San Lucas 9:23 - Li Santil hu

²³ Li Jesús quixye reheb chixjunileb li cuanqueb aran: —Li ani ta̱raj inpa̱banquil tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul, usta ta̱camsi̱k saꞌ incꞌabaꞌ. Ut chinixta̱kehak.

Q'eqchi Bible

²³ Chirix chik a'an kixye reheb' chixjunil: —Wi ani naraj intaaqenkil, mixra rib', chixchapaq li xkrus rajlal kutan ut chinxtaaqehaq.

San Lucas 9:23 ပူးပေါင်းရင်းမြစ်များ

Romanos 8:13

Cui toj yo̱quex chixba̱nunquil li naxrahi ru le̱ chꞌo̱l, texca̱mk. Aban cui riqꞌuin e̱tenkꞌanquil xban li Santil Musikꞌej, te̱canab xba̱nunquil le̱ yehom e̱ba̱nuhom li quilaje̱ba̱nu chak junxil, ta̱cua̱nk e̱yuꞌam chi junelic.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

Tito 2:12

Lix nimal ruxta̱n li Dios naxcꞌut chiku nak li Dios naraj nak takacanab xba̱nunquil li ma̱usilal. Chikacanab xba̱nunquil li incꞌaꞌ us li naxrahi ru li kachꞌo̱l. Saꞌ xya̱lal ban chikanumsihak li cutan saꞌ li ruchichꞌochꞌ aꞌin. Tocua̱nk saꞌ ti̱quilal riqꞌuineb li kas ki̱tzꞌin ut chikaba̱nuhak taxak li naraj li Dios.

2 Timoteo 3:12

Ut ya̱l ajcuiꞌ nak teꞌrahobtesi̱k li joꞌ qꞌuialeb li teꞌraj cua̱nc saꞌ ti̱quilal saꞌ xcꞌabaꞌ li Jesucristo.

Hebreos 13:13

Kacanabak li kanajter naꞌleb ut chikata̱kehak li Jesucristo usta toj yo̱ko chi cꞌuluc raylal saꞌ xcꞌabaꞌ aꞌan.