San Lucas 9:30 - Li Santil hu

³⁰ Ut queꞌril nak cuibeb li cui̱nk yo̱queb chi a̱tinac riqꞌuin li Jesús. Aꞌaneb laj Moisés ut laj Elías.

Q'eqchi Bible

³⁰ Xaqaamileb' wiib' li winq yookeb' chi aatinak rik'in, a'aneb' laj Moisés ut laj Elías.

San Lucas 9:30 ပူးပေါင်းရင်းမြစ်များ

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.

San Lucas 9:19

Eb aꞌan queꞌxye re: —Cuan nequeꞌyehoc re nak la̱at laj Juan laj Cubsihom Haꞌ. Ut cuan ajcuiꞌ nequeꞌyehoc re nak la̱at li profeta Elías. Ut cuan cuiꞌchic nequeꞌyehoc re nak la̱at jun reheb li profeta li queꞌcuan najter li xcuacli cuiꞌchic chi yoꞌyo, chanqueb.

San Lucas 1:17

Aꞌan xbe̱n cua ta̱xic chiru li Ka̱cuaꞌ chixchꞌolobanquil lix ya̱lal. Cua̱nk li Santil Musikꞌej riqꞌuin ut cua̱nk xcuanquil joꞌ li cuanquilal li quiqꞌueheꞌ re laj Elías xban li Dios. Ut saꞌ xcꞌabaꞌ aꞌan teꞌxcꞌam cuiꞌchic rib saꞌ usilal li yucuaꞌbej riqꞌuineb li alalbej. Eb laj kꞌetol a̱tin teꞌxjal xnaꞌleb ut teꞌxtzol ribeb riqꞌuineb li ti̱queb xchꞌo̱l. Tixcauresi li tenamit chixcꞌulbal li Ka̱cuaꞌ, chan li ángel.

San Lucas 9:29

Nak yo̱ chi tijoc li Jesús, quijalanoꞌ li riloba̱l chiruheb. Ut li rakꞌ sak sak ut nalemtzꞌun.

San Lucas 9:31

Nequeꞌlemtzꞌun ut cꞌajoꞌ lix lokꞌaleb nak yo̱queb chi a̱tinac chirix lix camic li Jesús li tenebanbil saꞌ xbe̱n aran Jerusalén.