San Lucas 9:38 - Li Santil hu

³⁸ Jun li cui̱nk quia̱tinac chak saꞌ xya̱nkeb li tenamit ut quixye chi cau xya̱b xcux: —At tzolonel, nintzꞌa̱ma cha̱cuu nak ta̱cuil li cualal xban nak caꞌaj cuiꞌ aꞌan chicuu.

Q'eqchi Bible

³⁸ Jun li winq wank sa' xyanqeb' li tenamit; ut ki'ok chi xjapb'al re ut chi xyeeb'al: —At Tzolonel, nintz'aama chawu naq taawil chaq li walal xb'aan naq junaatal chiwu.

San Lucas 9:38 ပူးပေါင်းရင်းမြစ်များ

San Juan 4:47

Li cui̱nk aꞌan quirabi resil nak li Jesús ac xsukꞌi chak Judea ut cuan aran Galilea. Co̱ riqꞌuin li Jesús ut quirelaji ru chi xic Capernaum re tixqꞌuirtesi li ralal. Ca̱mc re xban nak nim xyajel.

San Lucas 7:12

Nak yo̱ chi cuulac cuan cuiꞌ li oqueba̱l re li tenamit quiril nak nabaleb li cristian yo̱queb chi xic chixmukbal jun li camenak. Li camenak aꞌan xyum jun li xma̱lcaꞌan. Jun ajcuiꞌ chiru nak quicuan.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

San Mateo 15:22

Ut cuan jun li ixk aj Canaán quichal saꞌ li naꞌajej aꞌan. Japjo re chixyebal: —Ka̱cuaꞌ, Ralalat laj David, chacuuxta̱na taxak cuu. Lin coꞌ cꞌajoꞌ nak yo̱ chi tacuasi̱c xban li ma̱us aj musikꞌej, chan.

Génesis 44:20

Ut la̱o xkaye a̱cue, “Cuan li kayucuaꞌ. Ti̱x chic. Ut cuan ajcuiꞌ li ki̱tzꞌin toj sa̱j. Saꞌ xti̱xilal li kayucuaꞌ quiyoꞌla li ki̱tzꞌin aꞌan. Caꞌaj chic a jun aꞌin cuan reheb li cuib chi ralal li junaj xnaꞌeb. Li ras li ki̱tzꞌin aꞌin ac camenak. Ut li kayucuaꞌ cꞌajoꞌ nak naxra laj Benjamín.”

San Lucas 9:37

Joꞌ cuulajak chic nak quicube saꞌ li tzu̱l, nabaleb li qꞌuila tenamit queꞌcuulac chi cꞌuluc re li Jesús.

San Lucas 9:39

Cuan ma̱us aj musikꞌej riqꞌuin. Nak naniman xyajel naxjap re ut nachꞌikchꞌiki̱c chi cau xban li ma̱us aj musikꞌej ut na-el xcuokx saꞌ re. Ut incꞌaꞌ naraj xcanabanquil li cualal.