San Lucas 9:11 - Li Santil hu

¹¹ Abanan li qꞌuila tenamit queꞌxqꞌue retal nak li Jesús yo̱queb chi xic saꞌ li naꞌajej aꞌan, ut queꞌco̱eb chirix. Li Jesús quixcꞌuleb ut qui-oc chixchꞌolobanquil xya̱lal chiruheb chirix lix nimajcual cuanquilal li Dios. Ut quixqꞌuirtesiheb ajcuiꞌ li yaj.

Q'eqchi Bible

¹¹ Ab'anan, naq ke'xnaw a'an eb' li poyanam, ke'xtaaqe. Li Jesus kixk'uleb' ut ki'ok chi raatinankileb' chirix li xnimajwal awab'ejihom li Yos, jo' ajwi' chi xk'irtasinkileb' li te'raj ru k'iraak.

San Lucas 9:11 ပူးပေါင်းရင်းမြစ်များ

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Romanos 15:3

Li Cristo incꞌaꞌ quixba̱nu li quiraj xjunes rib. Quixba̱nu ban li naraj li Dios. Quixtenkꞌaheb chixjunileb. Joꞌcan nak quixcꞌul joꞌ tzꞌi̱banbil saꞌ li Santil Hu: Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue. (Sal. 69:9)

Romanos 10:14

Abanan ¿chanru nak teꞌxya̱ba xcꞌabaꞌ li Ka̱cuaꞌ cui toj ma̱jiꞌ nequeꞌxpa̱b? Ut, ¿chanru nak teꞌxpa̱b cui toj ma̱jiꞌ nequeꞌrabi resil? Ut, ¿chanru nak teꞌrabi resil li Ka̱cuaꞌ cui ma̱ ani nachꞌoloban xya̱lal chiruheb?

Hechos 28:31

Yo̱ chixchꞌolobanquil lix ya̱lal lix nimajcual cuanquilal li Dios ut yo̱ chixyebal resil li Ka̱cuaꞌ Jesucristo chi ma̱cꞌaꞌ xxiu. Ut ma̱ ani quiramoc chiru xyebal.

San Juan 6:37

Chixjunileb li tixkꞌaxtesi cue li Yucuaꞌbej, tineꞌxpa̱b. Ut li ani napa̱ban cue, la̱in incꞌaꞌ tintzꞌekta̱na.

San Juan 4:34

Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.

San Lucas 9:2

Quixtaklaheb chixchꞌolobanquil resil lix nimajcual cuanquilal li Dios ut chixqꞌuirtesinquileb li yaj.

San Lucas 8:10

Quichakꞌoc li Jesús ut quixye reheb: —La̱ex qꞌuebil e̱re xnaubal xya̱lal li mukmu̱quil naꞌleb chirix lix nimajcual cuanquilal li Dios. Aꞌut li jun chꞌol chic li incꞌaꞌ nequeꞌpa̱ban, riqꞌuin jaljo̱quil ru a̱tin ta̱yema̱nk reheb. Usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal.

San Lucas 8:1

Li Jesús co̱ saꞌ eb li tenamit chixyebal resil li cha̱bil esilal. Ut quilajeꞌxbeni chixjunileb li tenamit ut li cꞌaleba̱l rochbeneb lix tzolom cablaju. Yo̱ chixchꞌolobanquil lix ya̱lal chirix lix nimajcual cuanquilal li Dios.

San Lucas 5:31

Li Jesús quixye reheb: —Li cauheb ma̱cꞌaꞌ na-oc cuiꞌ aj banonel reheb. Aban li yajeb, aꞌaneb li teꞌraj banecꞌ.

San Lucas 1:53

Li ma̱cꞌaꞌ cuan reheb naxqꞌue chi nabal cꞌaꞌru reheb. Ut eb li biom naxtaklaheb chi ma̱cꞌaꞌ cuan reheb.

San Mateo 21:43

Joꞌcan nak ninye e̱re nak lix nimajcual cuanquilal li Dios ta̱makꞌekꞌ che̱ru ut ta̱qꞌuehekꞌ re jalanil tenamit ut eb aꞌan chic li teꞌpa̱ba̱nk ut teꞌcua̱nk saꞌ ti̱quilal.

San Mateo 21:31

¿Ani reheb li cuib aꞌan xba̱nun re li quiraj lix yucuaꞌ? chan. Eb aꞌan queꞌchakꞌoc ut queꞌxye: —Li xbe̱n.— Ut li Jesús quixye reheb: —Relic chi ya̱l tinye e̱re nak eb laj titzꞌol toj ut eb laj yumbe̱t teꞌoc xbe̱n cua che̱ru saꞌ lix nimajcual cuanquilal li Dios.

San Mateo 14:14

Ut li Jesús nak qui-el saꞌ li jucub, quiril li qꞌuila tenamit li ac queꞌcuulac xbe̱n cua chiru aꞌan. Ut quixtokꞌoba ruheb ut quixqꞌuirtesiheb li yaj cuanqueb saꞌ xya̱nkeb.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Romanos 10:17

Joꞌcan nak li pa̱ba̱l natauman riqꞌuin rabinquil resil li Jesucristo.

San Mateo 12:15

Li Jesús quixnau nak yo̱queb xcꞌu̱banquil chanru nak teꞌxcamsi ut qui-el saꞌ li naꞌajej aꞌan. Ut nabaleb li tenamit queꞌta̱ken re ut naxqꞌuirtesiheb chixjunileb li yaj.

San Lucas 9:10

Nak queꞌsukꞌi chak lix tzolom chixba̱nunquil li cꞌanjel queꞌtakla̱c cuiꞌ, queꞌxserakꞌi re li Jesús li cꞌaꞌru quilajeꞌxba̱nu chak. Li Jesús quixcꞌameb xjuneseb saꞌ jun naꞌajej bar ma̱cꞌaꞌ cuan, li cuan xcue̱nt li tenamit Betsaida.

San Lucas 9:12

Nak ac yo̱ chi ecuu̱c, lix tzolom cablaju queꞌco̱eb bar cuan cuiꞌ li Jesús ut queꞌxye re: —Chakꞌrabiheb li tenamit re nak teꞌxic xsicꞌbal lix naꞌajeb bar teꞌhila̱nk cuiꞌ ut teꞌxsicꞌ ajcuiꞌ lix tzacae̱mk saꞌ eb li cꞌaleba̱l ut saꞌ eb li naꞌajej li cuanqueb chi nachꞌ, chanqueb re.