San Lucas 9:24 - Li Santil hu

²⁴ Li ani ta̱tzꞌekta̱na̱nk cue re xcolbal rix lix yuꞌam arin saꞌ ruchichꞌochꞌ, tixtzꞌek li junelic yuꞌam. Aꞌut li ani naxsach lix yuꞌam arin saꞌ ruchichꞌochꞌ saꞌ incꞌabaꞌ la̱in, aꞌan ta̱re̱chani li junelic yuꞌam.

Q'eqchi Bible

²⁴ Xb'aan naq ani naraj xkolb'al li xyu'am, taasachq chiru; a'ut li taasachq li xyu'am chiru sa' ink'ab'a', a'an tixkol li xyu'am.

San Lucas 9:24 ပူးပေါင်းရင်းမြစ်များ

San Lucas 17:33

Li ani ta̱raj xcolbal rix lix yuꞌam arin saꞌ ruchichꞌochꞌ, ta̱sachk chiru. Ut li ani ta̱sachk lix yuꞌam chiru, aꞌan ta̱cua̱nk xyuꞌam chi junelic.

San Juan 12:25

Li ani kꞌaxal naxra lix yuꞌam saꞌ li ruchichꞌochꞌ aꞌin, aꞌan tixsach li junelic yuꞌam. Aꞌut li ani incꞌaꞌ naxra lix yuꞌam saꞌ ruchichꞌochꞌ, aꞌan ta̱cua̱nk xyuꞌam chi junelic.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Apocalipsis 12:11

Eb li kech aj pa̱banelil xeꞌnumta saꞌ xbe̱n laj tza saꞌ xcꞌabaꞌ lix quiqꞌuel li Jun li chanchan carner ut xban nak queꞌxchꞌolob xya̱lal nak aꞌan laj Colol reheb. Incꞌaꞌ queꞌxra xyuꞌameb, toj retal queꞌxcꞌul ca̱mc.

Hebreos 11:35

Cuanqueb ixk, xban lix pa̱ba̱leb, queꞌcuacli cuiꞌchic lix camenakeb chi yoꞌyo. Ut cuanqueb ajcuiꞌ queꞌrahobtesi̱c toj retal nak queꞌcam xban lix pa̱ba̱leb. Incꞌaꞌ queꞌraj nak teꞌachꞌaba̱k xbaneb li xicꞌ nequeꞌiloc reheb xban nak incꞌaꞌ queꞌraj xtzꞌekta̱nanquil li Dios. Ac nequeꞌxnau nak teꞌxcꞌul jun yuꞌam kꞌaxal cha̱bil saꞌ choxa nak teꞌcuacli̱k cuiꞌchic chi yoꞌyo.

San Mateo 10:39

Li ani naxra lix yuꞌam arin saꞌ ruchichꞌochꞌ, aꞌan tixsach li junelic yuꞌam. Ut li ani tixsach lix yuꞌam arin saꞌ ruchichꞌochꞌ saꞌ incꞌabaꞌ la̱in, aꞌan ta̱re̱chani li junelic yuꞌam.

Eclesiastés 3:6

Cuan xcutanquil li sicꞌoc, ut cuan li ho̱nal re sachoc. Cuan li ho̱nal re xococ, ut cuan li ho̱nal re tzꞌekoc.