc chi cua̱nc riqꞌuin li cui̱nk. Ut lix naꞌleb li cui̱nk aꞌan numtajenakak chic xyibal ru chiru nak xcuan chak junxil. Ut joꞌcan ajcuiꞌ te̱cꞌul la̱ex li numtajenak le̱ ma̱usilal.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

San Lucas 9:40

Xintzꞌa̱ma chiruheb la̱ tzolom nak teꞌrisi li ma̱us aj musikꞌej, abanan incꞌaꞌ xeꞌru chirisinquil, chan li cui̱nk.

San Lucas 9:42

Nak yo̱ chi xic li al riqꞌuin li Jesús, li ma̱us aj musikꞌej quixcut li al saꞌ chꞌochꞌ ut quixchꞌikle chi cau. Abanan li Jesús quixkꞌus li ma̱us aj musikꞌej. Quixqꞌuirtesi li al ut quixkꞌaxtesi re lix yucuaꞌ.