San Lucas 9:33 - Li Santil hu

³³ Nak ac oqueb re xcanabanquil li Jesús li cuib chi cui̱nk, laj Pedro quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Xkayi̱b ta oxibak muheba̱l arin. Jun a̱cue, jun re laj Moisés ut jun re laj Elías, chan. Quixye chi joꞌcan xban nak incꞌaꞌ quixtau ru lix ya̱lal li quiril.

Q'eqchi Bible

³³ Ut naq yookeb' chi elk eb' a'in, kixye laj Pedro re li Jesus: —At Tzolonel, us toowanq arin. Qayiib'aq oxib' chi muheb'aal: jun cho'q aawe, jun cho'q re laj Moisés, jun chik cho'q re laj Elías. Ab'an laj Pedro ink'a' naxnaw li k'aru yo chi xyeeb'al.

San Lucas 9:33 ပူးပေါင်းရင်းမြစ်များ

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

San Juan 14:8

Laj Felipe quixye re: —Ka̱cuaꞌ, cꞌutbesi chiku li Yucuaꞌbej ut ta̱cꞌojla̱k kachꞌo̱l, chan.

San Lucas 5:5

Quichakꞌoc laj Simón ut quixye re: —At tzolonel, chixjunil li kꞌojyi̱n xkaqꞌue li kayoy saꞌ li haꞌ ut ma̱ jun li car xkachap. Abanan xban nak la̱at xatyehoc cue, tinqꞌue cuiꞌchic lin yoy saꞌ li haꞌ, chan.

San Marcos 10:38

Ut li Jesús quixye reheb: —La̱ex incꞌaꞌ nequenau xya̱lal li yo̱quex chixtzꞌa̱manquil chicuu. ¿Ma te̱cuy xcꞌulbal li raylal li oc cue chixcꞌulbal la̱in? Ut, ¿ma te̱cuy xnumsinquil li raylal joꞌ li tincꞌul la̱in?—

San Mateo 17:14

Ut queꞌcuulac bar cuanqueb cuiꞌ nabal li tenamit. Ut jun li cui̱nk colxcuikꞌib rib chiru li Jesús ut quixye re:

Salmos 73:28

Abanan chokꞌ cue la̱in kꞌaxal us li cua̱nc a̱cuiqꞌuin, at Ka̱cuaꞌ. At nimajcual Dios, cauhak inchꞌo̱l a̱cuiqꞌuin re nak tinye resil li calaja̱ba̱nu.

Salmos 27:4

Jun ajcuiꞌ li nacuaj xtzꞌa̱manquil chiru li Ka̱cuaꞌ Dios. Li cꞌaꞌru nintzꞌa̱ma chiru, aꞌan nak tincua̱nk saꞌ li rochoch joꞌ najtil tincua̱nk saꞌ ruchichꞌochꞌ re nak tinlokꞌoni ru saꞌ li rochoch ut re nak tincꞌoxlak chirix li usilal li quixba̱nu cue.

San Mateo 17:4

Ut quia̱tinac laj Pedro ut quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Cui ta̱cuaj, takayi̱b oxibak muheba̱l arin. Jun a̱cue, jun re laj Moisés ut jun re laj Elías, chan.

San Lucas 9:34

Nak toj yo̱ chi a̱tinac laj Pedro, quichal jun li chok saꞌ xbe̱neb. Cꞌajoꞌ nak queꞌxucuac nak queꞌmukun saꞌ li chok.

San Lucas 9:49

Laj Juan quixye re li Jesús: —At Ka̱cuaꞌ, xkil jun li cui̱nk yo̱ chi isi̱nc ma̱us aj musikꞌej saꞌ a̱cꞌabaꞌ. Ut la̱o xkaye re nak incꞌaꞌ tixba̱nu aꞌan xban nak moco kacomon ta, chan.