San Lucas 9:12 - Li Santil hu

¹² Nak ac yo̱ chi ecuu̱c, lix tzolom cablaju queꞌco̱eb bar cuan cuiꞌ li Jesús ut queꞌxye re: —Chakꞌrabiheb li tenamit re nak teꞌxic xsicꞌbal lix naꞌajeb bar teꞌhila̱nk cuiꞌ ut teꞌxsicꞌ ajcuiꞌ lix tzacae̱mk saꞌ eb li cꞌaleba̱l ut saꞌ eb li naꞌajej li cuanqueb chi nachꞌ, chanqueb re.

Q'eqchi Bible

¹² Ak yo chi ewuuk naq eb' li Kab'laju ke'jilok chi xk'atq li Jesus ut ke'xye re: —Chaq'rab'iheb' li tenamit re naq te'xik sa'eb' li tenamit ut k'aleb'aal wankeb' chi nach' ut xsik'aqeb' chaq rochochnaal ut xtzekemqeb', xb'aan naq wanko sa' junesal na'ajej.

San Lucas 9:12 ပူးပေါင်းရင်းမြစ်များ

San Mateo 15:23

Aꞌut li Jesús ma̱ jun li a̱tin quixye re. Ut eb lix tzolom queꞌnachꞌoc riqꞌuin li Jesús ut queꞌxye re: —Ka̱cuaꞌ, ba̱nu li usilal re, re nak tixcanab xjapbal re, chanqueb.

Oseas 13:5

La̱in xintenkꞌan chak e̱re nak cuanquex chak saꞌ li tikcual chꞌochꞌ bar incꞌaꞌ natꞌaneꞌ cuiꞌ li hab.

San Juan 6:1

Mokon chic li Jesús co̱ cuiꞌchic jun pacꞌal li palau Galilea. Nequeꞌxye ajcuiꞌ Tiberias re li palau aꞌan.

San Mateo 15:32

Ut li Jesús quixbokeb lix tzolom riqꞌuin ut quixye reheb: —Nequeꞌcuil xtokꞌoba̱l ruheb li tenamit. Ac oxib cutan xchaliqueb chicuix ut ma̱cꞌaꞌ xcuaheb. Ut incꞌaꞌ nacuaj xtaklanquileb saꞌ rochocheb chi incꞌaꞌ teꞌcuaꞌak. Naru nequeꞌlub saꞌ be, chan.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.

San Mateo 14:13

Nak quirabi resil li quicꞌulman, li Jesús qui-el aran. Qui-oc saꞌ jun li jucub ut co̱ saꞌ jun naꞌajej cuan xjunes. Ut nak queꞌxqꞌue retal li tenamit nak co̱, queꞌel chak saꞌ lix tenamiteb ut queꞌco̱eb chi rokeb saꞌ a̱nil bar co̱ cuiꞌ li Jesús.

San Lucas 9:11

Abanan li qꞌuila tenamit queꞌxqꞌue retal nak li Jesús yo̱queb chi xic saꞌ li naꞌajej aꞌan, ut queꞌco̱eb chirix. Li Jesús quixcꞌuleb ut qui-oc chixchꞌolobanquil xya̱lal chiruheb chirix lix nimajcual cuanquilal li Dios. Ut quixqꞌuirtesiheb ajcuiꞌ li yaj.

San Lucas 9:13

Li Jesús quixye reheb: —Qꞌuehomak xcuaheb la̱ex.— Ut eb aꞌan queꞌxye: —Ma̱cꞌaꞌ tzacae̱mk kiqꞌuin la̱o. O̱b ajcuiꞌ li caxlan cua ut cuib ajcuiꞌ li car cuan. ¿Malaj ut yo̱cat chixcꞌoxlanquil nak la̱o toxic chixlokꞌbal xtzacae̱mkeb li qꞌuila tenamit aꞌin? chanqueb lix tzolom.

Filipenses 1:19

Ut junelic ta̱sahokꞌ inchꞌo̱l xban nak ninnau nak yo̱quex chi tijoc chicuix. Ut li Santil Musikꞌej natenkꞌan cue. Joꞌcan nak nasahoꞌ saꞌ inchꞌo̱l xban nak ninnau nak chixjunil li nincꞌul, li Dios tixsukꞌisi chokꞌ usilal chokꞌ cue.