San Lucas 9:39 - Li Santil hu

³⁹ Cuan ma̱us aj musikꞌej riqꞌuin. Nak naniman xyajel naxjap re ut nachꞌikchꞌiki̱c chi cau xban li ma̱us aj musikꞌej ut na-el xcuokx saꞌ re. Ut incꞌaꞌ naraj xcanabanquil li cualal.

Q'eqchi Bible

³⁹ Nachape'k xb'aan jun musiq'ej ut chi junpaat naxjap re, naxchiq'le rib' ut nawoqxo'k sa' re. Ut naq ak tawasinb'il chi us, elajik nakanab'aak xb'aan.

San Lucas 9:39 ပူးပေါင်းရင်းမြစ်များ

San Lucas 8:29

Quixye chi joꞌcan xban nak li Jesús ac yo̱ chixyebal re li ma̱us aj musikꞌej nak ta̱e̱lk riqꞌuin li cui̱nk. Nabal sut narahobtesi̱c li cui̱nk xban li ma̱us aj musikꞌej. Nequeꞌxbacꞌ riqꞌuin chꞌi̱chꞌ ut riqꞌuin cadena. Abanan naxtꞌupi li cadena ut nacꞌameꞌ xban li ma̱us aj musikꞌej saꞌ eb li naꞌajej bar ma̱cꞌaꞌ cuan.

San Lucas 4:35

Abanan li Jesús quixkꞌus li ma̱us aj musikꞌej ut quixye re: —La̱at ma̱us aj musikꞌej, matchokin. Elen riqꞌuin li cui̱nk aꞌin, chan li Jesús. Ut li ma̱us aj musikꞌej quixtꞌan li cui̱nk chiruheb aꞌan, ut qui-el riqꞌuin ut ma̱cꞌaꞌ quixba̱nu re.

San Marcos 9:26

Ut li ma̱us aj musikꞌej quixjap re ut quixchꞌikle chi cau li al. Tojoꞌnak qui-el riqꞌuin. Ut li al chanchan camenak quicana. Nabal li tenamit queꞌyehoc re nak xcam.

San Marcos 9:20

Queꞌxcꞌam li al riqꞌuin ut li ma̱us aj musikꞌej nak quiril li Jesús quixchꞌikle li al, quixcut saꞌ chꞌochꞌ ut quixtolcꞌosi ut qui-oc chi e̱lc cuokx saꞌ re.

Apocalipsis 9:11

Cuan jun li nataklan saꞌ xbe̱neb. Aꞌan li ángel li kꞌaxal nim xcuanquil chi takla̱nc saꞌ li chamal jul. Aj Abadón xcꞌabaꞌ saꞌ li a̱tinoba̱l hebreo, ut saꞌ griego aj Apolión xcꞌabaꞌ. (Chi jalbil ru li cꞌabaꞌej aꞌin naraj naxye “aj sachonel”.)

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

San Marcos 9:18

Yalak bar nacuteꞌ saꞌ chꞌochꞌ xban li ma̱us aj musikꞌej. Na-el cuokx saꞌ re ut naxcꞌuxuxi li ruch re ut naxchecꞌ rib. Xintzꞌa̱ma chiruheb la̱ tzolom nak teꞌrisi li ma̱us aj musikꞌej; abanan incꞌaꞌ xeꞌru chirisinquil.—

San Lucas 9:38

Jun li cui̱nk quia̱tinac chak saꞌ xya̱nkeb li tenamit ut quixye chi cau xya̱b xcux: —At tzolonel, nintzꞌa̱ma cha̱cuu nak ta̱cuil li cualal xban nak caꞌaj cuiꞌ aꞌan chicuu.

San Lucas 9:40

Xintzꞌa̱ma chiruheb la̱ tzolom nak teꞌrisi li ma̱us aj musikꞌej, abanan incꞌaꞌ xeꞌru chirisinquil, chan li cui̱nk.