San Lucas 9:22 - Li Santil hu

²² Ut quixye ajcuiꞌ reheb: —La̱in li Cꞌajolbej. Tento nak tincꞌul nabal li raylal. Tintzꞌekta̱na̱k xbaneb li xakabanbileb chi cꞌanjelac saꞌ li templo, joꞌ ajcuiꞌ xbaneb li xbe̱nil aj tij, ut xbaneb laj tzꞌi̱b. Tincamsi̱k, abanan tincuacli̱k cuiꞌchic chi yoꞌyo saꞌ rox li cutan, chan li Jesús.

Q'eqchi Bible

²² Kixye reheb': —Li K'ajolb'ej tento tixk'ul naab'al li rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib'; taakamsiiq ut taawakliiq chi yo'yo sa' rox li kutan.

San Lucas 9:22 ပူးပေါင်းရင်းမြစ်များ

San Lucas 24:7

Quixye nak tento ta̱kꞌaxtesi̱k li Cꞌajolbej saꞌ rukꞌeb li cui̱nk aj ma̱c. Ta̱qꞌuehekꞌ chiru cruz ut ta̱camsi̱k. Ut quixye ajcuiꞌ nak ta̱cuacli̱k cuiꞌchic chi yoꞌyo saꞌ xya̱nkeb li camenak saꞌ rox li cutan, chanqueb.

San Lucas 9:44

—Cherabihak chi us li tinye e̱re. Tento nak la̱in li Cꞌajolbej tinkꞌaxtesi̱k saꞌ rukꞌeb li cui̱nk li xicꞌ nequeꞌiloc cue, chan li Jesús.

1 Pedro 1:11

Eb li profeta queꞌxye resil li raylal tixcꞌul li Cristo ut lix nimal xlokꞌal li ta̱cꞌutbesi̱k mokon. Queꞌxqꞌue xchꞌo̱l chixsiqꞌuinquil ani tzꞌakal li Cristo. Queꞌxsicꞌ xya̱lal jokꞌe ut cꞌaꞌru chi cutanil ta̱cꞌulma̱nk li yo̱ chi cꞌutbesi̱c chiruheb xban li Santil Musikꞌej.

San Marcos 9:31

Yo̱ chixchꞌolobanquil xya̱lal chiruheb lix tzolom. Quixye reheb: —La̱in li Alalbej, tineꞌxkꞌaxtesi saꞌ rukꞌeb li cui̱nk li teꞌcamsi̱nk cue. Ut nak ac xineꞌxcamsi, tincuacli̱k cuiꞌchic chi yoꞌyo saꞌ xya̱nkeb li camenak saꞌ rox li cutan.—

San Marcos 8:31

Li Jesús quixchꞌolob xya̱lal chiruheb nak aꞌan li Alalbej ut nak nabal li raylal cha̱lc re saꞌ xbe̱n. Quixye reheb nak ta̱tzꞌekta̱na̱k xbaneb li xakabanbileb chi cꞌanjelac saꞌ li templo. Ta̱tzꞌekta̱na̱k ajcuiꞌ xbaneb li xbe̱nil aj tij. Joꞌ ajcuiꞌ xbaneb laj tzꞌi̱b ut quixye ajcuiꞌ reheb nak ta̱camsi̱k ut ta̱cuacli̱k cuiꞌchic chi yoꞌyo saꞌ rox li cutan.

San Mateo 17:12

Abanan la̱in tinye e̱re nak laj Elías ac xcꞌulun ut incꞌaꞌ queꞌxnau ru. Cꞌajoꞌ li raylal xeꞌxba̱nu re ut joꞌcan ajcuiꞌ la̱in li Cꞌajolbej nabal li raylal tincꞌul xbaneb.—

1 Corintios 15:4

Joꞌ nak queꞌxtzꞌi̱ba chak li profeta najter, joꞌcan quicꞌulman. Li Ka̱cuaꞌ Jesucristo quimukeꞌ ut quicuacli cuiꞌchic chi yoꞌyo saꞌ rox li cutan.

San Lucas 24:26

¿Ma incꞌaꞌ ta biꞌ tento nak tixcꞌul chixjunil li raylal aꞌin li Cristo laj Colonel li yechiꞌinbil xban li Dios re nak ta̱qꞌuehekꞌ xlokꞌal? chan reheb.

San Mateo 17:22

Ut nak cuanqueb Galilea, li Jesús quixye reheb: —La̱in li Cꞌajolbej tinkꞌaxtesi̱k saꞌ rukꞌeb li cui̱nk li teꞌcamsi̱nk cue.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

San Mateo 27:63

Ut queꞌxye re: —Ka̱cuaꞌ, xjulticoꞌ ke li a̱tin quixye laj balakꞌ nak toj yoꞌyo̱k. Quixye nak saꞌ rox li cutan ta̱cuacli̱k cuiꞌchic chi yoꞌyo.

San Lucas 17:25

Abanan tento nak la̱in li Cꞌajolbej tinrahobtesi̱k ut tintzꞌekta̱na̱k xbaneb li cuanqueb saꞌ ruchichꞌochꞌ saꞌ eb li cutan aꞌin.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.