San Lucas 9:16 - Li Santil hu

¹⁶ Li Jesús quixchap li o̱b chi caxlan cua ut li cuib chi car. Qui-iloc saꞌ choxa. Quixbantioxi chiru li Dios. Quixjachi ut quixqꞌue reheb lix tzolom re nak teꞌxjeqꞌui reheb li qꞌuila tenamit.

Q'eqchi Bible

¹⁶ Toja' naq kixchap li oob' chi wa ut li wiib' chi kar, kixtaqsi li rilob'aal sa' choxa, kiyoxink ut kixjachi, yo chi xk'eeb'al reheb' li xtzolom re naq te'xjek'i reheb' li tenamit.

San Lucas 9:16 ပူးပေါင်းရင်းမြစ်များ

San Mateo 14:19

Ut nak ac xtaklaheb li qꞌuila tenamit chi cꞌojla̱c saꞌ li pachꞌayaꞌ, quixchap li o̱b chi caxlan cua ut li cuib chi car, qui-iloc takecꞌ ut quixbantioxi chiru li Dios. Ut quixjachi ut quixqꞌue li caxlan cua reheb lix tzolom ut queꞌxjeqꞌui reheb li qꞌuila tenamit.

San Lucas 24:30

Nak cꞌojcꞌo saꞌ me̱x rochbeneb, quixchap li caxlan cua, quixbantioxi chiru li Dios, quixjachi ut quixqꞌue reheb.

San Mateo 15:36

Ut quixchap li cuukub chi caxlan cua ut eb li car, quixbantioxi chiru li Dios ut quixjachi. Ut quixqꞌue reheb lix tzolom re nak teꞌxjeqꞌui reheb li tenamit.

Romanos 14:6

Li ani naxqꞌue xlokꞌal junak li cutan, aꞌan naxba̱nu re xlokꞌoninquil li Dios. Ut joꞌcan ajcuiꞌ li natiꞌoc tib naxba̱nu aꞌan re xlokꞌoninquil li Dios ut naxbantioxi ajcuiꞌ chiru li Dios. Ut li ani incꞌaꞌ natiꞌoc tib, xlokꞌoninquil ajcuiꞌ li Dios naxba̱nu nak incꞌaꞌ natiꞌoc tib, ut naxbantioxi ajcuiꞌ chiru li Dios.

Hechos 27:35

Ut nak quixye aꞌan, quixchap jun li caxlan cua ut quixbantioxi chiru li Dios chiruheb chixjunileb li cuanqueb aran. Ut nak quixjach, qui-oc chixcuaꞌbal.

San Juan 6:23

Ut cuanqueb cuiꞌchic jucub queꞌel chak Tiberias queꞌcuulac chixcꞌatk li naꞌajej li queꞌcuaꞌac cuiꞌ nak ac xbantioxi li Jesús chiru li Dios.

San Juan 6:11

Tojoꞌnak li Jesús quixchap li caxlan cua. Quixbantioxi chiru li Dios. Quixjachi li caxlan cua ut quixqꞌue reheb lix tzolom re nak teꞌxjeqꞌui reheb li qꞌuila tenamit li cꞌojcꞌo̱queb aran. Joꞌcan ajcuiꞌ quixba̱nu riqꞌuin li car. Ut queꞌcuaꞌac chixjunileb toj retal queꞌcꞌojla xchꞌo̱leb.

San Lucas 22:19

Ut quixchap li caxlan cua, quixbantioxi chiru li Dios, tojoꞌnak quixjachi ut quixqꞌue reheb lix tzolom ut quixye: —Aꞌan aꞌin lin tzꞌejcual, kꞌaxtesinbil re camsi̱c saꞌ e̱cꞌabaꞌ la̱ex. Cheba̱nuhak re xjulticanquil lin camic, chan.

1 Corintios 11:24

Ut nak quixbantioxi chiru li Dios, quixjachi li caxlan cua ut quixye reheb: Tzacahomak. Aꞌan aꞌin lin tibel rahobtesinbil saꞌ e̱cꞌabaꞌ la̱ex. Cheba̱nuhak li caxlan cua aꞌin re xjulticanquil li usilal xinba̱nu e̱re, chan.

1 Corintios 10:30

Ut cui la̱in nintioxin chirix li cꞌaꞌru nintzaca, ¿cꞌaꞌut nak ta̱cuechꞌi̱k rix li cꞌaꞌru tintzaca? chaꞌak.

San Marcos 7:34

Qui-iloc saꞌ choxa, quixjikꞌ xchꞌo̱l ut quixye: —Efata.— Saꞌ li ra̱tinoba̱l naraj naxye, “Chiteli̱k la̱ xic ut chat-abi̱nk.”

1 Samuel 9:13

Nak tex-oc saꞌ li tenamit, texxic riqꞌuin saꞌ junpa̱t nak toj ma̱jiꞌ naxic chi mayejac saꞌ li tzu̱l saꞌ xcꞌabaꞌeb li tenamit. Eb li bokbileb incꞌaꞌ teꞌcuaꞌak cui toj ma̱jiꞌ nacuulac aꞌan. Tento nak li profeta ta̱rosobtesi li mayej xbe̱n cua, tojoꞌnak teꞌcuaꞌak li tenamit. Ayukex anakcuan ut te̱tau li profeta, chanqueb.

San Lucas 9:15

Eb lix tzolom li Jesús queꞌxba̱nu joꞌ quiyeheꞌ reheb. Ut li cristian queꞌchunla chi chꞌu̱tal.

San Lucas 9:17

Queꞌcuaꞌac chixjunileb toj retal queꞌcꞌojla xchꞌo̱l. Ut cablaju chacach chic li relaꞌ quicana.